DANIEL 2:19 - KITAB NU TUMPU ALLA LELE MA'IMAI'

¹⁹ Pihi-pihi aijo' suele Tumpu nompoto'imo lahasia aijo' hi Daniel i sa'angu' na han anu tinoa. Sahingga i Daniel nompuji'mo Tumpu kiita i suluga,

DANIEL 2:19 ပူးပေါင်းရင်းမြစ်များ

AYUB 4:13

Aku madi'mo tinohoyot ka' tinolosikangkangmo, sumo nongipimo anu ma'idek pihi-pihi tonga'bongi'.

MAZMUR 25:14

Tumpu bela' nu mian anu palesayamo, Ia mompoto'i pa' apaa na nu kahanda'i hi aha.

DANIEL 1:17

Tumpu nombee'imo hi aha opa-opat na olitau aijo' kapandean bapikin ka' pande mule' na mombau pakalaja'an i uno nu sa'angu' na pakalaja'an. Ka' mule' i Daniel binee'an-Nyo kapandean da timbali montalangkan anu nu potoa nu Tumpu tiba anu opo'ipiakon.

DANIEL 2:22

Iamo na mompotuka'lahasia anu talalo o pohowini. Lamo ia na momposumbu' apa-apaa anu jinadimo i uno nu pikat. Ia nu salingkukubi nu jingka anu taha-tahahumo.

DANIEL 4:26

Malaekat haha aijo' nompalentahmo da tu'o nu kau' aijo' opojohokmo aijo' i uno nu tano'. Aijo' alati'nyo saba' belento Tuanku po ule'mo timbali tomundo' salatan belento Tuanku mongakuimo saba' Tumpu ahi' na mongkuasai songko-songko na dunia aiya.

DANIEL 4:9

“O Beltsazar, polaya' nu to mia-mian anu ko ilimu' ku sumbu' na beleyum kinuasanmo nu roh nu to pilo-pilogot anu susi, sahingga madi' ko lahasia anu opohowini hi beleyum. Potombihing mae na ipionku uuka ka' talangkan mae na alati'nyo.

DANIEL 7:7

Hau-haunyo aku montonto'i, binatang anu ko opatnyo ilubatmo mae. Ia mahoson hondo ka'baani ka' okabuhuk. Bese'nyo anu toto daka-daka' ka' talalo mokuut susumo besak nohansunimo ka' pinaha kaannyomo na kaanonnyo lantas pinahampeja'akonnyomo na tuha'nyo. Madi' pokakana tiba binatang anu ma'isa pe'e kino ianyo aijo, ia ko tanduknyo sampulu'.

AMOS 3:7

Tumpu Anu Matangkas na kuasanyo madi' toho' mombau sa'angu' pe'e na apaa de madi' nu poto'i pe'e na tanga'an-Nyo hi aha to nabi-nabi ka' hi to posa-posaihon-Nyo.

NOMBILANGMO 12:6

lantas Tumpu notataemo, “Potombihing mae na potataeng-Ku aiya! De daagi' ko anu aiya hi belemiu samian na nabi, Ku potoamo na butong-Ku hi ia da saja' otoa, ka' basisik tiba ia i uno nu ipion.

YOSUA 22:33

Sahingga aha mian nu Israel nanasamo i han anu jinadimo aijo', lantas aha lewa'mo nompuji' Tumpu Allah. Aha madi'mo lewa' nonsisik kahanda' nu aha da mompahampateakonmo mian nu aha Ruben tiba Gad ka' mohopu'imo lipu' nu aha.