DANIEL 4:34 - KITAB NU TUMPU ALLA LELE MA'IMAI'

³⁴ Salatan ilapasmo popitu' na taun, aku nonsindamo nokiita' i langit ka' po ule'mo sininsumbu' na aku. Sahingga pinuji'kumo na Tumpu Allah Anu Matangkas na Kuasanyo. Pinuji'kumo ka' pinopodaka'kumo na Ia anu tumuu' sampe toka sidu-sidutu'. “Tumpu timbalimo tomundo' sampe toka sidu-sidutu'. Ia balakuasa madi' kokamingkotannyo.

DANIEL 4:34 ပူးပေါင်းရင်းမြစ်များ

2 SAMUEL 22:31

Palabuatan nu Tumpu Allah sinukupmo hondo apaa na anu jinanji'mo nu Tumpu opalesaya! Ia sumo kanta kona hi mian iwi-iwi' anu mamba hi Ia da nu jagai.

1 TAWARIKH 29:10

I ahop nu mian da'isan, i Tomundo' Daud nompuji'mo Tumpu. Ia notatae “O Tumpu Allah anu nu sombah i Yakub mompolee' mami, o puji' na belento sampe toka sidu-sidutu'!

1 TAWARIKH 29:13

Uuka aiya, o Tumpu Allah mami, kami montalima kase hi belento, ka' o puji' mami na sanggo nu Belento anu o adati.

AYUB 1:21

“Aku ihampeakon ola lima sampulu' sumo aitu mule' na aku de silakamo ola butong hondo-hondo. Tumpu na nombee'mo, Tumpu mule' na mongala. Ku puji' na sanggo-Nyo.”

MAZMUR 10:16

Tumpu mompalentah sampe toka sidu-sidutu' to bansa-bansa anu madi' monsumbu' Ia, saidi' mae madi'mo daagi' ko anu aijo' itano'-Nyo.

MAZMUR 102:24

Tumpu nompato'imo kahosonanku tempo'nyo aku daagi' olitau, ka' nongkodo'imo umunku.

MAZMUR 107:15

Pantasmo na aha montalima kaseh hi Tumpu kalana kalibosan-Nyo, kalana apa-apaa na anu binau-Nyomo anu mompobangang hondo manusia.

MAZMUR 107:22

Sahanyo aha montalima kaseh ka' momboa anu osombahkon, ka' mule' mombebakon apa-apaa na anu binau-Nyomo, olaguakon nu nyanyian anu bilahi.

MAZMUR 107:31

Pantasmo na aha montalima kaseh hi Tumpu kalana kalibosan-Nyo, kalana apa-apaa na anu binau-Nyomo anu mompobangang hondo manusia.

MAZMUR 107:8

Pantasmo na aha montalima kaseh hi Tumpu kalana kalibosanNyo, kalana apa-apaa na anu binau-Nyomo, anu mompobangang hondo manusia.

MAZMUR 111:7

Tumpu adin ka' manonong i han apa-apaa nu anu Nubau, iwi-iwi' na palentah-Nyo timbali otaha'imani.

MAZMUR 121:1

Nyanyian mamba i tampat anu ko balakatnyo Aku montoa mokiita' ito bungku-bungkutnyo, lengkat mae iya na anu montulungi aku?

MAZMUR 123:1

Nyanyian mamba i tampat anu ko balakatnyo. Aku nonsinda Belento O, Tumpu anu mompalentah mae kiita' i suluga'.

MAZMUR 145:13

Kapalentahan nu Belento sampe toka sidu-sidutu', kakuasa'an nu Belento tataap sampe molundu-lundu na tulunan. Tumpu saja' mongganapi iwi-iwi' apaa na anu jinanji'-Nyomo, Ia talalo hondo mongkalibosi iwi-iwi' apaa na anu binau-Nyomo.

MAZMUR 146:10

Tumpu aijo' Tomundo' sampe toka sidu-sidutu'. O Sion, Tumpu nu beleyum balakuasa mo'atu-atuan nu taun. Opuji' na Tumpu!

MAZMUR 50:14

Palasombahkon na koloban bau pontalima kaseh hi Tumpu, tionyo ahi' nu ganapi' na anu jinanji'mo nu belemiu Anu Matangkas na Kuasa-Nyo.

MAZMUR 66:7

Ia baani hondo na mompalentah ka' kopinnyo, sampe toka sidu-sidutu'. Iwi-iwi' na bansa nujagai nu Tumpu, da anu lewa' mombau gau' ma'idek madi' timbali ko bubuun hi Ia.

MAZMUR 7:17

Jadi posi kalakuannyomo ma'i-ma'idek aijo' na nohukum ia ka' ia sinakisamo nu posi kasinggiannyo.

MAZMUR 9:2

Totu-totu'u hondo na kinyonyoangku kahanda' montalima kaseh hi Belento, o Tumpu, ka' mombebakon anu binaumo nu Belento anu talalo hondo okabangangi aijo'.

