DANIEL 2:35 - KITAB NU TUMPU ALLA LELE MA'IMAI'

³⁵ Tempo'nyomo aitu na patong aijo' i hansun ka' tinimbalimo tambulan nu besak, tano' kun, tambaga, salaka ka' mosoni' anu i hansunmo susumo abu' i tampat pongututan gandum de masingitmo. Tambulan aijo' lewa'mo nu lahabakon nu mombun sahingga madi'mo daagi' ko anu tinontuha'. Panyo batu anu nontuda'mae patong aijo' tinimbalimo dinaka' susumo bungkutnyo ka' nompobuke'imo songko-songko na dunia.

DANIEL 2:35 ပူးပေါင်းရင်းမြစ်များ

AYUB 6:17

De tempo'mo nu posinaa, malia' hondo, na eis aijo' madi'mo ko anu otoa. Lananyo nu kaunyo moti'imo hondo, madi'mo ko ueenyo ka' timbalimo i nanggasan.

MAZMUR 103:16

de nupuhimo nu mombun, ia madi'mo otoa-toa, ka' mule' tampatnyo madi'mo daagi' osumbu-sumbu'.

MAZMUR 22:27

Miana nu kasiasi mongkaan sampe mobosu; mian anu tokamo hi Tumpu mompuji'mo Ia. O'amalakon da komiu mohumpak ka'ima'an sampe toka sidu-sidutu'!

MAZMUR 37:10

Mian anu ma'idek na kinyonyoanyo na sampa magalis de maluanyo olio, ia madi'mo daagi'.

MAZMUR 37:36

Tempo'nyo aku notulu ia imadi'anmo iliongku na ia panyo madi'mo ihumpaku.

MAZMUR 46:9

Imbo' toa pa' apaa na anu binaumo nu Tumpu; talalo ahi' okabangangi na anu binau-Nyomo i dunia aiya!

MAZMUR 66:4

Songko-songko na dunia tinolodupumo nonsombah Belento, aha nanyanyimo nompuji' sanggo nu Belento.”

MAZMUR 86:9

Iwi-iwi' na bansa anu pinotimbalimo nu Belento saidi' mae, tokamo o Tumpu kahanda' monsombah Belento ka' mompuji' Belento anu talasanggo aijo'.

YESAYA 11:9

I Sion, Puge'nyo nu Tumpu anu Susi', madi' ko anu ma'idek kabai ko anu mongidei. Lipu' kahomo monsumbu' apaa na aijo' Tumpu, pokakanamo susumo uee mompobuke'imo ndalangon.

YESAYA 8:9

Sihukmo mae ka' pabuhukmo o belemiu iwi-iwi' na bansa! Potombihing mae o belemiu iwi-iwi na puusnyo nu tano'. Pogogaumo kalana mahampatemo, panyo kinyonyoa mabuhuk! Yo donganmo pogogau panyo mabuhuk!

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

HOSEA 13:3

Kalana aijo' mian haha aijo' ihopu'anmo susumo sehu' kabai susumo dondu'ok daagi subu-subu. Aha saidi' mae sumomo abu' nu tangke nu gandum anu nu puuhimo nu mombun aijo' itampat pongututan gandum ka' mule' sumomo tibuk anu mosabat mae ipipa nu tibuk.

MIKHA 4:13

Tumpu notatae, “O, mian anu jojoong i Yerusalem lako'mo ka' pahampeja' akonmo na to sampo-sampobali' nu belemiu! Ku pojadije na belemiu da mahoson susumo sapi' anu nintandukmo besak ka' ningkonukumo tambaga. Belemiu mohansunije manjoo' hondo na bansang ka' mule' kakaya'an anu i humpak nu aha kalana lewa' nompahuhuakon, osombahkonmo mae hi beleng-Ku, Tumpu nu songko-songko na dunia.”

ZAKHARIA 12:3

Panyo de sinaa aijo' tokamo mae, Ku baumo na Yerusalem susumo batu anu maboat; maumo bansa pa' iya mae na monsoba mohangkat mohumpakmo bahaya. Iwi-iwi' na bansa i dunia aiya mosa'angu'mo montumbuhi Yerusalem.

1 KORINTUS 15:25

I Kristusmo na saja' mompalentah sampe Tumpu mompotimbalimo iwi-iwi' na sampo bali' i Kristus matundu'mo hi Kristus.

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”

ANU PINOTO'I HI YOHANES 12:8

Panyo ulo anu talalo hondo daka' aijo' i hungku'anmo. Ia ka' to mala-malaikatnyo madi' daagi' pinobee' jojoong i suluga'.

ANU PINOTO'I HI YOHANES 20:11

Lapas aijo', aku nontoamo sa'angu' na kasuhangan mopute' ka' daka', ka' Ia anu sinumuhang aita'. Langit ka' tano' i madi'mo ko anu i ahop-Nyo, sahingga madi'mo daagi' tinoa.