DANIEL 2:22 - KITAB NU TUMPU ALLA LELE MA'IMAI'

²² Iamo na mompotuka'lahasia anu talalo o pohowini. Lamo ia na momposumbu' apa-apaa anu jinadimo i uno nu pikat. Ia nu salingkukubi nu jingka anu taha-tahahumo.

DANIEL 2:22 ပူးပေါင်းရင်းမြစ်များ

KAJADIAN 41:16

Tinaaman i Yusuf, “misa' aku Tuanku, panyo Tumpu Allah na montili'i anu sahondo-hondonyo.”

AYUB 12:22

Jiningkan-Nyomo na tampat-tampat anu madi' talalo majingka; jiningkan-Nyomo na anu pikat hondo.

AYUB 26:6

I ahop nu Tumpu Allah, dunia nu mian anu sinilakamo tuhe-tuhea' hi Tumpu Allah, madi' tinumban sahingga kantoan hi Ia.

MAZMUR 104:2

Belento nibaju'mo nu jingkele'an ka' kaholomatan, ka' ningkukumbungmo nu jingka.

MAZMUR 25:14

Tumpu bela' nu mian anu palesayamo, Ia mompoto'i pa' apaa na nu kahanda'i hi aha.

MAZMUR 36:9

Sinukupmo na aha nongkaan anu nolabi-labimo i Laigan nu Belento tiba uee anu o'inum lengkat i kaunyo nu Belento anu sanang hondo na ingoa'anmo.

ANU MOMPOLELE POTATAE NU TUMPU 8:1

Ibeh na kosanangnyo na mian anu pande. Iwi-iwi na palakala nu sumbu' na montaami. Kapandean bapikin na nompolame'mo ia tinolomoing: sahingga ohupnyo saja' balasahaya.

YESAYA 41:22

Tokamo mae, ka' kila-kilamo pa'apaa na anu saidi' mae jadi, da osumbu' mami pa' mosia na ka ahenannyo. Poto'i mae na hahan anu jinadimo naipuan mae, talangkan mae na alati'nyo da opalahatikan mami.

YESAYA 41:26

Ihe na anu atina' hi belemiu nompoto'imo anu jadi aiya mae i ahop sahingga kami timbali mompototu'u ia? Panyo atina' hi belemiu madi' ahi' ko anu mae nompoto'i, madi' ko anu nohongo belemiu notatae.

YESAYA 42:9

Uuka aiya anu lewa' kinila-kilang-Ku memang jinadimo; Aku kahanda'mo mompoto'i hahan anu ma'isa toho' jinadi; ma'isa pe'e han aijo' jadi polo'mo Ku poto'i hi beleyum.”

YESAYA 45:7

Akumo na nompotimbali jingka tiba pintung, Aku na mompotoka mae balakat tiba balaa'. Akumo na Tumpu nonombaumo iwi-iwi' aijo'.

YEREMIA 23:24

Madi' ko samian na moko ala momposuluk butongnyo da madi' Ku toa, kalana Aku daagi' iyaya mae na tampat: kiita' isuluga' ka' aiya idunia.

YEREMIA 33:3

“Poloboo'mo mae hi Belengku da Ku taamije; Ku poto'ije hi beleyum hahan anu handa hondo ka' anu okahelani hondo ka' ma'isa nu sumbu' nu beleyum.

DANIEL 2:11

Belento Tuanku talalo ahi' mongkahanda'i anu talalo susa'. Madi' ko samian pe'e na anu moko ala, beilako' ahi' to pilo-pilogot, panyo aha na madi' ahi' jojoong aiya hi kita mian.”

DANIEL 2:19

Pihi-pihi aijo' suele Tumpu nompoto'imo lahasia aijo' hi Daniel i sa'angu' na han anu tinoa. Sahingga i Daniel nompuji'mo Tumpu kiita i suluga,

DANIEL 2:47

I Tomundo' notatae, “Totu'u, Daniel, Tumpu nu beleyum aijo' talalo hondo daka' na kuasanyo maumo ahi' pa' Tumpu iyamae. Ia na anu mongkuasai iwi-iwi na tomundo' ka' anu moko ala mompotalang iwi-iwi' na lahasia. Kusumbu' na han aijo' kalana beleyum noko alamo nontalangkan lahasia aiya.”

