DANIEL 2:45 - KITAB NU TUMPU ALLA LELE MA'IMAI'

⁴⁵ Temisa' tinoamo nu belento Tuanku madi' kino mian nohenggo sa'angu' na batu nolingginmo mae aita i keles lantas nontuda'mo ka' mule' nompohintutumo patong besak, ka' tambaga, tano' kun, salaka tiba mosoni' aijo'? Tumpu Anu daka' na Kuasanyo nompoto'imo hi belento Tuanku apaa na anu jadi saidi mae. Ipion aijo' timbali opalesaya ka' mule' katalanganku madi' sala'.”

DANIEL 2:45 ပူးပေါင်းရင်းမြစ်များ

KAJADIAN 41:26

Popitu' na sapi' anu molompo' aijo', aijo'mo popitu' na taun, ka' popitu' na bua' nu gandum anu ko antoknyo aijo', aijo'mo popitu' na taun suele, ohu-ohua' aijo' pokakana na alati'nyo.

KAJADIAN 41:28

Susumo anu tinaloakonkumo hi belento Tuanku, Tumpu Allah nompotoamo hi belento Tuanku apaa na anu saidi' mae nu bau.

KAJADIAN 41:32

Ipion nu belento Tuanku pininduan, aijo' alati'nyo saba' han aijo' pinotantumo nu Tumpu Allah ka' Tumpu Allah mombaumo lia-lia'.

2 SAMUEL 7:22

Totu-totu'u daka' na kakuasa'an nu belento, o Tumpu Allah! Ola sa'a-sa'angu'nyomo belento na Tumpu Allah, madi' ko anu pokakana tiba belento. Sinumbu'mo mami na han aijo' kalana pinoto'imo hi kami naipuan pe'e mae.

1 TAWARIKH 16:25

Kalana Tumpu daka' na kuasa-Nyo ka' talalo hondo o puji'; Ia tionyo ahi' okabuhuk hondo sahanyo pilogot na boli okabuhuk.

NEHEMIA 4:14

Salatan tinoangku taalu' mian da'isan nabuhukmo ahi', pinoto'ingkumo hi aha ka' hi to tu'a-tu'anyo ka' hi to pola-polaya', “Boli mabuhuk hi sampobali'! Boli okolilimi na Tumpu anu mahoson ka' baani ka' pahampatemo, tinjohakon na to utu-utus nu belemiu, to ana-anak nu belemiu, bengkele' ka' laigan nu belemiu!”

NEHEMIA 9:32

O Tumpu Allah, Tumpu Allah mami anu mahoson hondo! Tumpu Allah anu daka' na kakuasa'annyo ka' opalias! Otoongi totu-totu'u nu Belento iwi-iwi' apaa na anu jinanji'mo nu Belento; iwi-iwi' na anu jinanji'Mo nu Belento ginanapanmo ka' binaumo nu Belento. Salatanmo pe'e to tomu-tomundo' nu aha Asyur nonsansalamo kami. Sampe uuka aiya nanjoo'mo hondo na kasansala'an anu ingoa'anmo mami. To tomu-tomundo' mami, imam, nabi tiba to tu'a-tu'anyo mami, ka' suele mompolee'mami ka' mule' aha mian da'isan nongoa'imo kasansala'an iwi-iwi'. Boli okolilimi na kasansala'an haha aijo'! Boli madi'mo o'inau' i uno nu pikilan nu Belento!

AYUB 36:26

Tumpu Allah totu-totu'u talalo ahi' talasanggo madi' opoko ala okiop to na tanga'an-Nyo kabai mombilang konjoo'nyo nu taun anu Nugunakon.

MAZMUR 135:5

Kalana ku sumbu' Tumpu talalo daka' na kuasa-Nyo, Ia talasanggo hondo molingkudui iwi-iwi na pilogot.

MAZMUR 145:3

Kalana Tumpu talasanggo ka' talalo hondo opuji', katalasanggoan-Nyo madi' opoko ala okiop.

MAZMUR 2:9

Aha iwi-iwi' nu pato'imo nu tokon besak ka' nu biha'mo susumo kuhon tano'.’ ”

MAZMUR 48:1

Mazmur nu aha sa'anakan i Korah.

MAZMUR 96:4

Kalana talasanggo hondo na Tumpu, ka' talalo hondo o puji', tionyo ahi' talalo okabuhuk molingkudui iwi-iwi' na pilogot.

YESAYA 28:16

Kalana aijo' Tumpu Anu Matangkas na Kuasanyo notataemo sumo uuka, “Ku potimpasmo na usoi anu mahoson hondo aita' i Sion; sa'angu' na batu bau usoi anu mahan na olinyo ka' kotulisannyo: ‘Ihe na palesaya totu-totu'u madi' mangaku kala'.’

