DANIEL 3:27 - KITAB NU TUMPU ALLA LELE MA'IMAI'

²⁷ Iwi-iwi' na wakin i tomundo', to gubernur-gubernur, bupati ka' mule' to paga-pagawenyo sangga'at nontikubimo mae aha totototolu' na mian haha aijo' ka' nontoamo saba' aha totototolu' aijo madi' ahi kinona nu apu. Hambahan nu ubak nu aha madi' ahi' nopapu, ka' baju' nu aha madi' ahi' suele notoyo' nu apu, ka' busik nu tibuk pe'e madi' ahi' ko anu ingook hi aha.

DANIEL 3:27 ပူးပေါင်းရင်းမြစ်များ

1 TOMU-TOMUNDO' 13:28

Tinokannyo na bangke' nu nabi anu lengkat mae i Yehuda aijo' daagi' banda-bandang i jalan tiba keledainyo ka' singa koko hi ia. Singa aijo' madi' nonsa'u keledai aijo' ka' mule' madi' nongkaan bangke' aijo'.

2 TOMU-TOMUNDO' 19:19

O Tumpu, Tumpu Allah mami, lapasakon mae na kami aijo' hi aha to mia-mian nu Asyur da iwi-iwi' na bansa i dunia aiya monsumbu' taalu' ola ahi' belento sa'a-sa'angu'nyo na Tumpu Allah.”

MAZMUR 83:18

Bakas na aha saja' opopo'ambang ka' saja' mongoa'i mabuhuk, bakas na aha silaka kalana nusaduakon lewa'mo o'alu.

YESAYA 26:11

O, Tumpu, Belento sabole-boleh mohukum anu monsampobali' Belento, panyo madi' nu sumbu' nu aha. Bakas da aha ma'ambangje demontoamo kalibosan nu Belento hi mian anu palesayamo hi Belento. Bakas da aha mohopu'o nu hukuman anu Nu posadiamo hi aha.

YESAYA 43:2

De beleyum motapmo i uee, Aku na monsangalui beleyum, beleyum madi' mule' molomos i uno nu kasansala'an-kasansala'an nu beleyum. De motulu i apu, beleyum madi' mule' motoyo', palasoba'an anu toto daka-daka' madi' mule' monsilakai beleyum.

DANIEL 3:21

Lia-lia' na aha totototolu' aijo' pinungu hoso-hoson tilayamo baju' nu aha anu puso-pusok aijo'mo kameja', juba', songko', ka' mule' baju' nu aha sangga'at lantas ilumbu'akonmo i uno nu apu anu binanyela-nyelakmo aijo'.

DANIEL 6:23

Tumpungku nonsaimo mae malaekat-Nyo nonggintumo nganga' nu singa haha aijo' sahingga aha madi'mo nompoposia aku. Ia nomposalamatmo aku aiya kalana Nu sumbu' na aku aiya madi' ko kasala'an hi Ia ka' mule' hi belento Tuanku.”

DANIEL 6:7

Lapas aijo' nambamo na aha iwi-iwi' nangadap hi tomundo' ka' notatae, “O, Tuanku Tomundo' Darius, higahiakon na belento Tuanku sampe toka sidu-sidutu'!

MATIUS 10:30

Konjoo' nu hambahan nu ubak i ubakum pe'e binilangmo iwi-iwi'.

SISIKON NU TO RASUL-RASUL 26:26

Posi kita Tomundo' Agripa monsumbu'mo totu'u na hahan aijo'. Mokonyo aijo' aku baani motatae hi ahop nu kita Tomundo' tiba sahondo-hondonyo. Kusumbu' hondo-hondo madi' ko sa'angu' pe'e na hahan aijo' anu ma'isa sinumbu' nu kita Tomundo', kalana iwi-iwi' aijo' madi' tinimbali i tampat-tampat anu sulu-suluk.

SISIKON NU TO RASUL-RASUL 27:34

Ku poita da mongkaan ise-ise'. Aijo' timbali da bau ka'ima'an miu, da komiu po'ule' mahoson. Kalana kita Utus iwi-iwi' daagi' sinalamat ka' madi' ko anu naga'a apa-apaa.”

IBRANI 11:34

nompateimo apu anu daka' na moaknyo, madi' pinoko ala tinabas nu bajak. Aha madi' mahoson, panyo tinimbalimo nahoson; aha baani na mahampate sahingga nompatundu'mo suludadu nu bansa anu i salipu'an.