MAZMUR 92:1

Nyanyian anu onyanyi i sinaa nu Sabat.

YESAYA 13:11

Tumpu motataemo, “Ku hukumo na dunia aiya kalana palabuatannyo na'idekmo tiba aha mian anu toto ide-idek na kinyonyoanyo kalana dosa-dosa' nu aha. Toto samian na anu buulon Ku popo ambangmo, ka' mule' anu montige-tige tiba anu buhingison Kuhukumo.

YESAYA 2:11

Ola-olanyomo ahi Tumpu na anu opopodaka'.

YESAYA 24:15

ka' mian anu isasu kinsoban mompuji'mo Ia. Mian nu jojoong isonibi nu ambai mompuji'mo katalasanggoan nu Tumpu, Tumpu Israel.

YEREMIA 10:10

Panyo Belento, Tumpu Allah anu totu'u Tumpu Allah anu mombee'i mae kantumuu'an, tomundo' anu sampe toka sidu-sidutu'. De Belento pusamo tano' gayu'anmo de Belento motambuha'mo to bansa-bansa madi' moko ala mongahopi. (

MOHAANGI 3:38

Ka'ima'an ka' ka'idekan opojalan ola kalana palentah nu Tumpu.

DANIEL 12:7

Mian sangga'at aijo' nohangkatmo limanyo ohu-ohua' no kiita' ilangit. Ihongongkumo na ia binasumpa' i uno nu sanggo nu Tumpu anu tataap sampe toka sidu-sidutu' ka' notatae, “Kajadian-kajadian haha aiya saja' sabole-bole daagi' totolu' ka' mintonga' na taun. Salatan ponsakisan mian anu palesayamo hi Tumpu lapasmo, saba' suele lapasmo ahi' na kajadian-kajadian anu okabangangi haha aijo!”

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

DANIEL 4:2

Aku kahanda' monsisikakon anu okabangangi ka' mule' sa'angu' na kajadian anu ma'isa toho' jinadi anu binaumo nu Tumpu Anu Matangkas na Kuasanyo hi belengku.

DANIEL 4:26

Malaekat haha aijo' nompalentahmo da tu'o nu kau' aijo' opojohokmo aijo' i uno nu tano'. Aijo' alati'nyo saba' belento Tuanku po ule'mo timbali tomundo' salatan belento Tuanku mongakuimo saba' Tumpu ahi' na mongkuasai songko-songko na dunia aiya.

DANIEL 4:3

Daka' hondo na anu okabangangi binau-Nyomo Daka'hondo na anu okahebati anu ma'isa toho' jinadi binau-Nyomo. Tumpu timbalimo tomundo' sampe toka sidu-sidutu'. Ia balakuasa sampe toka sidu-sidutu'.”

DANIEL 4:32

Belento olaa'mo nu aha mian da'isan ka' tumuu'mo tiba to bina-binatang i padang. Kopinnyo popitu' na taun ka' belento mongkaanmo hemput susumo sapi'. Lapas aijo' belento mongakuimo talu' Tumpu Allah Anu Matangkas na Kuasanyo na balakuasa i kalaja'an nu manusia ka' kalaja'an aijo' obee'mo hi hehe na anu pinile'an-Nyomo.”

DANIEL 4:36

Salatan aku po ule'mo sininsumbu', saba' kahebatan, katalasanggoan nu kalaja'anku, ka' mule' kapuji'an po ule'mo ninsusule' mae hi belengku. Aku ilabotmo nu to paga-pagawengku tiba anu ko pangkatnyo daka' ka' mule' aku po ule'mo nontoongi kalaja'anku ka' mule' katalasanggoanku po ule'mo dinaka' ilingkuduannyomo na anu u'utu mae.

DANIEL 5:18

Tumpu Anu Matangkas na Kuasanyo, nompojadimo tuuma i Nebukadnezar nu belento Tuanku da tinimbali tomundo' anu daka' hondo na kakuasa'annyo, ka' mule' kaholomatan tinalasanggomo.

DANIEL 5:21

Ia nu laa'mo nu mian da'isan ka' kapandeannyo timbalimo susumo kapandean nu binatang. Ia tumuu'mo tiba keledai nu alas, mongkaanmo hemput susumo sapi' ka' hoyotmo i tano' anu madi' ko atopnyo sahingga nu humpisimo nu dondu'ok. Ahennyo ia mongakuimo talu' Tumpu Anu Matangkas na Kuasanyo na mongkuasai kalaja'an nu manusia ka' mule' kalaja'an aijo' Nu bee'mo maumo pa'hihe na anu pinile'an-Nyomo.

DANIEL 6:26

Lapas aijo' i Tomundo' Darius nompakatumo sulat hi aha to mia-mian iwi-iwi na bansa, tulunan nu bansa ka' basa' anu i songko-songko na dunia, “Salamat kopian!