DANIEL 5:11

Kalana i uno nu kalaja'an nu belento Tuanku daagi' ko samian na mo'ane kinuasanmo nu roh nu to pilo-pilogot anu susui'. Tempo'nyo daagi' tuuma nu belento Tuanku na nompalentah, mian aijo' pande ka' ko bukuti'nyomo, timbali mongalati'i ka' mule' ko kapandean bapikin, anu susumo kapandean bapikin nu to pilo-pilogot. Tuuma nu belento Tuanku i Tomundo' Nebukadnezar nohangkatmo ia tinimbali polaya' nu topo tahi'i tiba anu ko pangatahuan ka' to mia-mian anu ko ilimu'nyo, ka' anu pande na montoa mandala'.

DANIEL 5:14

I hongongkumo na beleyum kinuasanmo nu roh nu to pilo-pilogot anu suci' ka' mule' beleyum ko kapandean, ka' mangalati' ka' mule' ko kapandean bapikin anu talalo hondo okahebati.

MATIUS 13:13

Aijo'mo na sababnyo Aku mompake kantuang de motatae tiba mian da'isan, kalana aha montoa, panyo sumo mian anu madi' montoa; aha mohongo, panyo sumo mian anu madi' mohongo, ka' madi' mangalati'.

YOHANES 1:9

Jingka totu-totu'u anu monjingkai iwi-iwi' na mian, tinokamo i dunia.

YOHANES 21:17

Kopintolunnyo i Yesus nompokilawa hi ia, “Simon anak i Yona, apaa beleyum mongkalibosi Aku?” I Petrus tinongkolibosonmo, kalana i Yesus nompokilawa hi ia sampe pinintolunmo. Sahingga i Petrus po'ule' nontaami, “Kita Tumpu, Kita Tumpu na monsumbu' iwi-iwi'. Nu sumbu' nu Kita Tumpu na aku mongkalibosi Kita Tumpu!” Lantas i Yesus notatae hi ia, “Palakaiyakon na domba-dombangku.

YOHANES 8:12

I Yesus binasisik mule' hi mian da'isan tukoo-Nyo, “Akumo na jingka nu dunia. Mian anu mombatuki Aku, madi' lumajang i pintung, panyo mohumpak jingka kantumuu'an.”

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

EFESUS 3:5

Naipuan mae lahasia aijo' madi' toho' pinosumbu' hi mian, panyo uuka Roh nu Tumpu nomponyata'mo hi to rasul-rasul ka' hi to nabi-nabi-Nyo.

PO'ULE' INGULIT 29:28

Pusa nu Tumpu hi aha i lubatakon-Nyomo hondo-hondo ka' pusa-Nyo anu taha-tahahumo aijo' Ia nonsabatakonmo bansa Israel da mompala'imo tano' nu aha ka' nongalinmo aha namba i lipu' nu mian anu i salipu'an sahingga aha kiijo'mo mae.’

1 TIMOTIUS 6:16

Olamo Ia na anu madi' opoko kuasai nu kapatean; Ia tumuu' i uno nu jingka anu madi' opoko ohani maumo pa' ihe. Madi' ko samian pe'e na manusia anu toho'mo nontoa Ia, kabai anu moko ala montoa Ia. Olamo Ia na o'adati, ka' kakuasa'an-Nyo sampe toka sidu-sidutu'! Amin.

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.

YAKOBUS 1:17

Batu-batu taju anu ma'ima' ka' palasen anu ma'ima' pinolengkatannyo mae i suluga', tinau'akon nu Tumpu, anu Nompotimbali iwi-iwi na anu ma jingka i langit. Iamo na Tumpu anu madi' mongabali' ka' madi' mule' monsaduakon kapintungan mau mule' pa' mosiamo.

1 YOHANES 1:5

Aiya na lele anu i hongomo mami lengkat mae hi Anak-Nyo ka' anu opotokamo mami hi komiu: Tumpu aijo' jingka, ka' hi Ia madi' hondo-hondo kokapintungan.