DANIEL 12:6 - KITAB NU TUMPU ALLA LELE MA'IMAI'

⁶ Samian nompokilawamo hi anu tinuminjo lebe ohani i mata nu kaunyo, “Hipianje na lapas na kajadian-kajadian haha aijo' anu okabangangi?”

DANIEL 12:6 ပူးပေါင်းရင်းမြစ်များ

MAZMUR 74:9

To nabi-nabi ka' tanda-tanda anu okabangangi madi'mo daagi' tinoa, ka' madi' ko anu monsumbu' pa' hipianje na anu susumo aiya belentimo.

YEHEZKIEL 9:2

Lia-lia tinokamo mae na mian aha anom lengkat mae isambiha' nu sabatan daka anu sasu Utara Laigan nu Tumpu, toto samian nomboa mae toongon bau pahampate. Hingga-hinggat mae tiba aha daagi' ko mian baju'nyo hude lenan ka' nomboa mae anu bau pontulisan. Aha ninsoopmo ka' tinuminjo koko mezbah tambaga.

DANIEL 12:5

Lapas aitu aku nontoamo ua'aha na mo'ane. Samian tinuminjo isonibi nu kaunyo sasu aiya mae, ka' sangga'at mule' tinuminjo i kaunyo sasu aijo' mae.

DANIEL 12:8

Iwi-iwi' na anu tinaloakonnyomo aijo' memang ihongongkumo panyo aku madi' mangalati'. Lantas pinokilawangkumo, “O, Tuan mosiamo ahi' de iwi-iwi' aiya lapasmo?”

DANIEL 8:13

Lapas aijo' ihongongkumo samian na malaekat notatae hi sangga'at, “Sampe toka hipian na kopinnyo na iwi-iwi' anu tinoa aijo'saja' sabole-bole motuus? Sampe toka hipian na kopinnyo na dosa' daka' ai-aijo' mombolosimo koloban anu sansina-sinaa obau? Sampe toka hipian na kopinnyo na suludadu nu suluga' ka' laigan ponsomban Tumpu aijo' opahampeja'akon?”

DANIEL 8:16

I hongongku na potatae anu nontaloakon daka-daka' aijo' mae i santoa nu Kaunyo Ulai, notatae mae, “Gabriel, talangkanmo hi ia na anu tinoa aijo'.”

MATIUS 24:3

Lapas aitu, i Yesus namba i Bungkutnyo nu Zaitun, ka' hau-haunyo Ia suha-suhang, anu saja' mombatuki Ia tinoka ka' binisala tiba Ia mongkona posi aha. “Poto'i mae hi kami hipian na iwi-iwi' aijo' timbali,” koonyo nu aha hi Ia, “Apaa na bau pongoosian salaku tanda katokaanmo nu kita Tuuma, ka' sinaa imihinyomae?”

MARKUS 13:4

“Tuuma, soba kita Tuuma poto'i mae hi kami,” koonyo nu aha hi Ia, “hipian na iwi-iwi' aijo' jadimo? Ka' tanda-tanda apaa na anu mompotingaan saba' tempo'nyo tokamo?”

EFESUS 3:10

Pongka'oho' nu Tumpu aijo'mo da tempo' uuka, montului jama'at, iwi-iwi' na anu montoongi kakuasa'an i langa monsumbu' kapandean nu Tumpu anu lupa-lupa na ngahannyo toto sa'angu'.

1 PETRUS 1:12

Hi to nabi-nabi haha aijo' Tumpu nompoto'imo tukoonyo apaa na anu nubau nu aha misa' bau kapentingan nu aha, panyo bau kapentingan nu belemiu; atina'mo hahan anu tempo' uuka aiya i hongomo komiu mana-manasa hi to mia-mian anu nompolelemo Lele Ma'ima' mongkona i Yesus Kristus. Aha nomposumbu' hahan aijo' hi belemiu kalana kuasa nu Roh nu Tumpu anu sinai-Nyo mae lengkat i suluga'. To mala-malaikat pe'e mongkahanda'i suele da monsumbu' lele anu nu polele nu aha aijo'.

ANU PINOTO'I HI YOHANES 15:6

Lantas popi-popitu' na malaikat tiba popi-popitu' na balaa' aijo' nosabatmo mae lengkat i Laigan nu Tumpu. Baju' nu aha lenan na kina'ut anu belesi' hondo ka' jongkilaban. Ka' aha nompake pongkukubi saha'an mosoni' na binau.

ANU PINOTO'I HI YOHANES 19:14

Suludadu nu suluga' anu bau pahampate mombatuki Ia monsake'i to aja-ajahan mopute', ka' nompusok lenan anu mopute' ka' belesi'.

ANU PINOTO'I HI YOHANES 6:10

Aha noloboo' daka-daka', “O Tumpu Anu Matangkas na kuasanyo, anu Susi' ka' totu'u! Daagi' hipian na kopinnyo lantas Beleyum momputusimo anu jojoong i dunia ka' mohukummo aha kalana nompateimo kami?”