DANIEL 7:14

Ia binee'anmo kaholomatan tiba kakuasa'an salaku tomundo' sahingga to mia-mian anu i iwi-iwi na bansa tiba tulunan nu bansa ka' mule' basa' tunduk hi Ia. Kakuasa'an-Nyo pin sampe toka sidu-sidutu', ka' Ia mompalentah madi'mo daagi' opobelenti.

DANIEL 7:27

Kakuasa'an tiba katalasanggoan nu iwi-iwi' na kalaja'an i dunia aiya, obee'mo hi mian anu palesayamo hi Tumpu Anu Matangkas na Kuasanyo. Kakuasa'an nu aha mompalentah madi'mo daagi' ko kamingkotannyo ka' mule' iwi-iwi' na anu balakuasa i dunia aiya ta'alukmo ka' mule' tulu-tulutanmo.”

DANIEL 9:14

Belento o, Tumpu, na Tumpu mami anu nohukumo kami nu balaa' anu pinosadiamo nu Belento; kaputusan nu Belento saja' kona ka' adin, panyo kami madi' nompotombihing potatae nu Belento.

YUNUS 1:14

Kalana aijo' aha nomoitamo hi Tumpu, “O Tumpu opoita mami boli mae kami silaka kalana mongalamo napas nu mian anu madi' nombau kasala'an hi kami maumo pa' apaa. Kalana belento o Tumpu nombaumo apaa na anu okahanda'i nu Belento.”

MIKHA 4:7

Aha ilepo'anmo ka' najo'onmo i kampung nu aha. Panyo kona hi aha mian anu tinontuha' aijo' Ku tampu'unimo na mompojadi sa'angu' na tulunan mule'. Aha saidi' mae timbalimo sa' angu' na bansa anu daka' ka' mahoson. Ku palentahje na aha lengkat mae aita'i Sion sampe toka sidu-sidutu'.”

LUKAS 1:33

Ka' Ia mompalentah sumo tomundo i katulunan Yakub sidu-sidutu'. Kalaja-Nyo madi' ko kamingkotannyo.”

LUKAS 18:13

Panyo topo tage hasin aijo' tinuminjo jo'o-jo'on ka' madi' baani montihanga langit. Ka' nompanyamo saha'annyo ia notatae, ‘O Tumpu, kalibosiakon na aku mian baladosa' aiya!’ ”

YOHANES 5:26

Sumo Tuuma pinolengkatan nu kantumuu'an, Ia suele mompotimbali Anak-Nyo polengkatan nu kantumuu'an.

PO'ULE' INGULIT 32:4

Tumpu anu baani hondo na Monsangaja'i belemiu, apaa na anu binau-Nyomo na'ima'mo hondo, ka' iwi-iwi' na atulannyo adin hondo. Tumpu Allah nu belemiu madi' baleko' ka' madi' geguan na Ia, Ia saja' mombau anu ma'ima' ka' madi' toho' sala'.

1 TIMOTIUS 1:17

Tumpu, Tomundo sampe toka sidu-sidutu', tionyo o'angga'i ka' saja' o puji', kalana Iamo na anu tumuu' sampe toka sidu-sidutu' anu madi' otoa ka' ola sa'a-sa'angu'nyomo! Amin.

1 TIMOTIUS 6:16

Olamo Ia na anu madi' opoko kuasai nu kapatean; Ia tumuu' i uno nu jingka anu madi' opoko ohani maumo pa' ihe. Madi' ko samian pe'e na manusia anu toho'mo nontoa Ia, kabai anu moko ala montoa Ia. Olamo Ia na o'adati, ka' kakuasa'an-Nyo sampe toka sidu-sidutu'! Amin.

ANU PINOTO'I HI YOHANES 10:6

Ia binasumpa' tiba sanggo nu Tumpu anu tumuu' sampe toka sidu-sidutu', anu nompotimbalimo langit, dunia ka' ambai tiba batu-batu anu daagi' i unonyo. Malaikat aijo' notatae, “Tempo'nyo madi'mo daagi' o tunda!

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”

ANU PINOTO'I HI YOHANES 4:10

ua-uampulu' ka' opat na to pola-polaya' haha aijo' tolodadupumo i ahop nu mian anu suha-suhang i kasuhangan aijo', lantas monsombahmo Ia anu tumuu' sampe toka sidu-sidutu'. Lapas aijo' aha molumbu'akonmo makota nu aha haha aijo' i ahop nu kasuhangan aijo' ka' notatae,

ANU PINOTO'I HI YOHANES 4:9

Opa-opat na malaikat aijo' monyanyiakon to elo-elok mompuji', pongadati, ka' pontalima kase hi Ia anu suha-suhang i kasuhangan aijo', aijo'mo Ia anu tumuu' sampe toka sidu-sidutu'. Ka' de malaikat haha aijo' manyanyimo,