DANIEL 3:19 - KITAB NU TUMPU ALLA LELE MA'IMAI'

¹⁹ Sahingga talalomo hondo pinusa na i Tomundo' Nebukadnezar hi Sadrakh, hi Mesakh, tiba hi Abednego, kalana aijo' ohupnyo nomehamo hondo. Ia nompalentahmo da mombaumo apu, obau pimpitun lipat na ko panasnyo nu lingkudui na panasnyo biasa.

DANIEL 3:19 ပူးပေါင်းရင်းမြစ်များ

KAJADIAN 31:2

I Yakub nontoa suele i Laban madi'mo daagi' i lame' mae hi ia susumo u'utu mae.

ESTER 3:5

I Haman notambuha'mo hondo salatan ihongonyomo na i Mordekhai madi' mongka'oho' toka mae tolodadupu monsosak ia.

ESTER 7:7

I tomundo notambuha'mo hondo, lantas ia nambamo nompala'i meja' ka' nosabatmo, nokiijo'mo i taman i laigan nu tomundo. Sinumbu'mo i Haman na i tomundo taalu' nongalamo kaputusan mohukumo ia, kalana aijo' sinajojoongnyomo na ia hi Ester Bengkele' nu tomundo aijo' momoita da ia opotuu'.

MAZMUR 76:10

Salatan Belento nobungkutmo, kahanda'mo momputusi da oposalamatmo na mian anu sinakisamo i dunia aiya.

AMSAL 16:14

Tambuha' nu tomundo' salakumo lele nu hukuman mate; mian anu pande mongusahakon da mohuhusi tambuha'!

AMSAL 21:24

Mian anu kobubuun ka' talalo hondo matangkas na kinyonyoa mongka'ima'i mongalu ka' madi' ko adatnyo.

YESAYA 51:23

Kasansala'an aijo' Ku bee'mo hi miana nu nonsansalamo beleyum, anu toho'mo nompalentah belemiu nale' itano', ka' nompahampeja'akonmo belemiu, sumomo lapangnyo belemiu jalan anu saja' kajalanan.”

DANIEL 2:12

Nohongo aijo' i tomundo' notambuha'mo hondo sahingga pinalentahnyomo da opateimo iwi-iwi' na anu toto pande-pande kiijo' mae i Babel.

DANIEL 3:13

Nohongo lele aijo' i tomundo' pinusamo hondo, lantas nompalentahmo da aha totototolu' na mian haha aijo' oboa mae mangadap hi ia.

DANIEL 3:20

Lantas pinalentahnyomo tino pia-piangkuka na mian anu mahoson hondo nu lingkudui na kohoson nu suludadunyo da mompungu i Sadrakh, i Mesakh, tiba i Abednego lantas olumbu'akonmo nu aha mokiijo' i apu anu binanyela-nyelakmo aijo'.

DANIEL 5:6

Ia inesemo hondo ka' nabuhukmo sahingga bukunyo i lakatnyomo.

DANIEL 6:24

Paya' na kinosanangnyo na kinyonyoa i tomundo' sahingga pinalentahnyomo da i Daniel osabatakonmo mae aijo' iliang nu singa. Salatan palentah aijo' binaumo saba' tinoa mae madi' ahi' kinobela-belanyo mau pe'e sangkiding hi Daniel, kalana ia palesaya hi Tumpunyo.

IMAMAT 26:18

De lapasmo na mongoa'i hukuman aijo' iwi-iwi', belemiu ma'isa ahi' montuluti Aku, hukuman nu belemiu Ku paka tuangimo lipat pimpitun.

IMAMAT 26:21

De belemiu tataap panggaga hi beleng-Ku ka' madi'mo montuluti Aku, saba' hukuman nu belemiu Ku paka tuangimo mule' lipat pimpitun.

IMAMAT 26:24

saba' Ku dokemo na belemiu ka' mohukumo belemiu pimpitun lipat lebemo maboat molingkudui anu uuka mae momona.

IMAMAT 26:28

saba' pusamo na Aku, Ku dokemo na belemiu ka' Ku hukumo na belemiu pimpitun lipat lebemo maboat molingkudui hukuman anu uuka mae momona.

SISIKON NU TO RASUL-RASUL 5:33

Salatan to sanga-sangalunyo nu Mian Kopian Daka' nu Agama nohongomo aijo', aha pinusamo hondo ka' aha nosa'angu'mo na tanga'an da mompateimo to rasul-rasul haha aijo'.

SISIKON NU TO RASUL-RASUL 7:54

Salatan to mia-mian Mian Kopian Daka' nu Agama aijo' nohongomo iwi-iwi' anu tinaloakon i Stefanus, na'idekanmo hondo na kinyonyoa nu aha ka' pinusa hondo hi ia.