DANIEL 2:28 - KITAB NU TUMPU ALLA LELE MA'IMAI'

²⁸ Panyo kiita' i suluga daagi' ko Tumpu na anu monsumbu' mompoto'i lahasia iwi-iwi' ka' noko poto'i-Nyomo hi Belento Tuanku apaa na anu jadi saidi' mae imihi. Uuka aiya pobee'mae na aku de timbali da montalangkan ipion ka' apaa na anu tinoamo nu belento Tuanku titinoamo tempo'nyo hoyo-hoyot aijo'.

DANIEL 2:28 ပူးပေါင်းရင်းမြစ်များ

KAJADIAN 40:8

Tinaaman nu aha, “Na'utu pihi-pihi kami nongipimo, ka' madi' ko anu monsumbu' alati'nyo.” Notatae na i Yusuf, “Ola Tumpu Allah na moko ala mompotimbali mian mompoto'i alati'nyo nu ipion. Soba sisik na ipion nu belemiu aijo'.”

KAJADIAN 41:16

Tinaaman i Yusuf, “misa' aku Tuanku, panyo Tumpu Allah na montili'i anu sahondo-hondonyo.”

KAJADIAN 41:25

Lantas notataemo na i Yusuf hi tomundo, “Ohu-ohua' na ipion aijo' pokakana na alati'nyo: Tumpu Allah nompoto'imo hi belento Tuanku, apaa na anu tionyo Nu bau.

KAJADIAN 49:1

Lapas aijo' i Yakub nolagamo to ana-anaknyo ka' notatae, “Imbo' sihuk mae i aiya, koko aku. Da ku poto'i hi belemiu apaa na anu o'oa'ije nu belemiu, sinaa aiya mae i mihi:

MAZMUR 115:3

Tumpu-nto kiita' mae i suluga', Ia nombaumo apaa na anu tinanga'an-Nyomo.

YESAYA 2:2

Isinaa anu aiya mae ihop puge'nyo tampat Laigan nu Tumpu matangkasmo ka' tuminjo'mo hodi-hodi' aita ito bungku-bungkutnyo ka' mule' to puge-puge'nyo. Iwi-iwi' na bansa moduyu-duyutmo mamba mokiijo',

YEREMIA 10:7

Ihe na madi' mongka'oho' tundu' hi Belento, tomundo' nu aha bansa iwi-iwi'? Memang, Belento patut hondo o, adati. Iwi-iwi' na anu pande hi aha to bansa-bansa ka' hi aha iwi-iwi' na tomundo' nu aha, madi' ko samian pe'e na timbali pompokakana i tiba butong nu Belento o, Tumpu.

YEREMIA 48:47

Panyo sinaa anu aiya mae i ahop po ule'mo Ku sule'akon na kantumuu'an nu lipu' Moab. Aku, Tumpu notataemo!” Sumo aijo' na anu tionyo ahi' nu bau nu Tumpu hi aha mian nu Moab.

YEHEZKIEL 28:3

Beleyum monsangka au'aitu beleyum lebe pande molingkudui i Daniel sahingga madi'mo ko lahasia anu bisa opohowini hi beleyum.

YEHEZKIEL 38:16

Lantas nu tumbuhimo na mian Israel anu palesayamo hi beleng-Ku susumo antong anu daka' hondo montintipmo tano'. De tokamo na tempo'nyo, beleyum Ku saimo mae da monjojoongimo tano'-Ku. Tiba jalan sumo aiya Aku nonggunakonmo beleyum o, Gog, nusumbu'je nu to bansang-bansang ihe sabenannyo na Aku, aijo'mo Tumpu Allah anu susi'.

YEHEZKIEL 38:8

Daagi' to pia-piangkuka na taun ia Ku palentahmo da montumbuhimo sa'angu' na lipu' anu ko miannyo jojoong ikiijo' po'u-po'ule'mo sinihuk sinule'akon mae lengkat hi aha bansang-bansang ka' jinojoongmo ilipu' aijo' ka' madi'mo ko anu sola' nompoposia. I Gog mongkuasaimo bungkutnyo iwi-iwi' nu aha Israel anu pininmo hondo na iliing ka' kahomo anu ihansun, panyo uuka aiya jinojoonganmo nu mian da'isan anu tinumuu' na'ima'.

DANIEL 1:20

De i tomundo' mompoto'imo hahan anu palalu katalangan tiba anu opopikilakon nu toa saba' pokinde' tiba pikilan nu aha opa-opat na olitau haha aijo', pinsampulu' lipat na polingkuduinyo pokinde' tiba pikilan nu aha iwi-iwi' anu lewa' montahi'i ka' mule' anu kopangatahuan i uno nu songko-songko na kalaja'annyo.

