DANIEL 2:23 - KITAB NU TUMPU ALLA LELE MA'IMAI'

²³ O, Tumpu anu saja' nu sombah nu mompolee'ku, Belento ku puji' ka' ku popodaka'. Kalana Belento nombee'imo mae aku kapandean bapikin tiba kahosonan. Poitaon mami tinalimamo nu Belento. Ka' mule' bau pontaami tomundo' pinotiju'mo nu Belento.”

DANIEL 2:23 ပူးပေါင်းရင်းမြစ်များ

KAJADIAN 18:17

Tumpu notataemo i uno nu kinyonyoanyo, “Madi' ku pohowini hi Abraham apaa na anu Ku baumo.

KAJADIAN 31:42

De aku madi' jinagaan nu Tumpu Allah nu mompolee'ku, aijo'mo Tumpu Allah anu nu sombah i Abraham ka' i Ishak, tantu kita Babo' nonsaimo aku namba madi' ko apa-apaa anu binoa. Panyo Tumpu Allah nontoamo kasusa'anku ka' kalaja anu binaungkumo, ka' na'utu pihi-pihi ia nontantukanmo kaputusan-Nyo.”

1 TOMU-TOMUNDO' 18:36

Salatan nonsombahkonmo koloban malom-malom i Elia nongohanimo mezbah aijo' ka' binalado'a, “O Tumpu, Tumpu Allah anu nunu sombah i Abraham, i Ishak, ka' i Yakub, ponyata'mo mae uuka aiya da nusumbu'mo nu aha taalu' Belentomo atina' na Tumpu Allah nu Israel, ka'akumo aiya na posaihon nu belento. Ponyata'mo mae mule' da nusumbu' nu aha taalu' anu ku bau aiya iwi-iwi' palentah mae lengkat hi Belento.

1 TOMU-TOMUNDO' 8:57

O'amalakon da Tumpu Allah-nto montoa mae kita susumo Ia nonjagai mompolee'to, o amalakon da Ia madi' mompala'i kita.

1 TAWARIKH 29:10

I ahop nu mian da'isan, i Tomundo' Daud nompuji'mo Tumpu. Ia notatae “O Tumpu Allah anu nu sombah i Yakub mompolee' mami, o puji' na belento sampe toka sidu-sidutu'!

1 TAWARIKH 29:13

Uuka aiya, o Tumpu Allah mami, kami montalima kase hi belento, ka' o puji' mami na sanggo nu Belento anu o adati.

2 TAWARIKH 20:6

ka' binalado'amo daka-daka' na notatae, “O Tumpu, Tumpu Allah nu mompolee' mami! Belento Tumpu Allah kiita' i suluga' ka' mompalentah iwi-iwi' na bansa i dunia aiya. Daka' hondo na kuasa nu belento, ka' madi' opoko hungku'i; madi' ko mian anu moko ala mongewa belento.

MAZMUR 21:2

O Tumpu, i tomundo' i lame'mo kalana Belento nombee'imo kahosonan ia; ia ilame'mo kalana ka'untungan nahampate anu binee'mo nu Belento hi ia!

MAZMUR 21:4

Belento tinokamo hi ia nomboai balakat anu manjoo' hondo, ka' nomposongko'mo makota' mosoni' i ubaknyo.

MAZMUR 25:14

Tumpu bela' nu mian anu palesayamo, Ia mompoto'i pa' apaa na nu kahanda'i hi aha.

MAZMUR 50:14

Palasombahkon na koloban bau pontalima kaseh hi Tumpu, tionyo ahi' nu ganapi' na anu jinanji'mo nu belemiu Anu Matangkas na Kuasa-Nyo.

NOSABATMO 3:15

Polele suele hi aha tukoong-Ku, Tumpu, Tumpu Allah mompolee' nu aha, Tumpu Allah i Abraham, i Ishak ka' i Yakub, na nonsai mae beleyum mamba mae hi aha. Akumo na Tumpu, aijo'mo na sanggong-Ku sampe toka sidu-sidutu'. Sumo aijo' na monsanggo Aku na aha bansa iwi-iwi' molundu-lundu na tulunan.

AMSAL 21:22

Mian anu pande na monggoliliakon moko ala mompatundu kota' anu nu jagai nu suludadu anu baani hondo, nu hobo'akon na to bente-benteng anu nutakabunakon nu aha.

AMSAL 24:5

Mian anu pande lebe balakuasa molingkudui mian anu mahoson; ilimu' lebe palalu molingkudui hoson nu butong.

AMSAL 8:14

Akumo na anu nompotuka i uno nu kinyonyoa ka' mule' akumo na anu nomponyatamo. Aku pande ka' mule' mahoson.

