DANIEL 3:15 - KITAB NU TUMPU ALLA LELE MA'IMAI'

¹⁵ Jadi uuka aiya, balasadia na belemiu tolodadupu ka' monsombah patong aijo' salatan musik opo onyi'mo? De belemiu madi' mongka oho' belemiu lau-laus olumbu'akonmo mokiijo' i uno nu apu hau-haunyo noakmo. Ka' pilogot iya mae na anu moko ala momposalamat belemiu i uno nu kakuasa'anku?”

DANIEL 3:15 ပူးပေါင်းရင်းမြစ်များ

2 TOMU-TOMUNDO' 18:35

Pilogot iyamae na toho' nomposalamat lipu' nu aha da madi' kinuasanku? Te moko ala mule' na Tumpu momposalamat Yerusalem?’.”

NOSABATMO 32:32

Sana-sanang pe'e mae na mongampuni dosa' nu aha; de madi', yo alinimo na sanggongku i kitab nu to mia-mian anu tumuu'?”

NOSABATMO 5:2

“Ihe na Tumpu aijo'?” pinokilawa i tomundo. “Kadaka' aku montapalimo Ia ka' mompobee'mo bansa Israel mamba? Aku madi' monsumbu' Tumpu aijo' ka' mian nu Israel madi' ku pobee' mamba.”

YESAYA 37:23

Pa' sinumbu'mo nu beleyum ihe na anu lewa'mo kinaan nu beleyum ka' mule' anu pinopo ambangmo aijo'? Aku, Tumpu nu Israel, Tumpu anu susi'.

DANIEL 2:47

I Tomundo' notatae, “Totu'u, Daniel, Tumpu nu beleyum aijo' talalo hondo daka' na kuasanyo maumo ahi' pa' Tumpu iyamae. Ia na anu mongkuasai iwi-iwi na tomundo' ka' anu moko ala mompotalang iwi-iwi' na lahasia. Kusumbu' na han aijo' kalana beleyum noko alamo nontalangkan lahasia aiya.”

DANIEL 2:9

da mohukumo belemiu iwi-iwi' tiba jalan anu pokakana de belemiu madi' moko ala mompoto'i mae ipion aijo' hi belengku. Belemiu nosangaja'mo da saja' moleko'i ka' monggule-gule mae aku, osangka nu belemiu saba' aku timbali mongabali' katantuanku, Soba poto'imo mae na ipion aijo' sahingga kusumbu' talu' belemiu moko ala ahi' montalangkan alati'nyo.”

DANIEL 3:17

De Tumpu anu osombah mami moko ala momposalamat kami da boli motoyo' nu apu anu binanyela-nyelakmo aijo' ka' i uno nu kakuasa'an nu belento Tuanku ka' mule' aijo' memang tionyo ahi' Nu bau.

DANIEL 6:16

Lapas mule' mian haha aijo' po ule'mo nangadap hi tomundo' ka' notatae, “O, Tuanku, tionyo ahi' o'inau' nu belento Tuanku na katantuan nu unda-undang nu Media tiba Persia, palentah anu binebakonmo nu tomundo' madi'mo ahi' timbali obabali'i.”

DANIEL 6:20

Daagi' subu-subu hondo nobulamo na i tomundo' ka' nambamo lia-lia nontoa liang nu singa.

MATIUS 10:19

Panyo de komiu oboa da o putusi, boli bata-bata apaa na anu tionyo otaloakon miu aijo', kabai na anu tionyo o sisik miu toka i tempo'nyo.

MATIUS 27:43

Ia palesaya hi Tumpu ka' notatae, tukoonyo Ia Anak nu Tumpu. Soba imbo' da otoanto pa' Tumpu timbali momposalamat Ia uuka.”

MARKUS 13:11

Ka' de komiu o hakop ka' oboa mokiijo' i pomputusian hukuman, boli bata-bata mongkona apaa na anu tionyo otaloakon miu. De tokamo na tempo'nyo motatae, taloakonmo apaa na anu pinoto'i hi komiu i tempo'nyo aijo' kalana potatae anu otaloakon miu, aijo' misa' posi potataeum, panyo toka lengkat mae i Roh nu Tumpu.

LUKAS 12:11

De komiu oboa i to lai-laigan pogalejaan da opalesa i ahop nu pamalentah kabai anu ko kuasa, boli bata-bata mongkona mosia na komiu tionyo mompototu'u butong, kabai mongkona apaa na anu tionyo otaloakon miu.

LUKAS 13:9

Ihe na monsumbu' taun aiyamae mimbua'je. Panyo de madi', timbalimo na kita Tuan mompokau anu montaa'.’ ”

SISIKON NU TO RASUL-RASUL 4:19

Panyo i Petrus ka' i Yohanes nontaami, “Posi tutugimo apaa na anu totu'u i ahop nu Tumpu: mombatuki palentah nu to Tutuuma kabai mombatuki palentah nu Tumpu.

SISIKON NU TO RASUL-RASUL 5:29

I Petrus ka' to rasul-rasul sangga'atannyo nontaami, “Kami tionyo mombatuki Tumpu, misa' mombatuki mian.

SISIKON NU TO RASUL-RASUL 6:15

Iwi-iwi' mian anu tinokamo i uno nu ulusan Mian Kopian Daka' nu Agama aijo' nontoa i Stefanus. Ka' tempo'nyo aitu ohup i Stefanus tinoa sumomo ohup nu malaikat.