DANIEL 4:27 - KITAB NU TUMPU ALLA LELE MA'IMAI'

²⁷ Kalana aijo' tionyo ahi' belento Tuanku montuluti pokinde'ku. Bolimo belento Tuanku po ule' mombau dosa', panyo anu ma'ima' ka' anu adin na saja' obau ka' mongkalibosi ahi' anu kasiasi. Tiba jalan anu sumo aijo' belento Tuanku tataap tumuu' bilahi.”

DANIEL 4:27 ပူးပေါင်းရင်းမြစ်များ

KAJADIAN 11:4

Koonyo nu aha, “Imbo' da kita mompotinjo kota tiba sa'angu' na menara anu tuu'nyo toka i langit, da kita talasanggo ka' madi' moga'a-ga'at i songko-songko na dunia.”

1 TOMU-TOMUNDO' 21:29

“Tinoaumo nu beleyum mosia na i Ahab tina'alukmo hi beleng-Ku? Kalana aijo' Aku madi'mo daagi' mompotoka mae balaa' de daagi' ia tutuu' minsanje anaknyo atina'je ka' Kupotoka mae na balaa' aijo' hi aha sa'anakan.”

MAZMUR 119:46

Atulan nu Belento ku bebakonmo hi to tomu-tomundo' ka' aku madi'mo ma'ambang.

AMSAL 11:2

Mian anu takabun saidi' mae ia opopo'ambangmo; panyo mian anu ta'aluk na kinyonyoanyo iamo na anu pande.

AMSAL 16:6

Mian anu tulu-tulutan hi Tumpu Allah mohumpak ka'ampunan; mia anu tulu-tulutan hi Tumpu madi' mombau palabuatan anu ma'idek.

AMSAL 28:13

Ihe na momposuluk dosa'nyo, madi' mohumpak kauntungan. Ihe na mongakui ka' madi'mo mombau, saidi mae nukalibosimo nu Tumpu.

YESAYA 10:13

Tomundo' nu aha Asyur talalo molabi-labi na motatae, ia nontaloakon, “Iwi-iwi' na anu binaungkumo aijo' kalana kakuasa'anku. Aku monsumbu' monggoliliakon ka' mule' aku pande. Madi'mo pinobee'ku na kobata-batasnyo bansa sa'angu' tiba bansa sangga'at ka' mule' pinahuhuakonkumo na talakonan nu aha. Susumo sapi' pinahampeja'akonkumo na aha mian anu pompalentah.

YESAYA 47:10

Nu oa'i nu beleyum madi' ko anu mompoposia na beleyum mombau anu ma'idek, nu tutugi na palabuatan nu beleyum madi' opotomatakon. Beleyum sinala'mo na binapikin kalana sinaduakonmo nu kapandean tiba ilimu' nu beleyum, nu sangka nu beleyum madi'mo ko anu pokakana susumo beleyum.

YESAYA 47:8

Kalana aijo' potombihing mae na Aku, o, beleyum anu mongka'ima'i molio kasanangan! Pa' koonyo nu beleyum, kantumuu'an nu beleyum madi'mo ko anu mompoposia, ka' madi'mo ko anu pokakana susumo beleyum. Pa' koonyo nu beleyum, beleyum madi' mule' timbali balu, ka' kantumuu'an nu beleyum madi' mule' silaka.

YEREMIA 29:7

Bakalaja da kokabilahian ahi' na kota' tampat anu pinomboan-Ku belemiu. Balado'a mae hi beleng-Ku bau kapalaluan nu kota' nu belemiu haha atina', kalana de kota' haha itina ma'ima'mo na kantumuu'an nu aha, belemiu suele ma'ima'mo ahi' na kantumuu'an nu belemiu.

YEREMIA 38:20

Tinaamanku, “Madi'”, “Belento Tomundo' madi' mule' obee' hi aha. Ku kakase sabole-bole da belento Tomundo' montuluti potuunon nu Tumpu; saidi' mae iwi-iwi' jadi ma'ima', ka' mule' belento Tomundo madi' ahi opatei.

YEHEZKIEL 18:7

Ia madi' toho' mongakali kabai mombuling. Bala-balang nu mian anu pinogade mae nu mian hi ia kalana ko samaya nu aha hi ia saja' nu sule'akon. Mian anu mo'ohopmo nu bee'i mongkaan ka' mian anu madi'mo ko baju' nu bee'i baju'.

YEHEZKIEL 29:3

Tumpu Anu Matangkas na Kuasanyo nompokaumo mae aku da mompoto'i hi tomundo' Mesir potuunon sumo uuka, “Aku aiya sampobali' nu beleyum obuaa' daka-daka' hondo anu lewa' male' itotonga' nu kaunyo. Beleyum kinobubuunmo tukooyum beleyum na nombau ka' mule' tukooyum beleyumo na tumpunyo nu Kaunyo Nil aijo'.

YEHEZKIEL 29:9

Mesir timbalimo tano' anu liingmo hondo. Sahingga nu sumbu'je nu belemiu taalu' Akumo ahi' na Tumpu.” Tumpu notatae, “O tomundo' nu Mesir! Kalana beleyum nontaloakonmo tukooyum Kaunyo nu Nil aijo' beleyum na tumpunyo ka' mule' tukooyum beleyum na nombau,

YOËL 2:14

Ugaat Tumpu nu belemiu mombali'imo tanga'an-Nyo ka' mombee'i balakat hi belemiu anu molabi-labi. Sahingga belemiu monsombahkonmo koloban anggur ka' gandum hi Tumpu nu belemiu.

