DANIEL 4:22 - KITAB NU TUMPU ALLA LELE MA'IMAI'

²² O, Tuanku belentomo Tuanku na kau' anu mata-matangkas ka' anu mahoson aijo'. Katalasanggoan nu belento Tuanku mompaka pintuangmo toka-toka i langit ka' mule' kakuasa'an nu belento Tuanku mompaka ewamo toka-toka i pus nu tano'.

DANIEL 4:22 ပူးပေါင်းရင်းမြစ်များ

KAJADIAN 11:4

Koonyo nu aha, “Imbo' da kita mompotinjo kota tiba sa'angu' na menara anu tuu'nyo toka i langit, da kita talasanggo ka' madi' moga'a-ga'at i songko-songko na dunia.”

KAJADIAN 28:12

Lapas aijo' ia nongipimo, au'aitu ia nontoa sa'angu' na ojan anu tinjo-tinjo i tano' ka' tuu'nyo nontoka langit ka' to mala-malaekat mintau' ka' moliba' i ojan aijo'.

2 SAMUEL 12:7

I Natan notataemo hi Daud, “Belentomo Tomundo' na mian ai-aijo'! Ka' sumo uuka na pinoto'i mae nu Tumpu, Tumpu Allah nu Israel, 'Beleyum ihangkat-Kumo binau tomundo' hi aha mian nu Israel ka' mule' pinosalamat-Kumo da madi' pinatean i Saul.

2 TAWARIKH 28:9

Samian na nabi nu Tumpu sanggonyo i Obed jojoong i kota' Samaria. Tempo'nyo suludadu nu Israel ninsusule'mo mae ka' nomboamo mae aha mian nu Yehuda anu i hakop, i Obed nonsingkabotimo aha salatan aha ninsoopmo i kota'. Ia notatae, “Belemiu nompatundu'mo mian nu Yehuda kalana Tumpu Allah mompolee' nu belemiu nontambuha'imo aha. Panyo Tumpu nohongomo mosia na belemiu nonsansalaimo ka' nompateimo suludadu nu Yehuda haha aijo'.

MAZMUR 108:4

O, Tumpu aku montalimakasemo hi-Belento aijo' hi aha to bansa-bansa. Aku kahanda monyanyi mompuji Belento i tonga' nu mian.

MAZMUR 36:5

Itampat kahoyotannyo ia sola'mo montanga'i palabuatan ma'idek; palabuatannyo madi'mo daagi' ko anu ma'ima' anu ma'idekmo na anu nu ka'ima'i.

YEREMIA 27:5

“Tiba kakuasa'anKu anu daka' hondo ka' mule' tiba kahosonan-Ku, Aku noko alamo nompojadi' tano' tiba manusia ka' mule' sinin na binatang, ka' timbali Ku bee' na aijo' maumo pa' hihe na mian anu Ku kahanda'i.

YEHEZKIEL 17:3

anu Aku, Tumpu Anu Matangkas na Kuasanyo mompoto'imo hi aha: Daagi' ko sa'angu' na bonyia' anu daka' hondo bulunyo ma'ima' hondo ka' polipiknyo bola ka' mule' mahoson. Ia ilumahapmo nokiita' i bungkutnyo nu Libanon, nompato' londik nu sangkau na kau' lontio',

DANIEL 2:21

Iamo na anu nompotataap loonu ka' wakitu, Ia na mompobelenti ka' mompojadi anu balakuasa. Lamo ia suele na anu mombee'i kapandean, tiba mule' mombee'i da mangalati'.

DANIEL 4:11

Kau aijo' matangkas hondo, batangnyo daka' hondo ka' mule' mahoson. Tuu'nyo toka-toka i langit sahingga timbali otoa nu iwi-iwi' mian i dunia aiya.

DANIEL 4:21

Honnyo iwi-iwi' molonde ka' mahampe hondo na bua'nyo sahingga sukup na nu kaan nu mian iwi-iwi' anu jojoong i dunia aiya. Binatang iwi-iwi' anu ma ela' lumukut i patunyo ka' mule' iwi-iwi' na tomonsi' mimpeta ito panga-panga'nyo.

DANIEL 4:29

Lapas aijo' sinampulu' ka' ohua' na bitu'on na olotnyo tempo'nyo aitu aku kinolalajangmo i ale' nu bunga-bunga anu aita' mae i bawonyo nu laigan nu tomundo' kajo-kajojoonganku i Babel,

DANIEL 4:36

Salatan aku po ule'mo sininsumbu', saba' kahebatan, katalasanggoan nu kalaja'anku, ka' mule' kapuji'an po ule'mo ninsusule' mae hi belengku. Aku ilabotmo nu to paga-pagawengku tiba anu ko pangkatnyo daka' ka' mule' aku po ule'mo nontoongi kalaja'anku ka' mule' katalasanggoanku po ule'mo dinaka' ilingkuduannyomo na anu u'utu mae.

MATIUS 14:4

Kalana toho'mo i Yohanes nontaeakon sumo uuka hi Herodes, “Madi' timbali beleyum mo'osoa tiba i Herodias!”

ANU PINOTO'I HI YOHANES 18:5

Kalana dosa'nyo notambunmo sinawe'mo i langit, ka' Tumpu madi'mo mongkolilimi ka'idekannyo nu aha.