DANIEL 2:21 - KITAB NU TUMPU ALLA LELE MA'IMAI'

²¹ Iamo na anu nompotataap loonu ka' wakitu, Ia na mompobelenti ka' mompojadi anu balakuasa. Lamo ia suele na anu mombee'i kapandean, tiba mule' mombee'i da mangalati'.

DANIEL 2:21 ပူးပေါင်းရင်းမြစ်များ

1 TOMU-TOMUNDO' 10:24

Iwi-iwi' na mian i dunia aiya songko-songko batanga' da mamba singkabot tiba i Salomo kahanda' mohongo pokinde' anu moko pande anu binee'mo nu Tumpu hi ia,

1 TOMU-TOMUNDO' 3:28

Salatan bansa Israel nohongomo i Salomo nomputusi palakala aijo', aha nompuji'mo ka' nompopodaka'mo ia kalana inyata'mo taalu' Tumpu Allah nombee'imo kapandean hi ia ka' saja' adin na momputusi.

1 TOMU-TOMUNDO' 4:29

Tumpu Allah nombee'imo kapandean hi Salomo ka' pikilan anu matangkas hondo, ka' moko ala mompotutugakon anu mahan

1 TAWARIKH 22:12

Ka' bisa-bisa' Tumpu Allah nu beleyum mombee'i kapandean hi beleyum ka' monsumbu' mompalentah Israel susumo anu i uno nu atulan-Nyo.

1 TAWARIKH 29:30

I uno nu kitab aijo' tinulismo na ia nompalentah, kakuasa'annyo ka' iwi-iwi' na anu jinadimo i butongnyo, ka' hi Israel ka' hi iwi-iwi' na kalaja'an anu mompaha ohani Israel. 86 85

ESTER 1:13

I tomundo ko kabiasa'an momoita pikilan hi to mia-mian anu pande i Atulan ka' adat. Kalana aijo' ilaganyomo na to mia-mian anu lewa' mombee'i pokinde' ia anu monsumbu' hondo apaa na anu tionyo obau i palakala anu susumo aitu.

AYUB 12:18

Pinaha pobelenti-Nyomo na to tomu-tomundo ka' i hakop-Nyo na aha;

NOSABATMO 31:3

ka' nombee'imo ia kuasang'Ku. Ia Ku potiju'je da monsumbu', pande ka' moko ala mombau iwi-iwi' na ngahan nu pakalaja'an;

NOSABATMO 31:6

I Oholiab, anak i Ahisamakh lengkat mae i bansa tulunan i Dan, pinile'an-Kumo suele da montulungi ia. Ku bee'i suele kapandean anu talalo hondo hi to tuka-tukang anu pande, da aha moko ala mombau mau mule' pa' apaa na anu Ku palentahkon:

DANIEL 1:17

Tumpu nombee'imo hi aha opa-opat na olitau aijo' kapandean bapikin ka' pande mule' na mombau pakalaja'an i uno nu sa'angu' na pakalaja'an. Ka' mule' i Daniel binee'an-Nyo kapandean da timbali montalangkan anu nu potoa nu Tumpu tiba anu opo'ipiakon.

DANIEL 10:1

I taun kinototolu'nyomo na i Tomundo' Koresy nompalentah Persia, sa'angu' na potuunon anu pinoto'i hi Daniel anu osa-osanggohi i Beltsazar. Potuunon aijo' totu'u hondo panyo talalo susa' na mongalati'i. Salatan ia nompagalamo binala usaha da osumbu', i Daniel nohumpakmo katalangan apaa na alati'nyo nu potuunon aijo' i uno nu sa'angu' na han anu pinotoa aijo'.

DANIEL 11:6

Lapas mule' aijo' pa' to pia-piangkuka na taun tomundo' nu lipu' sasu salatan mombaumo kasangaja'an tiba tomundo' nu lipu' sasu utara ka' mompo osoakonmo anaknyo boune tiba tomundo' nu lipu' sasu utara aijo'. Panyo kasangaja'an aijo' madi' notuus ka' mule' boune aijo' saidi' mae opateimo sumo aijo' mule' na langkai'nyo tiba anaknyo ka' mule' to posa-posaihonnyo anu nongantanmo ia.

DANIEL 2:20

Ia notatae; “Tumpu aijo' pande hondo ka' baani, Opuji' na Ia sampe toka sidu-sidutu'!

