DANIEL 12:3 - KITAB NU TUMPU ALLA LELE MA'IMAI'

³ To pola-polaya' anu to pande-pande jongkilabanmo susumo jingka nu langit. Ka' mule' aha anu nongajanmo manjoo' na mian da mombau apaa na anu ma'ima' tiba anu adin, majingkamo susumo to manda-mandala' sampe toka sidu-sidutu'.”

DANIEL 12:3 ပူးပေါင်းရင်းမြစ်များ

NOSABATMO 34:35

ka' aha nontoamo ohup i Musa kino sahayanyomo. Lantas po'ule' mule' nu kukumbungi na ohupnyo sampetoka i tempo'nyo anu tokaje mae de ia po'ule'mo basisik tiba Tumpu.

AMSAL 11:30

Mian anu palesaya totu-totu'u saidi' mae mohumpakmo kantumuu'an ma'ima; mian anu pande mintuang na anu mombatuki.

AMSAL 3:35

Mian anu pande mompaka talasanggomo na sanggonyo, panyo mian anu ponga' saja'mo o alu.

AMSAL 4:18

Jalan nu mian anu ma'idek na kinyonyoanyo pintung sumomo londomi' de malomo. Aha tosumpun ka' motua' madi' nusumbu' nu aha. Panyo mule' ahi' jalan anu nutulu nu mian anu ma'ima' na kinyonyoanyo sumomo ahi' batu nu sinaa bete'mo mae; ko pipinnyo ko jingka-jingkanyomo, sahingga ahennyo mae majingkamo hondo.

ANU MOMPOLELE POTATAE NU TUMPU 12:9

Anu saja' Bapikin aijo' ko ilimu' ka' mule' pande; kalana aijo' ingajanakonnyomo hi aha mian iwi-iwi' na ilimu'nyo. Manjoo' na ibalat ginulu'annyomo; lantas inguji'nyomo na han aijo' pa' totu'u.

YESAYA 53:11

Kalana aitu Tumpu notataemo, “Salatan lapas mo na mongoa'i kasansala'an, ia bilahije ka' sanangmo na kinyonyoanyo. Posaihon-Ku aijo', na momposanang kinyonyoang-Ku, nontanggungmo hukuman nu aha mian da'isan; kalana ia Aku mongampunimo aha.

YEREMIA 23:22

De bisuanyo nu sumbu' nu aha apaa an anu uutu i uno nu pikilan-Ku, tantu pinoto'imo nu aha hi mian anu palesayamo hi beleng-Ku sinin na anu tinaloakon-Kumo. Sahingga mian anu palesayamo hi beleng-Ku tantu balatobatmo madi'mo daagi' mombau ka' mule' madi'mo mombau kalakuan nu aha anu ma'idek.

DANIEL 11:33

Mian anu toto pande-pande lewa-lewa' mongatun mian da'isan mompopandemo manjoo' na mian sahingga mangalati'mo. Panyo ola to pia-piangkuka na ko pinnyo aha to pia-piangkuka na mian anu aijo' hi aha opateimo kalana mahampate kabai kalana apu, ka' to pia-piangkuka na mian mule' ohakopmo ka' oboamo i tampat pompojoongan.

DANIEL 11:35

Sambagian na to pola-polaya' anu toto pande-pande opateimo panyo aijo' salaku bau ponguji' aha mian anu palesayamo sahingga aha totu-totu'u belesi'mo. Han aijo' saja'mo jadi susumo aijo' sampe toka i sinaa kakiamatanmo, aijo'mo na tempo' anu tinantukanmo nu Tumpu.

DANIEL 12:10

Manjoo' na mian o'uji'mo ka' mule' opobelesi'mo ahi' totu-totu'u. Aha mian anu ma'idek na palabuatannyo madi' mangalati' ka' saja' ahi' mombau anu ma'idek. Ola ahi' aha mian anu pande na moko ala mangalati'.

MATIUS 13:43

Ka' to mia-mian anu nombaumo kahanda' nu Tumpu majingka sumo batu nu sinaa i uno nu Dunia Bu'ou nu Tumpu, Tuuma nu aha. Jadi, de daagi' ko bihing, pohongomo!”

