DANIEL 12:1 - KITAB NU TUMPU ALLA LELE MA'IMAI'

¹ Malaekat nu nompusok baju' lenan aijo' po ule' mule' notatae, “Tempo'nyo aijo' tokamo mae na malaekat anu daka' na kuasanyo i Mikhael anu monjagai bansa nu belemiu. Lapas aitu tokamo na tempo' nu kasusa'an anu madi' ko'anu pokakana salatanmo pe'e kino to bansa-bansamo, panyo iwi-iwi' na mian anu atina' hi bansa nu belemiu anu sanggonyo tinulismo i uno nu kitab nu Tumpu Allah, atina na oposalamat.

DANIEL 12:1 ပူးပေါင်းရင်းမြစ်များ

MAZMUR 56:8

Pa' daagi' mule' ko kasalamatan na aha anu lewa'mo mombau anu ma'idek? Tambuha'imo na aha ka' silakai-Mo, o!

MAZMUR 69:28

Bakas da kasala'an nu aha mompaka pintuangmo boli mompototu'u aha.

YESAYA 4:3

Batu-batu mian anu daagi' tinasisa i Yerusalem, ka' mule' aha to mia-mian anu pinile'anmo nu Tumpu da oposalamat, osanggohimo sinusi'mo.

YESAYA 9:7

Tumpu nonabu'akonmo hukuman hi aha kalaja'an Israel.

YEREMIA 30:10

Mian anu palesayamo hi beleng-Ku aha Israel, boli mabuhuk! Posaihon-Ku i Yakub boli langkakatan! Belemiu tiba lee' nu belemiu Ku posalamatmo lengkat mae ilipu' anu majo'on, tampat pinomboan belemiu. Belemiu minsusule'mo ka' jojoongmo ilipu' nu belemiu ka' madi'mo ko anu mompoposia. Belemiu tumuu'mo sanang; madi'mo daagi' ko anu okabuhuk nu belemiu.

YEREMIA 30:7

Sinaa anu okabuhuk hondo tokamo mae, sinaa anu madi' hondo-hondo ko gampanyo. Kona hi aha mian anu palesayamo hi beleng-Ku aijo'mo na sinaa anu okabuhuk hondo: panyo aha na Ku posalamatmo ahi.”

YEHEZKIEL 13:9

Aku mohukumo belemiu, o, to nabi-nabi anu nontaloakonmo kila-kila'an anu leko' samata-mata ka' sola' mompotutugakon iwi-iwi na anu tinoa! Belemiu madi'mo timbali mombee'i kaputusan i uno nu rapat-rapat nu aha mian anu palesayamo hi beleng-Ku. Sanggo nu belemiu ogarismo i uno nu daftar nu aha mian Israel ka' mule' belemiu madi'mo daagi' minsusule' itano' kinahampean nu belemiu. Sahingga nu sumbu'je nu belemiu taalu' Akumo ahi' na Tumpu Anu Matangkas na Kuasanyo.

YEHEZKIEL 34:24

Aku, Tumpu timbalimo Tumpu nu aha ka' tomundo' anu pokakana sumo posaihon-Ku i Daud aijo' mongkuasaimo aha. Aku, Tumpu notataemo.

YEHEZKIEL 5:9

Kalana iwi-iwi' na palabuatan nu beleyum anu Ku ka'ideki sahingga anu jojoong atina' hi beleyum Ku hukumje tala-talalo nu hukuman anu ma'isa toho binaung-Ku ka' mule' madi'mo daagi' po ule' Ku bau.

DANIEL 10:13

Malaekat anu bau ponjagai kalaja'an nu Persia nongewamo mae aku ko pinnyo uampulu' ka' sa'angu' na sinaa. Lantas i Mikhael sala'samian na to pola-polaya' nu malaekat tinokamo mae nontulungi aku. Pinala'iankumo naia ikiijo' mae i Persia.

DANIEL 11:45

Ka' mule' ia mombaumo kemah nu kalaja'annyo i olot nu ambai tiba bungkutnyo tampat nu Laigan nu Tumpu. Panyo lapas aijo' silakamo ka' madi' ko anu salasamian pe'e na nontulungi ia.”

DANIEL 7:10

ka' apu aijo' molele mae lengkat i kadela nu tomundo' ai-aijo'. Momada-madala na mian anu molayani Ia, ka' juta'an nu mian tinuminjomo i ahop-Nyo. Lapas aijo' tinampu'unanmo na nomputusi ka' iwi-iwi' na kitab pinaha buka'mo.

DANIEL 9:12

Belento momputusi kona hondo susumo anu jinanji'mo nu Belento hi kami ka' mule' hi aha anu nongkuasaimo mae kami. Yerusalem i hukumo nu Belento tala-talalo, sahanyo kota' iyayamae i dunia aiya na madi' talalo i hukum.

YOËL 2:2

Sinaa aijo' pikat hondomi' kahomo sehu' madi'mo ko sahayanyo. Suludadu kihi-kihi' singkapmo mae toka, susumo kundom anu nanintingkimo aita' i bungkutnyo. Han anu susumo aijo' ma'isa toho' jinadi ka' madi'mo daagi' po'ule' jadi sampe toka sidu-sidutu'.

MALEAKHI 3:16

Lantas aha to mia-mian anu mongkabuhuk Tumpu notatae hi samian ka' samian. Nu hongo nu Tumpu ka' mule' nu palahatikan apaa na anu nu taloakon nu aha. To mia-mian anu moholomati Ia ka' mule' mongkabuhuk Ia otulismo na sanggo-Nyo, i sa'angu' na kitab anu bau pontulisan anu kiita i ahop-Nyo.

