DANIEL 3:6 - KITAB NU TUMPU ALLA LELE MA'IMAI'

⁶ Ihehe na madi' montuluti palentah aiya lau-laus olumbu'akon i apu anu hau-haunyo noakmo.”

DANIEL 3:6 ပူးပေါင်းရင်းမြစ်များ

KAJADIAN 19:28

Ia nontanggalakon sasu Sodom ka' Gomora ka' songko-songko na bangka'nyo, ka' nontoamo tibuk kino sipu-sipuhamo lengkat mae i tano' aijo', susumo tibuk anu lengkat mae i polu' anu talenga'nyo hondo.

NOSABATMO 20:5

Boli monsombah patong anu sumo aijo' kalana Akumo na Tumpu Allah nu belemiu, ka' Aku madi' mongka'oho' opokakanakon tiba maumo pa' apaa. To mia-mian anu mongka'ideki Aku, Ku hukum toka-toka i lee' ko totolu'nyo ka' ko opatnyo.

YEREMIA 29:22

Sahingga de bisuanyo aha mian anu binoamo lengkat mae i Yerusalem namba i Babel mongkutukimo ihehe na mian, aha motataemo, ‘O amalakon da Tumpu mombaumo beleyum susumo i Zedekia tiba i Ahab, anu pinapuanmo titu-tituu' nu tomundo' Babel’.

DANIEL 2:5

Tinaaman i tomundo', “Aku nombaumo katanduan sumo uuka; Belemiu tionyo ahi' mompoto'i mae ipion aijo' hi belengku, sumo aitu mule' alati'nyo. De belemiu madi' moko ala, belemiu opado-padotmo ka' mule' laigan nu belemiu ohobo'akonmo.

DANIEL 3:11

ka' ihehe na madi' montuluti palentah aijo' olumbu'akon i uno nu apu anu hau-haunyo noakmo.

DANIEL 3:15

Jadi uuka aiya, balasadia na belemiu tolodadupu ka' monsombah patong aijo' salatan musik opo onyi'mo? De belemiu madi' mongka oho' belemiu lau-laus olumbu'akonmo mokiijo' i uno nu apu hau-haunyo noakmo. Ka' pilogot iya mae na anu moko ala momposalamat belemiu i uno nu kakuasa'anku?”

DANIEL 3:21

Lia-lia' na aha totototolu' aijo' pinungu hoso-hoson tilayamo baju' nu aha anu puso-pusok aijo'mo kameja', juba', songko', ka' mule' baju' nu aha sangga'at lantas ilumbu'akonmo i uno nu apu anu binanyela-nyelakmo aijo'.

DANIEL 3:7

Sahingga salatan nohongomo pakakas nu musik haha aijo' pino onyi'mo nu mian, to mia-mian anu lengkat mae iwi-iwi na bansa tiba mule' tulunan nu bansa ka' basa' tinolodadupumo ahi' ka' nonsombahmo patong mosoni' ai-aijo'.

DANIEL 5:19

Talalo hondo' daka' na kakuasa'annyo sahingga to mia-mian anu lengkat mae i iwi-iwi na bansa ka' mule' tulunan nu bansa ka' basa' ilakatnyomo ka' mule' nongkabuhukmo ia. De ia kahanda'mo mompatei mian nu pateimo na mian aijo'. De ia kahanda'mo momposalamat mian nu posalamatmo na mian aijo'. Ia mohangkat kabai montau'akon maumo pa' ihe asanje pongka'oho'nyo.

DANIEL 6:7

Lapas aijo' nambamo na aha iwi-iwi' nangadap hi tomundo' ka' notatae, “O, Tuanku Tomundo' Darius, higahiakon na belento Tuanku sampe toka sidu-sidutu'!

MATIUS 13:42

Aha iwi-iwi' olumbu'akon i uno nu tolukun anu ko apunyo ka' moak hondo; i kiijo' aha humaangje ka' mongoa'i sansala.

MATIUS 13:50

Lapas aijo' to mia-mian ma'idek aijo' o'alinmo i uno nu tolukun anu ko apunyo. I kiijo'mo na aha humaang ka' mongoa'i sansala.”

MATIUS 4:9

Lantas Ibilis notataemo hi Yesus, “Iwi-iwi' aiya kubee'je hi Beleyum de Beleyum toloduku monsombah aku.”

MARKUS 6:27

Jadi ia lau-laus nompalentah samian na posaihonnyo mongala ubak i Yohanes anu Mompalamandikan. Lantas suludadu aijo' namba i talungku' ka' ia nompolo ubak i Yohanes.

ANU PINOTO'I HI YOHANES 14:11

Tibuk nu apu anu monsakisa mian haha aijo' saja' ko puha-puha sampe toka sidu-sidutu'. Sinaa ka' malom madi' ko kamingkotannyo na aha osakisa, aijo'mo aha anu monsombah binatang aijo' ka' patongnyo, iwi-iwi' na mian anu ko tandanyo sanggo nu binatang aijo'.”

ANU PINOTO'I HI YOHANES 9:2

Jadi mandala' aijo' nombukaimo tumban nu kapatean aijo', lantas tibuk nosabat mae lengkat i unonyo sumo tibuk lengkat mae i polu' anu daka'. Batu nu sinaa ka' langa pinintungmo nu tibuk anu nolengkat mae i tumban nu kapatean aijo'.