DANIEL 2:31 - KITAB NU TUMPU ALLA LELE MA'IMAI'

³¹ Sumo uuka na anu tinoa nu belento Tuanku; I ahop nu belento Tuanku daagi' ko sa'angu' na patong! Patong aijo' daka' hondo ka' jongkilaban panyo ohupnyo talalo hondo okabuhuk.

DANIEL 2:31 ပူးပေါင်းရင်းမြစ်များ

YESAYA 13:11

Tumpu motataemo, “Ku hukumo na dunia aiya kalana palabuatannyo na'idekmo tiba aha mian anu toto ide-idek na kinyonyoanyo kalana dosa-dosa' nu aha. Toto samian na anu buulon Ku popo ambangmo, ka' mule' anu montige-tige tiba anu buhingison Kuhukumo.

DANIEL 2:36

Aijo'mo na ipion nu belento Tuanku, ka' uuka aiya ku talangkanmo na alati'nyo.

DANIEL 2:37

Anu talasanggo belento Tuanku atina'mo na tomundo' anu molingkudui iwi-iwi' na tomundo'; belentomo Tuanku na anu talalo hondo balakuasa. Tumpu anu kiita' mae i suluga' nombee'imo mae hi belento Tuanku kalaja'an aiya, kakuasa'an, ka' kahosonan ka' mule' katalasanggoan.

DANIEL 3:1

Daagi' kinominsan i Tomundo' Nebukadnezar nombaumo sa'angu' na patong mosoni' kotangkasnyo 27 na meten ka' ko bolanyo ohani 3 na meten. Pinotinjonyo hatanyo nu Dura i propinsi Babel.

DANIEL 4:36

Salatan aku po ule'mo sininsumbu', saba' kahebatan, katalasanggoan nu kalaja'anku, ka' mule' kapuji'an po ule'mo ninsusule' mae hi belengku. Aku ilabotmo nu to paga-pagawengku tiba anu ko pangkatnyo daka' ka' mule' aku po ule'mo nontoongi kalaja'anku ka' mule' katalasanggoanku po ule'mo dinaka' ilingkuduannyomo na anu u'utu mae.

HABAKUK 1:7

Iyaya mae aha mompopo buhukmo; Aha takabun hondo madi' montalima iwi-iwi' na atulan, kasuali anu sosok tiba pongka'oho' nu aha.

MATIUS 4:8

Lapas aitu Ibilis nomboamo i Yesus mule' nokiita' i bungkutnyo anu matangkas hondo ka' nompotiju' hi Ia iwi-iwi' na kalaja'an i dunia tiba iwi-iwi' na kakaya'annyo.

LUKAS 4:5

Ka' binoanyo mule' nu Ibilis na i Yesus i tampat anu matangkas, ka' ola tinolo kulap, Ibilis nompotoamo hi Ia iwi-iwi' na kalaja'an nu dunia.