DANIEL 2:46 - KITAB NU TUMPU ALLA LELE MA'IMAI'

⁴⁶ Lantas tinolodadupumo na i Tomundo' Nebukadnezar hi ahop i Daniel ka' nombee'i palentah da i Daniel oholomati ka' osombahkon hi ia na koloban anu opotunu tiba palasombahan-palasombahan sangga'at.

DANIEL 2:46 ပူးပေါင်းရင်းမြစ်များ

EZRA 6:10

Bau na aijo' iwi-iwi' da aha monsombahkonmo koloban anu momposanaang Tumpu Allah anu mongkuasai suluga', da nupoitakon nu aha balakat na aku ka' to ana-anaku mo'ane.

DANIEL 3:5

De tolompet umonyi'mo ka' suele opo'onyi'mo na suling, kasapi', labana, serdam, ka' mule' pakakas nu musik sangga'at, to utu-utus tionyo ahi' tolodadupumo i ahop nu patong mosoni' aijo' ka' monsombah anu pipinotinjomo nu Tomundo' Nebukadnezar.

DANIEL 3:7

Sahingga salatan nohongomo pakakas nu musik haha aijo' pino onyi'mo nu mian, to mia-mian anu lengkat mae iwi-iwi na bansa tiba mule' tulunan nu bansa ka' basa' tinolodadupumo ahi' ka' nonsombahmo patong mosoni' ai-aijo'.

DANIEL 8:17

Lantas i Gabriel anu tinuminjo i ahopku aijo' nongohanimo mae aku. Aku na buhukmo hondo sahingga aku notua'mo. Koonyo i Gabriel hi belengku, “O, mian anu madi' tumuu' sampe toka sidu-sidutu' beleyum tionyo ahi' monsumbu' saba' anu tinoa aijo', aijo'mo na sinaa kakiamatan.”

IMAMAT 26:31

kota-kota' nu belemiu Ku potimbalimo tambulan nu anu i honsuhanmo, tampat pontalakanian nu belemiu pilogot Ku honsuhimo, ka' anu okolobanakon nu belemiu madi'mo Ku talima.

LUKAS 17:16

Lantas i ahop i Yesus ia nonsombah, ka' nontalima kase hi Ia. Mian aijo' mian nu Samaria.

SISIKON NU TO RASUL-RASUL 10:25

Salatan i Petrus tinokamo, i Kornelius nambamo nolabot ia ka' nonsombah i ahopnyo.

SISIKON NU TO RASUL-RASUL 14:13

Imam nu pilogot nu Zeus anu laigan ponsombaan nu aha i ahop nu kota, tinoka nomboa mae to sapi-sapi' mo'anenyo ka' to bunga-bunga nokiijo' i sabatan daka' nu kota. Ia mongka'oho' mombatuki mian da'isan aijo' monsombahkon koloban hi to rasul-rasul aijo'.

SISIKON NU TO RASUL-RASUL 28:6

Tinutugan nu aha sasaidi' lima i Paulus bangkakmo kabai madi' pin ia tombahangkangmo lau-laus mate. Panyo salatan nontanda'i to pia-pia manga na kopinnyo madi' ko apa-apaa anu okahelani tinimbali hi ia, kinyonyoa nu aha nongabali'mo, aha notatae tukoonyo nu aha i Paulus te pilogot.

ANU PINOTO'I HI YOHANES 11:16

Sahingga ua-uampulu' ka' opat na polaya' anu suha-suhang i kasuhangan nu aha i ahop nu Tumpu, dinumaladupumo ka' nonsombahmo Tumpu.

ANU PINOTO'I HI YOHANES 19:10

Aku dinumaladupu i ahop nu malaikat aijo' kahanda' monsombah ia, panyo ia notatae mae hi belengku, “Boli! Boli monsombah aku, sombahmo na Tumpu! Kalana aku mule' posaihon sumo beleyum ka' sumo to utu-utusum iwi-iwi' anu nintoongmo dodo-dodo i potatae anu sinisikmo i Yesus!” Kalana apaa na anu pinoto'imo i Yesus aijo'mo na anu mombee'i to mia-mian da moko ala monsisikakon hahan anu tokaje mae.

ANU PINOTO'I HI YOHANES 22:8

Aku, i Yohanes nohongomo ka' nontoamo iwi-iwi' aiya. Salatan aku nohongomo ka' nontoamo, aku dinumaladupumo i ahop nu malaikat anu nompoto'imo iwi-iwi' aijo' hi belengku, ka' aku kahanda' monsombahmo ia,