MATIUS 19:28

I Yesus notatae hi aha, “Palesayamo: I Dunia Bu'ou, Anak nu Mian sumuhangje i kasuhangan-Nyo anu talasanggo. Tempo'nyo aitu, komiu anu saja' mombatuki Aku, sumuhangje i sampulu' ka' ohua' na kasuhangan anu talasanggo, ka' momputusi sampulu' ka' ohua' na tulunan nu bansa Israel!

MATIUS 24:45

Koonyo mule' i Yesus, “Desumo aitu, posaihon anu mosia na anu mohongo-hongo ka' anu pande? Ia na anu o hangkat nu Tuannyo da timbali kapala nu to posa-posaihon sangga'at, da mombee'i aha mongkaan toka i tempo'nyo.

YOHANES 4:36

Mian anu mompadak montampu'unimo montalima tamboonyo, ka' molimu' hasinnyo da bau kantumuu'an anu talakana' sampe toka sidu-sidutu'. Sahingga mian anu montugan tiba mian anu mompadak timbali mongoa'i kasanangan hingga-hinggat.

YOHANES 5:35

I Yohanes aijo' sumo sulu' anu moak ka' monjingkai. Madi' pin na komiu sanang montalima jingkanyo aijo'.

SISIKON NU TO RASUL-RASUL 13:1

I uno nu jama'at Antiokhia, daagi' ko nabi-nabi ka' to gulu-gulu', aitumo i Barnabas ka' i Simeon, anu o sanggohi mule' Si Hitam, i Lukius lengkat mae i Kirene, i Menahem anu pinotuu' hingga-hinggat i Tomundo Herodes, ka' i Saulus.

1 KORINTUS 3:10

Tiba kapandean anu binee'mo nu Tumpu, aku salaku anu pande mombau gudang, aku nombaumo mesen bau pompotinjoan gudang aijo', ka' mianje sangga'at na mompotinjo gudang i bawo nu mesen aijo'. Toto samian tionyo montoa ima-ima' mosia na ia mompotinjo i bawo nu mesen aijo'.

EFESUS 4:11

Iamo na anu “mombee'i palasen-palasen hi mian”; sambagian i hangkat-Nyo tinimbali rasul, sangga'at tinimbali nabi; sangga'at mule' tinimbali pompolele Lele Ma'ima' aijo', ka' sangga'at mule' i hangkat-Nyo tinimbali to gulu-gulu' ka' pongatun jama'at.

IBRANI 5:12

Sabenannyo tempo'nyomo na komiu timbali gulu', panyo nanasamo taalu' komiu daagi' ahi' palalu balagulu' pe'e hi mian sangga'at mongkona alati'nyo nu pangajalan nu Tumpu. Komiu ma'isa timbali mongala kaanon anu mokuut; komiu daagi' tionyo ola monginum susu.

2 PETRUS 3:15

Ka' tionyo ahi' o'akui na kasabalan nu Tumpu saba' sumomo tempo' anu ma'ima' anu binee'-Nyomo hi belemiu da timbali salamat. I Paulus, utusto anu oka-okanonongi, nontulismo suele sumo aijo' anu pinakatunyomo hi belemiu. Tumpu na nombee'i ia kapandean nontulis aijo'.

ANU PINOTO'I HI YOHANES 1:20

Aiyamo na lahasia nu popitu' na mandala' anu tinoamo nu beleyum i limang-Ku koanan, ka' i popitu' na tengke nu sulu' mosoni' aijo': Popitu' na mandala' aijo' atina'mo na to mala-malaikat i popitu' na jama'at aijo', ka' popitu' na tengke nu sulu' aijo' atina'mo na jama'at anu popitu' aijo'.”

TO MIA-MIAN KOPIAN 5:31

O amalakon da iwi-iwi' na sampobali' nu belento o Tumpu, mate susumo i Sisera, panyo iwi-iwi' na anu mompahasumbu' belento Tumpu talasanggo susumo jingka aita' i langa! Lapas aijo', madi'mo ko anu nompoposia lipu' aijo' pinatompulu' na taun na kinopinnyo.