DANIEL 4:25 - KITAB NU TUMPU ALLA LELE MA'IMAI'

²⁵ Belento Tuanku olaa'mo nu mian da'isan ka' tumuu'mo tiba to bina-binatang i padang. Kopinnyo popitu' na taun na belento Tuanku mongkaanmo hemput susumo sapi' ka' hoyotmo i tano' anu madi' ko atopnyo nu humpisimo nu dondu'ok. Lapas aijo' o akuimo nu belento na Tumpu Allah Anu Matangkas na Kuasanyo i kalaja'an nu manusia ka' kalaja'an aijo' Ia na mombee' hihe na anu pinile'an-Nyomo.

DANIEL 4:25 ပူးပေါင်းရင်းမြစ်များ

MAZMUR 103:19

Tumpu mompalentah kiita' mae i suluga', iamo na tomundo anu mongkuasai iwi-iwi'.

MAZMUR 106:20

Aha nontolosimo Tumpu anu talasanggo nu patong susumo sapi' anu ola mongkaan hemput.

MAZMUR 75:7

Kalana anu momputusi ulusan misa' molengkat mae i sasu kabete'an kabai i sasu kinsoban misa' mule' molengkat mae i sasu utara kabai i sasu selatan.

MAZMUR 83:18

Bakas na aha saja' opopo'ambang ka' saja' mongoa'i mabuhuk, bakas na aha silaka kalana nusaduakon lewa'mo o'alu.

YEREMIA 27:5

“Tiba kakuasa'anKu anu daka' hondo ka' mule' tiba kahosonan-Ku, Aku noko alamo nompojadi' tano' tiba manusia ka' mule' sinin na binatang, ka' timbali Ku bee' na aijo' maumo pa' hihe na mian anu Ku kahanda'i.

DANIEL 2:21

Iamo na anu nompotataap loonu ka' wakitu, Ia na mompobelenti ka' mompojadi anu balakuasa. Lamo ia suele na anu mombee'i kapandean, tiba mule' mombee'i da mangalati'.

DANIEL 2:37

Anu talasanggo belento Tuanku atina'mo na tomundo' anu molingkudui iwi-iwi' na tomundo'; belentomo Tuanku na anu talalo hondo balakuasa. Tumpu anu kiita' mae i suluga' nombee'imo mae hi belento Tuanku kalaja'an aiya, kakuasa'an, ka' kahosonan ka' mule' katalasanggoan.

DANIEL 2:47

I Tomundo' notatae, “Totu'u, Daniel, Tumpu nu beleyum aijo' talalo hondo daka' na kuasanyo maumo ahi' pa' Tumpu iyamae. Ia na anu mongkuasai iwi-iwi na tomundo' ka' anu moko ala mompotalang iwi-iwi' na lahasia. Kusumbu' na han aijo' kalana beleyum noko alamo nontalangkan lahasia aiya.”

DANIEL 4:16

Pojohokmo da pikilan nu manusia mongabali'mo timbali pikilan nu binatang kopinnyo popitu' na taun.

DANIEL 4:17

Sumo aijo' na kaputusan nu kami to mala-malaekat anu binalajaga-jagamo ka' siniapmo. Pongka oho' mami da to mia-mian maumo pa' iyamae mongakui saba' Tumpu Anu Matangkas na Kuasanyo mongkuasaimo kalaja'an nu manusia ka' kalaja'an aijo' Nu bee' hihe na anu pinile'an-Nyomo ka' mule' hi mian anu madi' ko alati'nyo apa-apaa!’

DANIEL 4:2

Aku kahanda' monsisikakon anu okabangangi ka' mule' sa'angu' na kajadian anu ma'isa toho' jinadi anu binaumo nu Tumpu Anu Matangkas na Kuasanyo hi belengku.