DANIEL 2:39 - KITAB NU TUMPU ALLA LELE MA'IMAI'

³⁹ Panyo salatan kalaja'an nu belento Tuanku i madi'anmo, tokamo mae na kalaja'an sangga'at anu madi' pokakana na ko daka'nyo susumo kalaja'an nu belento Tuanku. Lapas aijo' tokamo mule' na kalaja'an anu ko totolu'nyo anu ilambangakon nu tambaga i butong nu patong aijo', anu mongkuasai songko-songko na dunia aiya.

DANIEL 2:39 ပူးပေါင်းရင်းမြစ်များ

YESAYA 44:28

Akumo na notatae hi Kores, ‘Belentomo na saidi' mae mompalentah mian da toka mae hi beleng-Ku, ka' mombau iwi-iwi' na anu Ku kahanda'i. Palentahmo da Yerusalem po ule'mo obau, ka' Laigan nu Tumpu suele obaumo na paningkokoannyo'.’ ”

DANIEL 10:20

Lantas tinaamannyomo mae, “Pa' nu sumbu' nu beleyum kadaka' aku tinokamo mae hi beleyum? Makisudnyo da mompoto'i hi beleyum apaa na anu tinulismo i uno nu Kitab anu Madi' baleko'. Uuka aiya aku tionyo ahi' minsusule'mo da mambamo mahampate mongewa malaekat anu monjagai Persia. Lapas aijo' malaekat anu monjagai Yunani tokamo mae. Madi' ko sangga'atannyo na anu nontulungi mae aku, ola-olanyomo ahi' i Mikhael malaekat anu monjagai Israel, negara nu beleyum.

DANIEL 2:32

Anu binau ubaknyo mosoni' anu madi' kogalo'nyo, saha'annyo ka' botokonnyo salaka na binau, lampeokan tiba bengonyo tambaga na binau,

DANIEL 2:38

Belento Tuanku pinojadinyomo anu mongkuasai bagian nu dunia anu ko miannyo ka' mongkuasai to tomo-tomonsi' tiba binatang sangga'at. Belentomo Tuanku na ubak mosoni' i patong aijo'.

DANIEL 2:40

Lapas aijo' tokamo mule' na kalaja'an anu ko opatnyo anu ko hosonnyo susumo besak. Ka' susumo besak mompohintutumo ka' mohansuni maumo pa' apaa, sumo aitu mule' na kalaja'an anu ko opatnyo aiya mompohintutu ka' mohansuni to kala-kalaja'an sangga'at aijo'.

DANIEL 7:23

Sumo uuka na katalangannyo anu ihumpakumo, “Binatang anu ko opatnyo aijo', aijo'mo na kalaja'an anu ko opatnyo anu tinuminjo i dunia aiya ka' madi' pokakana tiba kalaja'an haha aijo' sangga'at. Kalaja'an aijo' mohansunimo ka' mule' mongkuasaimo songko-songko na dunia ka' mompahampeja'akonmo tuha'nyo.

DANIEL 8:20

Domba lakinyo anu tinoa nu beleyum aijo' anu ko tanduknyo ohua', aijo' mongibalatakon kalaja'an Media tiba Persia.

DANIEL 8:21

Mee' lakinyo mongibalatakon kalaja'an nu Yunani ka' mule' tanduk anu tinumuu'mo mae i olot nu matanyo ohu-ohua' aijo', aijo'mo na tomundo'nyo anu u'utu mae momona.

ZAKHARIA 6:3

anu ko totolu'nyo ajahan mopute' ka' anu ko opatnyo ajahan belongka'.

ZAKHARIA 6:6

Kareta anu bau pahampate nunu hela' nu ajahan mo'itom tujuannyo mamba i Babel sasu utara. Ajahan mopute' tujuannyo mamba i sasu kinsoban, ka' ajahan belongka' tujuannyo mamba i negara salatan.”