DANIEL 2:24

Lapas aijo' i Daniel nambamo hi Ariokh anu binee'anmo kalaja da mompatei anu toto pande-pande i Babel. I Daniel notataemo hi ia, “Boli opatei na anu toto pande-pande haha aijo'. Boa mae na aku mamba mangadap hi tomundo' kalana aku mompoto'imo hi tomundo' apaa na alati'nyo nu ipionnyo aijo'.”

DANIEL 2:28

Panyo kiita' i suluga daagi' ko Tumpu na anu monsumbu' mompoto'i lahasia iwi-iwi' ka' noko poto'i-Nyomo hi Belento Tuanku apaa na anu jadi saidi' mae imihi. Uuka aiya pobee'mae na aku de timbali da montalangkan ipion ka' apaa na anu tinoamo nu belento Tuanku titinoamo tempo'nyo hoyo-hoyot aijo'.

DANIEL 2:29

Tempo'nyo Tuanku hau-haunyo hoyo-hoyot, Tuanku nongipimo mongkona apaa na anu jadi aiya mae i ahop. Tumpu na nompoto'imo lahasia iwi-iwi' hi belento Tuanku ka' mule' nompotoamo apaa na anu jadi saidi' mae.

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

DANIEL 8:25

Kalana ia pande hondo na lewa' mongakali sahingga saja' jadi na anu nu kahanda'i. Ia montakabunakonmo butongnyo ka' madi' pilenje mompoto'i pe'e nu hopu'imo na mian manjoo' hondo. Ka' mule' ia baani hondo na mongewa Tomundo' Anu Daka' na Kuasanyo. Panyo ia saidi' mae ohansunimo mau madi' pilenje ko kahosonan nu mian.

HAGAI 2:22

to kala-kalaj'an Ku ideimo ka' mule' kuasa nu aha Ku hansunimo. Iwi-iwi' na kareta anu bau pahampate tiba anu mompojalan Ku bali-balikakonmo; iwi-iwi' na ajahan mohopu'mo ka' mule' anu monsake'i mompaha pate-pateimo.

ZAKHARIA 12:3

Panyo de sinaa aijo' tokamo mae, Ku baumo na Yerusalem susumo batu anu maboat; maumo bansa pa' iya mae na monsoba mohangkat mohumpakmo bahaya. Iwi-iwi' na bansa i dunia aiya mosa'angu'mo montumbuhi Yerusalem.

MALEAKHI 1:11

Aku o adati nu mian iwi-iwi' isongko-songko na dunia. Iyayamae kamangian opapui salaku bau pongadati sanggong-Ku ka' osombahkon suele na koloban-koloban anu memang ahi' pantas, kalana iwi-iwi' na bansa mongadati mae Aku!

MATIUS 21:24

I Yesus nontaami, “Aku suele kahanda' mompokilawa hi komiu. Ka' de komiu montaami, Aku montaeakonje hi komiu tiba hak ihe na Aku mombau hahan aiya.

MATIUS 24:35

Langit ka' tano' lanjap, panyo potataeng-Ku tataap sampe toka sidu-sidutu'.”

LUKAS 17:20

To pia-piangkuka na mian nu Farisi nompokilawa hi Yesus, hipian na Tumpu toka mae mompalentah. I Yesus nontaami, “Pompalentan nu Tumpu madi' otampu'uni nu tanda anu timbali nu toa nu mian,

PO'ULE' INGULIT 10:17

Tumpu Allah nu belemiu i bawo nu iwi-iwi' na pilogot ka' molingkudui iwi-iwi' na kuasa. Ia Tumpu Allah anu talasanggo ka' daka' na kuasa-Nyo ka' anu tionyo ahi' otuluti. Ia madi' mongka'ima'i momposambiha' ka' madi' mongka'oho' da otamboi asan opo'untung i palakala.

ANU PINOTO'I HI YOHANES 1:19

Kalana aijo', o tulis na hahan anu tinoamo nu beleyum, aitumo hahan anu daagi' uuka aiya, ka' hahan anu jadije saidi' mae.

ANU PINOTO'I HI YOHANES 19:17

Lantas aku nontoamo samian na malaikat tinjo-tinjo aita' i batu nu sinaa. Ia notatae daka-daka' ka' noloboo'akon hi tomonsi' iwi-iwi' anu laha-lahap i langa, “Imbo'mo sihuk mae da mongatuhimo bau-bauon anu daka', anu i lame'akonmo nu Tumpu!

ANU PINOTO'I HI YOHANES 4:1

Lapas aijo' aku po'ule' mule' nontoa anu pinotoa mae. Aku nontoa sa'angu' na pontumban tinontuhea'mo i suluga'. Lapas aijo' kinahongoan mule' na potatae anu momonanyo noko basisikmo hi belengku sumo onyi' nu tolompet. Potatae aijo' tukoonyo, “Imbo' poliba' mae i aiya. Ku poto'ije hi beleyum apaa na anu timbali saidi' mae.”