DANIEL 4:19 - KITAB NU TUMPU ALLA LELE MA'IMAI'

¹⁹ Nohongo aijo' i Daniel anu sisinanggohanmo i Beltsazar tinolokengkengmo ka' binangangmo panyo ola sinasaingoni'. Sahingga aku, i Tomundo' Nebukadnezar notataemo hi ia, “Beltsazar boli beleyum bata-bata kalana nu sabapi nu ipion aijo' ka' alati'nyo aijo'.” I Beltsazar nontaamimo, “O, Tuanku, talalo hondo ma'ima' de bisuanyo kajadian haha aijo' anu nu kila-kila nu ipion aijo' montuda'mo to sampo-sampobali' nu belento Tuanku.

DANIEL 4:19 ပူးပေါင်းရင်းမြစ်များ

KAJADIAN 31:35

Lantas i Rahel notataemo hi tuumanyo, “Boli motambuha' kita Tuuma, aku madi' moko ala tuminjo molabot kita Tuuma, kalana tinokamo na adat mami nu boune”. Pagala sininsiokan i Laban na nolio, panyo madi' i humpaknyo na patong aijo'.

KAJADIAN 32:18

Otaami, 'Anu nu posaihon nu belento i Yakub. Ia momboa mae aiya da osombahkon hi Esau, tuannyo. Posaihon nu belento i Yakub utuje mae i mihi, kami i moonamo mae.' ”

KAJADIAN 40:12

I Yusuf notataemo, “Uuka na alati'nyo; Totolu' na panga'nyo aijo' alati'nyo tolun sinaa.

1 TOMU-TOMUNDO' 18:7

Hau-haunyo i Obaja nambamo aijo' siningkabotmo na ia i Elia i tonga' nu jalan. Salatan sinumbu'nyomo na i Elia, i Obajat inolodadupumo nontabea'i ia ka' pinokilawanyomo, “Pa' memang belentomo Tuuma, na i Elia?”

NOSABATMO 32:32

Sana-sanang pe'e mae na mongampuni dosa' nu aha; de madi', yo alinimo na sanggongku i kitab nu to mia-mian anu tumuu'?”

YEREMIA 29:7

Bakalaja da kokabilahian ahi' na kota' tampat anu pinomboan-Ku belemiu. Balado'a mae hi beleng-Ku bau kapalaluan nu kota' nu belemiu haha atina', kalana de kota' haha itina ma'ima'mo na kantumuu'an nu aha, belemiu suele ma'ima'mo ahi' na kantumuu'an nu belemiu.

YEREMIA 4:19

Sinansalamo hondo na kinyonyoangku, madi'mo ku poko ala montahan kasansala'an. Aku madi'mo moko ala monsabaanakon butongku sulengku nangada'mo i uno nu saha'anku, kalana ihongongkumo na tolompet ingumonyi'mo, tiba ais nu pahampatean nayontokmo mae.

DANIEL 1:7

Kapala nu auwan i laigan nu tomundo' nombali'imo sanggo nu aha tinimbalimo: i Beltsazar, i Sadrakh, i Mesakh, tiba i Abednego.

DANIEL 2:26

Sahingga notataemo na i tomundo' hi Daniel anu suele osanggohi Beltsazar, “Timbali na beleyum mompoto'i mae hi belengku ipionku ka' mule' alati'nyo?”

DANIEL 2:37

Anu talasanggo belento Tuanku atina'mo na tomundo' anu molingkudui iwi-iwi' na tomundo'; belentomo Tuanku na anu talalo hondo balakuasa. Tumpu anu kiita' mae i suluga' nombee'imo mae hi belento Tuanku kalaja'an aiya, kakuasa'an, ka' kahosonan ka' mule' katalasanggoan.

DANIEL 4:24

O, Tuanku, sumo uuka na alti'nyo na anu tinoa aijo' ka' sumo uuka na kaputusan nu Tumpu Anu Matangkas na Kuasanyo mongkona belento Tuanku.

DANIEL 5:12

Ia talalo hondo pande, ka' pande mule' na mongatun ka' pande mule' na mongalati'i ipion ka' mule monsumbu' lahasia ka' mule' monsumbu' mompopikilakon hahan anu talalo susa'. Sanggonyo i Daniel, panyo sinanggohanmo i tomundo' na ia i Beltsazar. Laga mae na ia. Ia timbali mompoto'i hi belento Tuanku apaa na alati'nyo nu tulisan aiya.”

DANIEL 5:18

Tumpu Anu Matangkas na Kuasanyo, nompojadimo tuuma i Nebukadnezar nu belento Tuanku da tinimbali tomundo' anu daka' hondo na kakuasa'annyo, ka' mule' kaholomatan tinalasanggomo.

DANIEL 5:19

Talalo hondo' daka' na kakuasa'annyo sahingga to mia-mian anu lengkat mae i iwi-iwi na bansa ka' mule' tulunan nu bansa ka' basa' ilakatnyomo ka' mule' nongkabuhukmo ia. De ia kahanda'mo mompatei mian nu pateimo na mian aijo'. De ia kahanda'mo momposalamat mian nu posalamatmo na mian aijo'. Ia mohangkat kabai montau'akon maumo pa' ihe asanje pongka'oho'nyo.

DANIEL 7:15

Anu singkap tinoangku aijo' nompobingongmo hondo aku ka' nangada'mo na kinyonyoangku.

DANIEL 7:28

Sumo uuka na lapulan aiya. Aku nangada'mo hondo sahingga inesemo, panyo madi' ko samian pe'e na anu pinompoto'ianku apaa na anu jinadimo aijo' iwi-iwi'.

DANIEL 8:27

Lapas aijo' aku i lundengmo lantas nasakitmo pa' sinangkuka na sinaa na kinopinnyo. Lapas aijo' aku nobulamo ka' po'ule'mo nombau pakalaja'anku anu bau kapentingan i tomundo'. Panyo aku madi'mo sinanang na lewa' mompopikilakon anu saja' tinoangku aijo' ka' mule' madi' noko ala nongalati'i.

HABAKUK 3:10

To bungku-bungkutnyo montoa Belento, gayu'anmo lengkat mae ilangit tinudunmo na ujan susumo anu obubusakon. Uee iuno nu tano' buhokanmo na onyi'nyo, bokonnyo mingkalulunmo ka' mintelepuakmo.

1 SAMUEL 1:15

Panyo tinaman i Hana, “Aku madi' malangu, kita Tuumangku, aku madi' hondo-hondo nonginum anggur! Madi'mo ko anu kutaha imani, ka' hau-haunyo aku balado'a aku monsisik kasansala'anku hi Tumpu.

1 SAMUEL 24:8

Sumo aijo' na i Daud nongindeko' suludadunyo ka' madi' mompobee' aha montumbuhi i Saul. I Saul nambamo nompala'imo liang aijo', lantas nambamo noyaya.

1 SAMUEL 26:15

Tinaaman i Daud, “Abner, temisa' beleyumo na mian anu baani hondo i Israel? Kadaka' beleyum madi'mo nonjagai tuan nu beleyum, i tomundo'? Sala'je ko mian ninsoop i kemah nu belemiu kahanda' da mompateimo tuan nu belemiu.

1 SAMUEL 3:17

I Eli nompokilawamo, “Apaa na anu pinoto'imo nu Tumpu hi beleyum? Sisik mae iwi-iwi' hi belengku. De daagi nu pohowini, beleyum nu hukumo nu Tumpu Allah.”