DANIEL 4:21 - KITAB NU TUMPU ALLA LELE MA'IMAI'

²¹ Honnyo iwi-iwi' molonde ka' mahampe hondo na bua'nyo sahingga sukup na nu kaan nu mian iwi-iwi' anu jojoong i dunia aiya. Binatang iwi-iwi' anu ma ela' lumukut i patunyo ka' mule' iwi-iwi' na tomonsi' mimpeta ito panga-panga'nyo.

DANIEL 4:21 ပူးပေါင်းရင်းမြစ်များ

MAZMUR 104:17

Ikiijo'mo na to tomo-tomonsi' mimpeta tomonsi' ranggung mimpeta aita' mae i tuu'nyo.

YEHEZKIEL 17:23

I bungkutnyo anu matangkas hondo i Israel ia Ku posusukmo. Ikiijo' mae ia minsumpemo ka' mimbua'mo, lantas timbalimo kau' lontio' anu ma'ima' ka' daka' hondo. Mongangahan na tomonsi' mimpeta aijo' ipanga'nyo, ka' mingkong akaong i patuunyo.

YEHEZKIEL 31:6

Mongangahan na tomonsi' mimpeta i panga'nyo. Bintang anu ma'ela' monganak i patuunyo. Iwi-iwi' na bansa anu toto daka-daka isongko-songko na dunia sumuhang mingkong i patuunyo.

DANIEL 2:38

Belento Tuanku pinojadinyomo anu mongkuasai bagian nu dunia anu ko miannyo ka' mongkuasai to tomo-tomonsi' tiba binatang sangga'at. Belentomo Tuanku na ubak mosoni' i patong aijo'.

DANIEL 4:11

Kau aijo' matangkas hondo, batangnyo daka' hondo ka' mule' mahoson. Tuu'nyo toka-toka i langit sahingga timbali otoa nu iwi-iwi' mian i dunia aiya.

DANIEL 4:20

Kau' anu titinoa nu belento Tuanku matangkas hondo aijo' sahingga tuu'nyo nontoka-tokamo langit ka' timbali otoa nu mian i dunia.

DANIEL 4:22

O, Tuanku belentomo Tuanku na kau' anu mata-matangkas ka' anu mahoson aijo'. Katalasanggoan nu belento Tuanku mompaka pintuangmo toka-toka i langit ka' mule' kakuasa'an nu belento Tuanku mompaka ewamo toka-toka i pus nu tano'.

LUKAS 13:19

Balu-balu'nyo sumo kantuang aiya. Sambatu na batu nu sasawi ingala nu sala'samian, lantas sinaunyo i ale'nyo. Batunyo aijo' tinumuu' lantas tinimbali kau', ka' to tomo-tomonsi' nimpetamo i to panga-panga'nyo aijo'.”