DANIEL 12:8 - KITAB NU TUMPU ALLA LELE MA'IMAI'

⁸ Iwi-iwi' na anu tinaloakonnyomo aijo' memang ihongongkumo panyo aku madi' mangalati'. Lantas pinokilawangkumo, “O, Tuan mosiamo ahi' de iwi-iwi' aiya lapasmo?”

DANIEL 12:8 ပူးပေါင်းရင်းမြစ်များ

DANIEL 10:14

Aku tinoka mae da mompopangalati' beleyum da osumbu' pa' apaa na anu jadi saidi' mae hi bansa nu belemiu. Anu tinoa aijo' mongkona sinaa anu aiya mae i ahop.”

DANIEL 12:6

Samian nompokilawamo hi anu tinuminjo lebe ohani i mata nu kaunyo, “Hipianje na lapas na kajadian-kajadian haha aijo' anu okabangangi?”

DANIEL 12:7

Mian sangga'at aijo' nohangkatmo limanyo ohu-ohua' no kiita' ilangit. Ihongongkumo na ia binasumpa' i uno nu sanggo nu Tumpu anu tataap sampe toka sidu-sidutu' ka' notatae, “Kajadian-kajadian haha aiya saja' sabole-bole daagi' totolu' ka' mintonga' na taun. Salatan ponsakisan mian anu palesayamo hi Tumpu lapasmo, saba' suele lapasmo ahi' na kajadian-kajadian anu okabangangi haha aijo!”

DANIEL 12:9

Ia nontaami, “Lako'mo uuka aiya, Daniel, kalana potatae aiya tionyo ahi' opohowini ka' olahasiakon sampe toka i tempo'nyo nu kakiamatan.

DANIEL 8:13

Lapas aijo' ihongongkumo samian na malaekat notatae hi sangga'at, “Sampe toka hipian na kopinnyo na iwi-iwi' anu tinoa aijo'saja' sabole-bole motuus? Sampe toka hipian na kopinnyo na dosa' daka' ai-aijo' mombolosimo koloban anu sansina-sinaa obau? Sampe toka hipian na kopinnyo na suludadu nu suluga' ka' laigan ponsomban Tumpu aijo' opahampeja'akon?”

LUKAS 18:34

Iwi-iwi' aijo' sangkiding pe'e madi' sinumbu' nu anu saja' mombatuki Yesus aijo'. Poso' nu potatae-Nyo aitu pinohowini hi aha. Aha madi' monsumbu' pa'apaa na tinaeakon-Nyo.

YOHANES 12:16

Tempo'nyo aitu anu mombatuki Yesus ma'isa nonsumbu' iwi-iwi' aijo'. Panyo salatan i Yesus pinopodaka'mo i kasilakaan-Nyo, atina'je na aha tinonginau' taalu' anu binau nu to mia-mian hi Ia, tinulismo i uno nu Kitab nu Tumpu mongkona Ia.

SISIKON NU TO RASUL-RASUL 1:7

Tinaaman i Yesus, “Posi Tuumang-Ku na anu montantukan sinaa ka' tempo'nyo. Aijo' madi' palalu osumbu' nu komiu, kalana aijo' hak nu Tuumang-Ku.

1 PETRUS 1:11

Aha monselidiki mosia ka' hipian na han aijo' timbali, apaa na anu kokoonyo nu Roh i Kristus anu kiijo' i butong nu aha. Tempo'nyo aitu Roh-Nyo na nompoto'i hi aha mongkona kasansala'an-kasansala'an anu tionyo nu oa'i i Kristus ka' mongkona katalasanggoan-Nyo anu nutalimaje lapas aijo'.