DANIEL 12:10 - KITAB NU TUMPU ALLA LELE MA'IMAI'

¹⁰ Manjoo' na mian o'uji'mo ka' mule' opobelesi'mo ahi' totu-totu'u. Aha mian anu ma'idek na palabuatannyo madi' mangalati' ka' saja' ahi' mombau anu ma'idek. Ola ahi' aha mian anu pande na moko ala mangalati'.

DANIEL 12:10 ပူးပေါင်းရင်းမြစ်များ

MAZMUR 107:43

O'amalakon da mian anu pande mompotutugakon iwi-iwi' aijo' ka' mongakui tukoonyo Tumpu sabole-boleh mongkalibosi.

MAZMUR 51:7

Memang, ma'idek na kinyonyoangku salatanmo pe'e aku pinohampe, ka' binaladosa'mo salatanmo pe'e i uno nu ma'alum.

AMSAL 1:5

Tiba pokinde' haha aijo' miana nu pande mompaka panjoo'mo na ilimu'nyo ka' mian anu nosikolahmo mohumpakmo to poki-pokinde' anu ma'ima'.

YESAYA 1:18

Tumpu notatae, “Imbo' da oputusi na palakala aiya. Mau mule' belemiu imea'anmo tala-talalu nu dosa' nu belemiu, panyo belemiu Ku baso'imo sahingga timbalimo mopute' susumo kapas. Mau mule dosa' nu belemiu talalo manjoo' ka' maboat, belemiu totu-totu'u Ku ampunimo.

YEHEZKIEL 36:25

Lapas aijo' belemiu Ku pipi'mo nu uee anu molino hondo da belemiu belesi'mo madi'mo ko pilogotnyo ka' mule' iwi-iwi' anu nohumimi'imo belemiu.

YEHEZKIEL 47:11

Panyo uee anu itampalang tiba luap nu nomangan anu itutus sonibi nu ambai aijo' na madi' ahi' jadi matawas panyo tataap ahi' salaku polengkatan mae nu timuson.

DANIEL 11:33

Mian anu toto pande-pande lewa-lewa' mongatun mian da'isan mompopandemo manjoo' na mian sahingga mangalati'mo. Panyo ola to pia-piangkuka na ko pinnyo aha to pia-piangkuka na mian anu aijo' hi aha opateimo kalana mahampate kabai kalana apu, ka' to pia-piangkuka na mian mule' ohakopmo ka' oboamo i tampat pompojoongan.

DANIEL 11:35

Sambagian na to pola-polaya' anu toto pande-pande opateimo panyo aijo' salaku bau ponguji' aha mian anu palesayamo sahingga aha totu-totu'u belesi'mo. Han aijo' saja'mo jadi susumo aijo' sampe toka i sinaa kakiamatanmo, aijo'mo na tempo' anu tinantukanmo nu Tumpu.

DANIEL 12:3

To pola-polaya' anu to pande-pande jongkilabanmo susumo jingka nu langit. Ka' mule' aha anu nongajanmo manjoo' na mian da mombau apaa na anu ma'ima' tiba anu adin, majingkamo susumo to manda-mandala' sampe toka sidu-sidutu'.”

HOSEA 14:9

Mian nu Israel mongalinmo iwi-iwi' na patong nu pilogot nu aha aha Ku jagaimo ka' mule' Ku talimamo na do'a nu aha. Susumo kau' anu tambok na honnyo, Kujagaimo na aha. Akumo na polengkatan mae nu balakat, iwi-iwi' anu nu humpak nu aha. Akumo na Tumpu anu notataemo.

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

MALEAKHI 3:3

Ia toka mae da momputusimo, susumo mian anu mompobelesi'mo ka' mule' monsopu'mo salaka. Susumo samian na tukang logam monsopu'mo mosoni' tiba salaka, sumo aijo'mo na anu nu utus nu Tumpu monsopu'mo to ima-imam da aha monsombahkon iwi-iwi na koloban mombatuki ahi' apaa na anu nu situjui nu Tumpu.

MARKUS 4:11

Sahingga i Yesus notatae hi aha, “Komiu binee'anmo balakat da monsumbu' lahasia mongkona mosia na Tumpu mompalentah. Panyo to mia-mian anu i sambiha'nyo ingajan nu kantuang,

LUKAS 24:25

Lantas i Yesus notatae hi aha, “Komiu memang ponga'! Talalo bata-bata na komiu mompalesaya iwi-iwi' anu tinaloakonmo nu to nabi-nabi!

