DANIEL 3:26 - KITAB NU TUMPU ALLA LELE MA'IMAI'

²⁶ Lantas i Nebukadnezar nongohanimo sabatan pipinombauan apu ka' noloboo'i, “i Sadrakh, i Mesakh, tiba i Abednego to posa-posaihon nu Tumpu Anu Matangkas na Kuasanyo! Posabatmo mae atia' i pinombuan apu!” Sahingga nosabatmo mae na aha.

DANIEL 3:26 ပူးပေါင်းရင်းမြစ်များ

KAJADIAN 14:18

I Melkisedek, tomundo nu Salem anu suele montoongi imam nu Tumpu Allah Anu Matangkas hondo na kuasanyo, nomboaimo roti ka' anggur hi Abram,

1 TOMU-TOMUNDO' 8:51

Aha mian anu pinalesayamo hi Belento anu binoamo mae nu belento nosabat lengkat i Mesir lipu' anu pinonsansala'an aha.

EZRA 5:11

Tinaaman nu aha, ‘Kami aiya posaihon nu Tumpu Allah anu mongkuasai songko-songko na dunia. Kami hau-haunyo po'ule'mo mombau Laigan nu Tumpu anu binaumo ka' pinosadiamo na pakakasnyo mopulu-pulu'mo na taun anu i hikuhakonmo nu sa'angu' na tomundo nu Israel anu Talasanggo hondo.

MAZMUR 66:12

Pinojohokmo nu Belento na kami da pinahampeja'akonmo nu anu monsampobali' mae kami; kami so'mo nontului iyaba' ka' apu. Panyo uuka aiya kami binoamo mae nu Belento i tampat anu manjoo' hondo na hasinnyo ohumpak i kiijo'.

YESAYA 28:16

Kalana aijo' Tumpu Anu Matangkas na Kuasanyo notataemo sumo uuka, “Ku potimpasmo na usoi anu mahoson hondo aita' i Sion; sa'angu' na batu bau usoi anu mahan na olinyo ka' kotulisannyo: ‘Ihe na palesaya totu-totu'u madi' mangaku kala'.’

YESAYA 52:12

Belemiu madi' ko sia-sia' na mamba, ka' misa' susumo mian anu mompalaimo. Kalana Tumpu na montaka belemiu; Tumpu Israel na monjagai belemiu maumo pa' iya mae na tampat.

YEREMIA 11:4

Palajanjian-Ku aijo' binaung-Kumo tiba mompolee' nu aha salatan pe'e aha binoang-Kumo nosabat lengkat i Mesir lipu' anu susumo nalaka hi aha. Pinalentah-ngKumo na aha da montuluti Aku ka' mombau sinin na anu pinalentahkon-Kumo. Uuka aiya suele pinoto'ing-Kumo hi aha mian nu Yehuda tiba hi aha mian anu jojoong i Yerusalem taalu' de aha montuluti Aku aha timbalimo mian anu palesayamo hi belengku ka' Akumo ahi' na Tumpu Allah nu aha.

DANIEL 2:47

I Tomundo' notatae, “Totu'u, Daniel, Tumpu nu beleyum aijo' talalo hondo daka' na kuasanyo maumo ahi' pa' Tumpu iyamae. Ia na anu mongkuasai iwi-iwi na tomundo' ka' anu moko ala mompotalang iwi-iwi' na lahasia. Kusumbu' na han aijo' kalana beleyum noko alamo nontalangkan lahasia aiya.”

DANIEL 3:17

De Tumpu anu osombah mami moko ala momposalamat kami da boli motoyo' nu apu anu binanyela-nyelakmo aijo' ka' i uno nu kakuasa'an nu belento Tuanku ka' mule' aijo' memang tionyo ahi' Nu bau.

DANIEL 4:2

Aku kahanda' monsisikakon anu okabangangi ka' mule' sa'angu' na kajadian anu ma'isa toho' jinadi anu binaumo nu Tumpu Anu Matangkas na Kuasanyo hi belengku.