AMOS 6:13

Belemiu talalomo molabi na motatae au' aitu belemiu mohungku'imo Lodebar. Belemiu mule' notatae, “Kami sukup mahoson mompokala Karnaim”.

YUNUS 3:9

Ihe na monsumbu' Tumpu mombabali'imo niat-Nyo ka' madi'mo daagi motambuha' sahingga kita madi'mo silaka!”

HABAKUK 1:11

Lantas sumo pinuhakon nu mombuun nambamo na mian haha aijo' anu monganggap kahosonan nu aha pokakanamo sumo pilogot nu aha.”

ZEFANYA 2:15

Sumo aijo' na anu jadi saidi' mae i kota' aijo' anu talalomo hondo lame' ka' mongoa'i butongnyo madi' ko anu mompoposia. Mian anu jojoong ikiijo' monsangka au' aitu kota' nu aha aijo' kota'mo anu talalo hondo daka' i dunia aiya! Liingmo hondo na daerah aijo' madi'mo ko miannyo anu monjojoongi me to bina-binatang nu alas na mimpeta ikiijo'! Batu-batu mian anu motulu ikota' aijo' tolokengkeng ka' mongoaimo mabuhuk.

MATIUS 3:8

Potoa i uno nu palabuatanum de komiu binala tobatmo i dosa-dosa' miu.

LUKAS 11:41

Anu i uno nu mangko' ka' i leanum aijo', aijo'mo na anu tionyo obee' miu hi to mia-mian anu kasiasi. Tiba jalan aijo', iwi-iwi' timbalije mompobelesi' butong komiu.

SISIKON NU TO RASUL-RASUL 24:25

Panyo salatan i Paulus nolausakonmo potataenyo mongkona hal madi' timbali baleko' ka' tionyo ahi montahan napisu ka' mongkona hukuman i Sinaa Kakiamatan, i Feliks nabuhukmo, lantas notatae, “Beleyum timbalimo minsusule' sinaa uuka. Aku molagaje mule' beleyum de ko kasampatanmo.”

SISIKON NU TO RASUL-RASUL 26:20

Tiba sahondo-hondonyo aku mompoto'iakon hi to mia-mian, da aha bolimo mombau to dosa-dosa' nu aha, ka' mombee'mo butong nu aha hi Tumpu, lantas mompotoa i uno nu kantumuu'an nu aha saba' aha madi'mo daagi' mombau dosa-dosa' nu aha. Pinoto'ingkumo na han aijo' momonanyo i Damsyik, lapas aijo' i Yerusalem, ka' i songko-songko Yudea ka' aijo' hi aha to mia-mian anu misa' Yahudi.

SISIKON NU TO RASUL-RASUL 8:22

Kalana aijo' pala'imo na tanga'anum anu ma'idek aijo', ka' poita hi Tumpu da Nu ampuni na pikilanum anu ma'idek aijo'!

2 KORINTUS 5:11

Osumbu' mami apaa na alati'nyo mabuhuk hi Tumpu; mokonyo aijo' kami bala usaha da mian monsumbu' hondo-hondo butong mami. Tumpu monsumbu' hondo kami, ka' suele ku poita na komiu da monsumbu' kami i uno nu kinyonyoa miu.

GALATIA 5:13

Kita Utus ilagamo da timbali mian anu bebas. Panyo boli mompake kabebasan miu aijo' da saja' mombau mau mule' pa' apaa na anu oka'oho' obau miu. Ola ahi' komiu tionyo mompaha kali-kalibosi ka' mompaha toa-toa anu kakulangan.

GALATIA 5:22

Sumo aitu mule' de to mia-mian nupotiju'mo nu Roh nu Tumpu Allah, kasawe'annyo aijo'mo: Aha mompaha kali-kalibosimo, aha lame'mo, aha madi'mo lewa' mombau apa-apaa; aha sabaanmo ka' monginau' sangalu, aha mongkanonongi mian sangga'at, aha tulu-tulutan,

GALATIA 5:6

Kalana de kita mosa'angu'mo tiba i Kristus Yesus, han mombatuki kabai madi' mombatuki atulan nu sunat, madi'mo mongkuka. Anu palalu hondo ola ahi' palesayamo hi Kristus, ka' aijo' oponyata' i uno nu kita mongkalibosi mian sangga'at.

EFESUS 4:28

Mian anu biasa mombuling, bolimo daagi' ia mombuling. Sahanyo ia mokalaja keke-keke, da hasin nu kalajanyo ia mohumpak kaanon ka' timbali montulungi anu kakulangan.

PO'ULE' INGULIT 24:13

panyo tionyo ahi' osule'akonmo hi ia, de malomo, da Tumpu Allah nu belemiu sanang hi belemiu.

PO'ULE' INGULIT 32:27

Panyo aku madi' mongka'oho' sampobali' nu aha Israel kobubuunmo; boli-boli aha sala' na monsangka ka' notatae tukoonyo nu aha, ahamo na nohungku'i mian anu pinalesayamo hi beleng-Ku,’ padahan Aku ahi' na nombaumo han aijo'.”

PO'ULE' INGULIT 8:17

Jadi boli hondo-hondo bapikin kalana usaha ka' kahosonan nu belemiu sahingga kinayamo na belemiu.

1 PETRUS 4:8

Mompaha kali-kalibosi totu-totu'u samian ka' samian, aijo' na lebe molingkudui iwi-iwi' kalana de mompaha kali-kalibosi belemiu suele timbali mompaha ampu-ampuni.