DANIEL 3:18 - KITAB NU TUMPU ALLA LELE MA'IMAI'

¹⁸ Panyo de bisuanyo Ia madi' ahi' mombau yo da osumbu' nu belento Tuanku kami madi' ahi' monsombah pilogot nu belento Tuanku ka' madi' ahi' suele monsombah patong mosoni' anu pipinotinjomo nu belento Tuanku aijo'.”

DANIEL 3:18 ပူးပေါင်းရင်းမြစ်များ

1 TOMU-TOMUNDO' 19:14

Tinaaman i Elia, “O Tumpu, Tumpu Allah Anu Daka' na kuasa'nyo, aku saja'mo nokalaja ola samata-mata mombau anu o palentahkon nu Belento. Panyo' mian nu Israel anu pinalesayamo hi belento nolanggaimo palajanjian nu aha hi belento. Aha nohobo'akonmo mezbah nu belento ka' pinaha pateanmo nu aha na iwi-iwi' na nabi nu belento. Me aku aiya sausa' na daagi' tutuu', ka' uuka aiya aha kahanda'mo mompatei aku!”

1 TOMU-TOMUNDO' 19:18

Panyo' 7.000 na mian nu Israel Ku posalamatmo, aijo'mo to mian-mian anu sabole-bole montuluti Aku, ka' madi' toho' tolodadupu monsomba patong nu Baal kabai mongooki ia.”

AYUB 13:15

Aku sabinmo, kalana madi'mo ko anu otaha'imani! De nu silakaimo nu Tumpu Allah na aku, ku halala'akonmo na butongku aiya, panyo ku poto'i ahi' na kahondoan nu kalakuanku i ahop-Nyo.

AMSAL 28:1

Mian anu ma'idek na kinyonyoanyo mopadeka' maumo madi' ko anu mololoi, panyo mian anu hodi' na kinyonyoa, na baani ahi' susumo singa.

DANIEL 3:28

Lantas notataemo na i tomundo', “Opuji' na Tumpu anu nu sombah i Sadrakh, i Mesakh tiba i Abednego. Ia na nonsaimo mae malaekat-Nyo da momposalamat aha totototolu' na to posa-posaihon-Nyo anu palesaya hi Ia. Aha nolanggaimo palentah-ngku ka' lebe mongka'ima'i mate de mule' monsombah kabai mompopodaka' pilogot mau pa' iyamae, ola ahi' bailako' Tumpu nu aha.

IMAMAT 19:4

Boli monsombah pilogot. Boli mongala besak mosoni', tambaga, salaka obau patong ka' osombah na ia. Akumo na Tumpu Allah nu belemiu.

MATIUS 10:28

Boli mabuhuk hi aha anu mompatei butong, panyo madi' ko kuasa mompatei santuu'. Pabuhuk hi Tumpu anu ko kuasa monsilakai mau mule' butong mau mule' santuu' i uno naraka.

MATIUS 10:39

Mian anu mompagala mompotumuu' kantumuu'annyo tionyo mingkot na kantumuu'annyo, panyo mian anu mingkot na kantumuu'annyo kalana tulut hi beleng-Ku, tionyo mohumpak kantumuu'annyo.”

MATIUS 16:2

I Yesus nontaami, [“De batu nu sinaa ohanimo makakinsap, komiu motatae, ‘Sinaa ma'ima', saba' langitnyo momea'.’

SISIKON NU TO RASUL-RASUL 4:19

Panyo i Petrus ka' i Yohanes nontaami, “Posi tutugimo apaa na anu totu'u i ahop nu Tumpu: mombatuki palentah nu to Tutuuma kabai mombatuki palentah nu Tumpu.

IBRANI 11:25

Ia lebe mongka'ima'i hingga-hinggat mongoa'i sansala tiba mian anu palesayamo hi Tumpu, asan boli mongoa'i kasanangan i kantumuu'an anu baladosa' anu ola sasaingoni'.

YOSUA 24:15

De belemiu madi'mo palesaya ka' mohongo-hongomo Tumpu poto'i mae nasa-nasa sinaa aiya ihe na anu opalesaya ka' o hongo-hongo nu belemiu; hi to pilo-pilogot sangga'at anu sinombahmo nu mompolee' miu kiijo' mae i Mesopotamia naipuan mae kabai hi to pilo-pilogot mian nu Amori anu lipu' nu aha kinajojoonganmo nu belemiu uuka aiya. Panyo kami – aku tiba kami salaigan – mompalesayamo ka' mohongo-hongomo samata-mata hi Tumpu.”

ANU PINOTO'I HI YOHANES 12:11

To Utu-utusto nompokalamo ia tiba baso' nu Anak nu Domba aijo', ka' tiba lele anu totu'u lengkat mae hi Tumpu anu pinolelemo nu aha. Aha sanang na nongkulubanakonmo nyawa nu aha sampe inate.