ANU MOMPOLELE POTATAE NU TUMPU 7:19

Mian anu ko kapandean bapikin mompotimbali lebe baani, nu lingkudui na mian anu balakuasa aha sampulu' i sa'angu' na kota'.

ANU MOMPOLELE POTATAE NU TUMPU 9:16

Jadi totu'umo apaa na anu i uno nu pikilanku taalu' kapandean bapikin molingkudui kahosonan. Maumo sumo aijo' kapandean bapikin nu mian anu kasiasi madi' opajuli. Potataenyo madi' ko anu opalahatikan.

ANU MOMPOLELE POTATAE NU TUMPU 9:18

Kapandean bapikin lebe ko gunanyo molingkudui toongon anu bau pahampate, panyo tua' mau ola sanjohojut mongidei susu sa'angu' na kuhon.

YESAYA 12:1

Tokaje mae na tempo'nyo belemiu manyanyimo: “O, Tumpu aku montalima kasehmo hi Belento, kalana Belento nohase'mo mae aku. Naipuan mae Belento nontambuha'imo mae aku, panyo uuka aiya Belento madi'mo notambuha'.

YEREMIA 33:3

“Poloboo'mo mae hi Belengku da Ku taamije; Ku poto'ije hi beleyum hahan anu handa hondo ka' anu okahelani hondo ka' ma'isa nu sumbu' nu beleyum.

DANIEL 1:17

Tumpu nombee'imo hi aha opa-opat na olitau aijo' kapandean bapikin ka' pande mule' na mombau pakalaja'an i uno nu sa'angu' na pakalaja'an. Ka' mule' i Daniel binee'an-Nyo kapandean da timbali montalangkan anu nu potoa nu Tumpu tiba anu opo'ipiakon.

DANIEL 2:18

Pinokaunyomo na aha da balado'a hi Tumpu kiita i suluga da Ia ko kalibosan mae hi aha ka nompotukamo lahasia nu ipion aijo'. Tiba jalan aijo' aha madi' ohukum mate hingga-hinggat tiba anu to pande-pande sangga'at.

AMOS 3:7

Tumpu Anu Matangkas na kuasanyo madi' toho' mombau sa'angu' pe'e na apaa de madi' nu poto'i pe'e na tanga'an-Nyo hi aha to nabi-nabi ka' hi to posa-posaihon-Nyo.

MATIUS 11:25

Tempo'nyo aitu i Yesus binala do'amo, “Tuuma, Tumpu anu mongkuasai langit ka' tano'! Aku mompoita talima kaseh hi Kita saba' iwi-iwi' aijo' Belento nolahasiakonmo hi to mia-mian anu pande, ka' ko ilimu', panyo Belento nompotiju'akonmo hi to mia-mian anu madi' ko sikolah.

LUKAS 10:21

Tempo'nyo aitu suele, i Yesus binilahimo kalana kinuasanmo nu Roh nu Tumpu. I Yesus notatae, “Tuuma, Tumpu anu mongkuasai langit tiba tano'! Aku montalima kaseh hi Belento kalana iwi-iwi' aijo' pinohowinintomo hi to mia-mian anu pande tiba anu ko ilimu', panyo pinotiju' nu Belento hi to mia-mian anu madi' binalagulu'. Aijo'mo na nomposanang kinyonyoa nu Kita Tuuma.

YOHANES 11:41

Sahingga i hangkat nu aha na batu aijo'. Lapas aijo' i Yesus nontihanga langit ka' notatae, “Talima kaseh Tuuma, kalana kita nohongomo Aku.

YOHANES 15:15

Komiu madi'mo Ku laga botuan, kalana botuan madi' monsumbu' apaa na anu hau-haunyo nubau nu tuannyo. Komiu Ku laga bela' kalana iwi-iwi' na anu i hongong-Ku lengkat mae hi Tuuma, pinoto'ingkumo hi komiu.

ANU PINOTO'I HI YOHANES 1:1

Isi nu kitab aiya, mongkona apaa na anu pinoyata'mo i Yesus Kristus mongkona to hahan anu saidi' mae jadi. Tumpu nompoto'imo hi Kristus da Ia mompotiju'akon hi to posa-posaihon nu Tumpu apaa na anu malia'mo, tionyo jadi. I Kristus nonsaimo malaikat-Nyo hi Yohanes, posaihon-Nyo aijo' da mompoto'iakon han haha aijo' anu timbali hi ia.

ANU PINOTO'I HI YOHANES 5:5

Lantas sala' samian na to pola-polaya' haha aijo' notatae hi belengku, “Boli humaang! Toa! Singa anu nolengkat mae i bansa Yehuda, lee' i Daud anu talasanggo; nohungku'imo. Ia na noko ala nombeak popitu' na segen ka' nombuka' kitab aijo'.”