DANIEL 3:1 - KITAB NU TUMPU ALLA LELE MA'IMAI'

¹ Daagi' kinominsan i Tomundo' Nebukadnezar nombaumo sa'angu' na patong mosoni' kotangkasnyo 27 na meten ka' ko bolanyo ohani 3 na meten. Pinotinjonyo hatanyo nu Dura i propinsi Babel.

DANIEL 3:1 ပူးပေါင်းရင်းမြစ်များ

1 TOMU-TOMUNDO' 12:28

Salatan tinimbalimo na han aijo', ia nombaumo ohua' na patong nu sapi' mosoni' na binau, lantas pinoto'inyomo hi mian da'isan, “O bansa Israel! Sukupmo na kopinyo belemiu saja' mamba i Yerusalem monsombah Tumpu. Uuka aiya, aiyamo na to pilo-pilogot nu belemiu anu nomboamo mae belemiu nosabat lengkat mae i Mesir.”

ESTER 1:1

Kiijo' i Susan puso nu kota' Persia, i Ahasyweros na nompalentah salaku tomundo'. Kalaja'annyo 127 na propinsi, lengkat mae i India toka-toka i Sudan.

MAZMUR 135:15

Pilogot nu aha mosoni' ka' salaka na tinutuk, lima nu mian na nombau.

NOSABATMO 20:23

Boli belemiu mombau to pato-patong salaka kabai mosoni' da osombah nu belemiu bau pombolosi Aku.

NOSABATMO 32:31

Lantas i Musa po'ule' mule' namba nangadap hi Tumpu ka' notatae, “Bansa aijo' nombaumo dosa' anu daka' hondo. Aha nombaumo pilogot mosoni' na binau.

YESAYA 30:22

Iwi-iwi na patong bapilogotan nu belemiu anu ilapisan nu salaka tiba mosoni' saidi' mae o, alinmo nu belemiu susumo duhehe ka' motatae, “Lako' pala'imo na aku!”

YESAYA 46:6

Mian mombuka'mo dompetnyo ka' mombulokmo mosoni'nyo, lantas montimbangmo salakanyo nu timbangan. Ia montamboimo tukang mosoni' da obaui patong anu bau bapilogotan, lantas nu sombahmo na patong anu pinoki baunyomo.

YEREMIA 10:9

Ia ilapisan nu salaka tiba mosoni' anu binoa mae lengkat i Spanyol ka' lengkat mae i Ufas, iwi-iwi' anu binau nu lima nu mian topo ukin tiba tukang tutuk mosoni'. Baju'nyo hude anu mingkamumu' hondo tiba anu madi' talalo mingkamumu' tinonun nu anu pande montonun ka' talalo ahi' pinokopianan.

YEREMIA 16:20

Te moko ala na manusia mombau posi pilogotnyo? Tantu madi' ahi'! Anu binaunyo aijo' memang misa'ahi' Tumpu Allah.”

DANIEL 2:48

Lapas aijo' i Daniel binee'annyomo pangkat anu matangkas ka' mule' binee'annyomo manjoo' na palasen anu toto ima-ima', ka' i hangkatnyomo binau gubernur nu Babel, ka' pinojadinyomo mule' kapala anu matangkas mongkapalai aha iwi-iwi' na anu lewa' mombee'i pokinde' i laigan nu tomundo'.

DANIEL 2:49

Panyo kalana pinoitamo i Daniel sahingga i tomundo' nombee'mo kapalentahan i Propinsi Babel aijo' hi Sadrakh, hi Mesakh, hi Abednego sadang i Daniel na jinojoong ahi' i laigan nu tomundo'.

DANIEL 3:14

I Tomundo' nompokilawamo hi aha, “hi Sadrakh, hi Mesakh, ka' mule' hi Abednego! Pa' totu'u na belemiu madi' mongka oho' monsombah to pilo-pilogot ka' mule' madi' mongka oho' tolodadupu monsombah patong mosoni' pipinotinjongkumo aijo'?

DANIEL 3:30

Lapas aijo' i tomundo' nompoliba'mo pangkat nu aha, i Sadrakh, i Mesakh, tiba i Abednego sahingga tinimbalimo na aha to paga-pagawe anu matangkas na pangkat nu aha i propinsi Babel.

DANIEL 5:23

Belento Tuanku takabun hi Tumpu anu kiita' i suluga' ka' baani na mompalentah da oboa oposoop na to mangko-mangko' anu ingagoan i Laigan nu Tumpu. Lantas belento Tuanku tiba anu to tangka-tangkas na pangkatnyo, to bengke-bengkele' nu belento tiba to amba-ambahue' nu belento Tuanku nompuji'mo patong haha aijo' anu mosoni' na binau, salaka, tambaga, besak, kau' ka' batu, ka' mule' to pilo-pilogot anu madi' montoa kabai mohongo kabai mangalati' apa-apaa. Belento Tuanku madi' moholomati Tumpu anu montantukan tumuu' kabai silaka na belento Tuanku ka' anu montantukan jalan nu kantumuu'an nu belento Tuanku.

DANIEL 5:4

Hau-haunyo monginum aha nompuji-puji'mo patong nu pilogot anu mosoni' na binau, salaka, tambaga, kau' ka' batu.

HOSEA 2:8

Tina nu beleyum madi' toho' mompototu'u saba' Akumo na anu nombee'i ia gandum, anggur, lanya' nu zaitun ka' iwi-iwi na mosoni', salaka, anu pinakenyo nonsombah Baal aijo'.

HOSEA 8:4

Mian-Ku anu palesayamo mompile'i tomundo' madi' nu pokilawa pe'e mae nu aha hi beleng-Ku pa' Ku situjui. Aha mohangkat bau polaya' madi' pinaisale' pe'e mae hi beleng-Ku. Aha mongala mosoni' tiba salaka nu aha lantas nu baumo nu aha patong nu pilogot anu nonsaduakonmo aha ihansun.

SISIKON NU TO RASUL-RASUL 17:29

Jadi, kalana kita to ana-anak-Nyo, kita madi' timbali monsangka Tumpu pokakana sumo patong mosoni' na binau kabai salaka kabai batu anu binau pokakana sumo kapandean nu mian.

SISIKON NU TO RASUL-RASUL 19:26

Uuka kita Utus nontoamo ka' pinosi hongomo apaa na anu binau i Paulus aijo'. Ia notatae tukoonyo, to pilo-pilogot anu binau nu mian, misa' hondo-hondo pilogot. Ka' ia kino hasinnyomo, nompotimbali da'isan na mian palesaya i ajalannyo, misa' ola aiya i Efesus, panyo ohani songko-songkomo na tano' nu Asia suele.

PO'ULE' INGULIT 7:25

Opapui na to pato-patong nu pilogot anu nusombah nu aha. Boli mongkamilui salaka kabai mosoni' anu kona-kona hi aha ka' boli mongala bau kapalaluan nu posi butong miu. De olanggai miu na palentah aijo' belemiu suele silakamo, kalana Tumpu Allah nu belemiu mongka'ideki de monsombah patong nu pilogot.

ANU PINOTO'I HI YOHANES 9:20

Panyo tuha' nu mian anu madi' pinatean nu balaa' haha aijo' suele madi' ahi' mompala'i pakalaja'an nu lima nu aha. Aha sabole-bole ahi' monsombah to roh-roh ma'idek, ka' to pilo-pilogot mosoni', salaka, tambaga, batu ka' kau' anu madi' moko ala montoa kabai mohongo, kabai pe'e lumajang.