DANIEL 10:14

Aku tinoka mae da mompopangalati' beleyum da osumbu' pa' apaa na anu jadi saidi' mae hi bansa nu belemiu. Anu tinoa aijo' mongkona sinaa anu aiya mae i ahop.”

DANIEL 2:18

Pinokaunyomo na aha da balado'a hi Tumpu kiita i suluga da Ia ko kalibosan mae hi aha ka nompotukamo lahasia nu ipion aijo'. Tiba jalan aijo' aha madi' ohukum mate hingga-hinggat tiba anu to pande-pande sangga'at.

DANIEL 2:22

Iamo na mompotuka'lahasia anu talalo o pohowini. Lamo ia na momposumbu' apa-apaa anu jinadimo i uno nu pikat. Ia nu salingkukubi nu jingka anu taha-tahahumo.

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

DANIEL 2:45

Temisa' tinoamo nu belento Tuanku madi' kino mian nohenggo sa'angu' na batu nolingginmo mae aita i keles lantas nontuda'mo ka' mule' nompohintutumo patong besak, ka' tambaga, tano' kun, salaka tiba mosoni' aijo'? Tumpu Anu daka' na Kuasanyo nompoto'imo hi belento Tuanku apaa na anu jadi saidi mae. Ipion aijo' timbali opalesaya ka' mule' katalanganku madi' sala'.”

DANIEL 2:47

I Tomundo' notatae, “Totu'u, Daniel, Tumpu nu beleyum aijo' talalo hondo daka' na kuasanyo maumo ahi' pa' Tumpu iyamae. Ia na anu mongkuasai iwi-iwi na tomundo' ka' anu moko ala mompotalang iwi-iwi' na lahasia. Kusumbu' na han aijo' kalana beleyum noko alamo nontalangkan lahasia aiya.”

DANIEL 4:5

Panyo daagi' kinosampahuan hau-haunyo aku hoyo-hoyot aku nongipimo ka' nontoamo anu mompobata-bata kinyonyoangku.

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

AMOS 4:13

Bungkutnyo ka' mombun, Tumpu na nompotimbali; tanga'an-Nyo pinotoa-Nyomo hi manusia. Binau-Nyomo na sinaa tiba pihi; i buannyo nu dunia, na Ia i lumajangmo. Tumpu Anu Daka' Na Kuasanyo aijo'mo na sanggo-Nyo.

NOMBILANGMO 24:14

Notatae na i Bileam hi Balak, “Uuka aiya aku minsusule'mo i bansangku. Panyo ma'isa pe'e aku mamba ku poto'imo hi belento Tuanku apaa na anu saidi' mae nubau nu bansa Israel hi bansa nu belento Tuanku i sinaa anu aiya mae o ahopi.”

MATIUS 6:9

Jadi balado'a sumo uuka, ‘Tuuma mami isuluga': Sa'a-sa'angu'nyo kita na Tumpu. O'amalakon kitamo na anu o sombah ka' anu o'angga'i.

PO'ULE' INGULIT 31:19

Uuka aiya tulismo na nyanyian aiya ka' opotinganakon hi bansa Israel da bau pomponyata' hi aha.

PO'ULE' INGULIT 4:30

De belemiu nutokai nu balaa' aijo' iwi-iwi' ka' belemiu i uno nu kasusa'an, saba' belemiu minsusule'mo hi Tumpu Allah nu belemiu ka' tulu-tulutanmo hi Ia.

2 TIMOTIUS 3:1

O inau' na aiya: I sinaa anu imihinyo mae manjoo'mo hondo na kasusa'annyo.

IBRANI 1:1

Tempo'nyo naipuan mae Tumpu ola saja' basisik hi mompolee'to nupotoka nu to nabi-nabi ka' mompake ngangahan nu anu obau.

2 PETRUS 3:3

Momonanyo belemiu tionyo ahi' monsumbu' saba' sinaa anu i mihinyo mae, tokamo na to mia-mian anu kantumuu'annyo kinuasanmo nu napisu nu aha. Aha na saidi' mae monjojoamo belemiu

ANU PINOTO'I HI YOHANES 1:1

Isi nu kitab aiya, mongkona apaa na anu pinoyata'mo i Yesus Kristus mongkona to hahan anu saidi' mae jadi. Tumpu nompoto'imo hi Kristus da Ia mompotiju'akon hi to posa-posaihon nu Tumpu apaa na anu malia'mo, tionyo jadi. I Kristus nonsaimo malaikat-Nyo hi Yohanes, posaihon-Nyo aijo' da mompoto'iakon han haha aijo' anu timbali hi ia.