YOHANES 18:37

Lantas i Pilatus nompokilawamo hi Ia, “Desumo aitu Beleyum tomundo'?” I Yesus nontaami, “Beleyum notatae, Aku aiya tomundo'! Aku i hampe ka' tinoka i dunia daagi' ko sa'angu' na kahanda' aijo'mo mombee'i katalangan mongkona kahondoan. Mian anu lengkat mae i kahondoan aijo' mohongo Aku.”

YOHANES 7:17

Mian anu montuluti pongka'oho' nu Tumpu, monsumbu' pa' pangajalan-Ku lengkat mae hi Tumpu kabai posi lengkat mae hi beleng-Ku.

YOHANES 8:47

Mian anu nolengkat mae hi Tumpu, mohongo potatae nu Tumpu. Panyo komiu misa' lengkat mae hi Tumpu, mokonyo aijo' komiu madi' mongka'oho' mohongo.”

1 KORINTUS 6:11

To pia-piangkuka itina' hi komiu u'utu mae ko kalakuan sumo aijo'. Panyo uuka dosa' miu pinobelesinmo. Komiu tinimbalimo samata-mata anu nu Tumpu. Komiu nompo'ule'mo nompaha ima' tiba Tumpu, kalana komiu pinalesayamo hi Tumpu Yesus Kristus, ka' kalana kuasa nu Roh anu nolengkat mae hi Tumpu Allah-nto.

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 12:10

Tu'anyonto i dunia mompokinde'i kita madi' sampe toka sidu-sidutu', ola iya na anu nu oa'i nu aha ma'ima'. Panyo Tumpu Allah mompokinde'i kita da bau ka'ima'anto da kita timbali susi' hingga-hinggat tiba Ia.

1 PETRUS 1:22

Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.

1 PETRUS 1:7

Anu nupatui aijo'mo kahanda' momponyata' pa' komiu totu-totu'u palesaya hi Tumpu kabai madi'. Mosoni' pe'e anu timbali ma'idek, o uji' nu apu. Jadi, palesaya miu anu totu-totu'u molingkudui oli nu mosoni', jadi tionyo ahi' o uji' suele da timbali mahoson. Ka' tiba jalan sumo aijo' komiu o puji' ka' o angga'i tiba opopodaka' toka i sinaa-Nyo de i Yesus Kristus po'ule'mo toka.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.

ANU PINOTO'I HI YOHANES 16:11

Lantas aha nongkutukimo Tumpu i suluga' kalana talalomo sinansala na aha ka' kalana bisun haha aijo' anu nongkonamo aha. Panyo aha madi' ahi' mombabali'i kalakuan anu ma'idek anu lewa'mo binau nu aha.

ANU PINOTO'I HI YOHANES 19:14

Suludadu nu suluga' anu bau pahampate mombatuki Ia monsake'i to aja-ajahan mopute', ka' nompusok lenan anu mopute' ka' belesi'.

ANU PINOTO'I HI YOHANES 19:8

Baju'nyo lenan anu jongkilaban binee'mo hi ia da o pusok.” (Baju' lenan aijo' atina'mo na kala-kalakuan ma'ima' anu binaumo nu mian anu pinalesayamo hi Tumpu.)

ANU PINOTO'I HI YOHANES 22:11

Mian anu ma'idek, bakasmo da saja' mombau anu ma'idek; mian anu mahenyu, bakasmo da mahenyu na butongnyo; mian anu mombatuki pongka'oho' nu Tumpu, bakasmo da saja' mombatuki pongka'oho' nu Tumpu, ka' mian anu tumuu' samata-mata hi Tumpu, bakasmo da saja' tumuu' hi Tumpu.”

ANU PINOTO'I HI YOHANES 3:18

Mokonyo aijo' Aku mompokinde'i belemiu, da mongoli hi beleng-Ku mosoni', aijo'mo mosoni' anu madi' kogalo'nyo, da komiu timbali kaya. Oli mule' suele na baju' mopute' hi beleng-Ku, da belemiu mipake ka' mongkulubi kantumuu'an miu anu langgo-langgo' ka' mongambangi. Ka' olimo na pakuli' anu o gegesakon i mata miu da belemiu timbali montoa.

1 SAMUEL 24:13

O'amalakon da Tumpuje na momputusi kita aiya ohua' ihe na anu ko sala'nyo! Tumpuje na mombalosakon apa-apaa na anu binaumo nu belento Tomundo' hi belengku aiya, panyo mau mule' mosiamo aku madi' mombau anu ma'idek hi belento Tomundo'.