DANIEL 2:23

O, Tumpu anu saja' nu sombah nu mompolee'ku, Belento ku puji' ka' ku popodaka'. Kalana Belento nombee'imo mae aku kapandean bapikin tiba kahosonan. Poitaon mami tinalimamo nu Belento. Ka' mule' bau pontaami tomundo' pinotiju'mo nu Belento.”

DANIEL 2:9

da mohukumo belemiu iwi-iwi' tiba jalan anu pokakana de belemiu madi' moko ala mompoto'i mae ipion aijo' hi belengku. Belemiu nosangaja'mo da saja' moleko'i ka' monggule-gule mae aku, osangka nu belemiu saba' aku timbali mongabali' katantuanku, Soba poto'imo mae na ipion aijo' sahingga kusumbu' talu' belemiu moko ala ahi' montalangkan alati'nyo.”

DANIEL 4:14

Ia notataemo daka-daka', ‘Taa'mo na kau' aijo' ka' paha noso'i na to panga-panga'nyo, solui nahonnyo iwi-iwi' ka' sagakon nabua'nyo. Laa' na to bina-binatang anu lumukut i patunyo ka' mule to tomo-tomonsi' anu mimpeta i to panga-panga'nyo.

DANIEL 4:17

Sumo aijo' na kaputusan nu kami to mala-malaekat anu binalajaga-jagamo ka' siniapmo. Pongka oho' mami da to mia-mian maumo pa' iyamae mongakui saba' Tumpu Anu Matangkas na Kuasanyo mongkuasaimo kalaja'an nu manusia ka' kalaja'an aijo' Nu bee' hihe na anu pinile'an-Nyomo ka' mule' hi mian anu madi' ko alati'nyo apa-apaa!’

DANIEL 4:22

O, Tuanku belentomo Tuanku na kau' anu mata-matangkas ka' anu mahoson aijo'. Katalasanggoan nu belento Tuanku mompaka pintuangmo toka-toka i langit ka' mule' kakuasa'an nu belento Tuanku mompaka ewamo toka-toka i pus nu tano'.

DANIEL 4:32

Belento olaa'mo nu aha mian da'isan ka' tumuu'mo tiba to bina-binatang i padang. Kopinnyo popitu' na taun ka' belento mongkaanmo hemput susumo sapi'. Lapas aijo' belento mongakuimo talu' Tumpu Allah Anu Matangkas na Kuasanyo na balakuasa i kalaja'an nu manusia ka' kalaja'an aijo' obee'mo hi hehe na anu pinile'an-Nyomo.”

DANIEL 7:25

Ia saidi' mae motatae, tukoonyo mongewamo Tumpu Anu Matangkas na Kuasanyo ka' mule' monsakisamo mian anu palesayamo hi hi Tumpu. Ia bala usaha da iwi-iwi na atulan obali'imo ka' mule' bau-bauon nu agama nu aha mian anu palesayamo hi Tumpu ka' mule' aha iamo na mongkuasai kopinnyo totolu' ka' mintonga na taun.

LUKAS 21:15

Akuje na mombee' hi beleyum potatae tiba kapandean aijo', sahingga madi' ko samian pe'e hi anu sampo bali' miu moko ewa kabai motunde apaa na anu otaloakon miu.

ROMA 13:1

Toto samian tionyo mohongo-hongo pamalentah, kalana madi' ko Pamalentah anu madi' mohumpak kuasa lengkat mae hi Tumpu. Ka' pamalentah anu uuka aiya, mompojalan kuasanyo kalana palentah anu lengkat mae hi Tumpu.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

YAKOBUS 1:17

Batu-batu taju anu ma'ima' ka' palasen anu ma'ima' pinolengkatannyo mae i suluga', tinau'akon nu Tumpu, anu Nompotimbali iwi-iwi na anu ma jingka i langit. Iamo na Tumpu anu madi' mongabali' ka' madi' mule' monsaduakon kapintungan mau mule' pa' mosiamo.

YAKOBUS 1:5

De daagi' ko samian itina' hi komiu anu madi' talalo pande, tionyo ahi' ia mongkakase hi Tumpu, sahingga Tumpu mombee'i kapandean hi ia; kalana toto samian sanang na Tumpu Allah mombee'i kalana kanonongannyo ka' kalana kalibosannyo.

ANU PINOTO'I HI YOHANES 19:16

I juba'-Nyo ka' i pa'anyo tuli-tulis na sanggo sumo uuka, “Tomundo nu tomundo iwi-iwi', ka' Tumpu nu tuan iwi-iwi'.”