DANIEL 6:20

Daagi' subu-subu hondo nobulamo na i tomundo' ka' nambamo lia-lia nontoa liang nu singa.

DANIEL 6:21

Salatan tinokamo ikiijo' nabuhukmo na ia ka' notataemo daka-daka', “I Daniel memang posaihon nu Tumpu anu tumuu'! Ihe na Tumpu nu beleyum anu nunu sombah ka' nu tuluti nu beleyum totu-totu'u ka' moko ala momposalamat beleyum da madi' sina'u nu singa haha aijo'?”

DANIEL 7:25

Ia saidi' mae motatae, tukoonyo mongewamo Tumpu Anu Matangkas na Kuasanyo ka' mule' monsakisamo mian anu palesayamo hi hi Tumpu. Ia bala usaha da iwi-iwi na atulan obali'imo ka' mule' bau-bauon nu agama nu aha mian anu palesayamo hi Tumpu ka' mule' aha iamo na mongkuasai kopinnyo totolu' ka' mintonga na taun.

SISIKON NU TO RASUL-RASUL 16:17

Boune aijo' saja'mo nombatuki i Paulus ka' kami saja'mo moloboo'akon, “Mian haha aiya posaihon nu Tumpu anu Daka'! Aha tinoka da mompoto'iakon hi to Utu-utus mosia na jalannyo komiu timbali salamat!”

SISIKON NU TO RASUL-RASUL 16:37

Panyo i Paulus notatae hi to pangka-pangkat pulisi aijo', “Kami minsoop i layat nu negara Roma. Madi' pilenje o putusi, kami binala tobatmo i ahop nu mian da'isan ka' pinosoopmo i uno nu talungku'. Ka' uuka aha nompokaumo kami mamba hoko-hokot? Kami madi' mongka'oho'! Pokau mae na to pangka-pangkat pamalentah aijo' da aha na mosi toka mae i aiya monsabatakon kami.”

SISIKON NU TO RASUL-RASUL 27:23

Kalana na'utu pihi-pihi malaikat nu Tumpu anu ku sombah, aijo'mo Tumpu anu monjagai aku, tinoka hi belengku.

GALATIA 1:10

Pa' tiba jalan aijo' aku otoa so'o-so'omo montaha'imani da nu puji' nu manusia? Totu-totu'unyo i madi'! Aku ola ahi' montaha'imani anu ingakuanmo nu Tumpu. Pa' ko anumo binaungku da bau pongala kinyonyoa nu manusia da nu kanonongi nu mian? De aku daagi' mombau sumo aitu, aku misa'mo posaihon i Kristus.

PO'ULE' INGULIT 4:20

Panyo belemiu bansa anu pinosalamat-Nyomo lengkat mae i Mesir, tampat belemiu nongoa'i sansala anu taha-tahahumo. Belemiu binoa-Nyomo mae nosabat lengkat i lipu' aijo' da timbalimo bansa-Nyo susumo balu-balu'nyo belemiu uuka aiya.

YOSUA 4:10

To ima-imam haha aijo' tataap satinjonyo i totonga' nu Yordan sampe mian haha aijo' noko baumo iwi-iwi' anu pinalentahkonmo nu Tumpu hi aha susumo anu pinoto'i-Nyomo hi Yosua. Aijo' pokakana sumo anu pinotiju'mo i Musa hi Yosua. Lantas sampamo na aha mian nu Israel notaap i Kaunyo nu Yordan.

ANU PINOTO'I HI YOHANES 19:5

Lantas i hongo lengkat mae i kasuhangan aijo', potatae anu nontaloakon, “O puji' na Tumpu, o belemiu iwi-iwi' posaihon nu Tumpu, ka' iwi-iwi' mian – daka' ise' – anu nonsombah Tumpu!”