MATIUS 24:21

Tempo' nu sinaa anu ma'idek hondo aijo' daagi' ko kasusa'an anu daka' sumo anu ma'isa toho' tinimbali lengkat pe'e i tampu'unan nu dunia toka tempo' aiya, ka' madi'mo mompo'ule' timbali.

MARKUS 13:19

I sinaa ma'idek tempo' aitu daagi' ko kasusa'an anu ma'isa toho' tinimbali, salatanmo pe'e Tumpu nompotimbali dunia sampe tempo' u'uka, ka' madi'mo daagi' po'ule' timbali.

LUKAS 10:20

Mau mule' sumo aijo', boli bilahi kalana to roh-roh ma'idek mohongo-hongomo komiu. Sahanyo komiu bilahi kalana sanggoum tinulismo i suluga'.”

ROMA 11:15

Kalana aha madi'mo tinalima nu Tumpu, sahingga pompahasumbu'an nu dunia tiba Tumpu mompo'ule'mo ma'ima'; apaa mule' de aha otalima nu Tumpu! Tantu aijo' pokakanamo sumo mian mate po'ule'mo tumuu'!

ROMA 11:26

Sumo aijo' na mian nu Yahudi iwi-iwi' oposalamat. Kalana i uno nu Kitab nu Tumpu tinulismo sumo uuka, “Tomundo' anu Momposalamat tokaje mae lengkat i Sion; Iaje na mongalini iwi-iwi' ka'idekan anu lengkat mae hi lee' i Yakub.

EFESUS 1:21

Pangkat i Kristus aijo' lebe matangkas molingkudui pangkat nu iwi-iwi' na pamalentah, iwi-iwi' na anu ko kuasa, iwi-iwi' na polaya', iwi-iwi' na to tuan-tuan ka' mau mule' ihe na anu binee'anmo pangkat anu matangkas; mau anu tumuu' tempo' uuka aiya, mau mule' anu tumuu' i tempo' anu tokaje mae.

FILIPI 4:3

Toka hi sangalungku anu momo' hongo-hongo ku poita suele da kita Utus montulungi ua'-ua'aha na boune aijo'. Aha nokalajamo totu-totu'u tiba aku, nombebakon Lele Ma'ima' anu lengkat mae hi Tumpu; pokakana sumo i Kelemen ka' iwi-iwi' mian sangga'atan anu nokalajamo hingga-hinggat tiba aku. Sanggo nu aha haha aijo' daagi'mo i uno nu Kitab nu Mian Tumuu'.

YUDAS 1:9

I Mikhael pe'e, anu mongkapalai to mala-malaikat, madi' toho' nombau sumo aijo'. Tempo'nyo ia pinainggaga tiba Ibilis i uno nu pahantuda'an mompo'ago pa' ihe na anu mongala bangke' i Musa, i Mikhael madi' baani nompisala'i Ibilis nu potatae anu mompopo'ise'. I Mikhael ola notatae, “Nusegaije nu Tumpu na beleyum!”

ANU PINOTO'I HI YOHANES 1:5

ka' lengkat mae hi Yesus Kristus, sakisi anu mohongo-hongo. Iamo na anu sinilaka po'ule' pinotumuu' momona, ka' Iamo na anu mongkuasai to tomu-tomundo nu dunia. I Yesus mongkalibosi kita, ka' kalana Ia sinilakamo aijo' sahingga Ia nompobebasmo kita da madi'mo o hukum kalana dosa'to, haha aijo'.

ANU PINOTO'I HI YOHANES 12:7

Lantas kiita' i suluga' nahampatemo. I Mikhael tiba to mala-malaikatnyo nahampatemo nongewa' ulo anu talalo hondo daka' aijo'. Ka' ulo anu talalo hondo daka' aijo' mule' tinulunganmo nu to mala-malaikatnyo mongewa mule' i Mikhael.

ANU PINOTO'I HI YOHANES 13:8

Binatang aijo' na nu sombah nu iwi-iwi' mian anu tumuu' i uno nu dunia, sambiha'nyo to mia-mian anu sanggonyo noko daputanakonmo ma'isa pe'e dunia pinotimbali, i uno nu kitab nu mian anu tumuu', tumpu'nyo aijo'mo Anak nu Domba anu ki kinolotmo.

ANU PINOTO'I HI YOHANES 17:14

Aha mahampateje mongewa Anak nu Domba aijo'. Panyo Anak nu Domba aijo' tiba anu saja' mombatuki Ia, anu tulu-tulutan hondo ka' anu ilaga-Nyomo ka' pinile'an-Nyomo aijo' na mompatundu' tomundo haha aijo', kalana Iamo na Tumpu nu iwi-iwi na Tuan, ka' Tomundo nu iwi-iwi na to tomu-tomundo.”

ANU PINOTO'I HI YOHANES 20:12

Ka' aku nontoamo to mia-mian anu sinilakamo, anu daka'mo ka' anu daagi' ise', tinuminjo i ahop nu kasuhangan aijo'. Sahingga to kita-kitab suele pinaha buka'mo. Lantas sa'angu' na kitab sangga'at binuka'mo, atina'mo Kitab nu Mian anu Tumuu'. Lapas aijo' hukuman inabu'akonmo hi mian anu sinilakamo, sitimbang tiba anu binaumo nu aha susumo anu tinulismo i uno nu kitab haha aijo'.

ANU PINOTO'I HI YOHANES 20:15

To mia-mian anu madi' tinulis na sanggonyo i uno nu Kitab nu Mian anu Tumuu', o'alinmo i uno nu apu anu sumo ndalangon.

ANU PINOTO'I HI YOHANES 3:5

Hi aha anu inguntungmo i uno nu kasabalan opopakeje na juba' mopute'. Sanggo nu aha madi'mo ohapus i Kitab nu Mian Tumuu'. Ka' i ahop nu Tuumang-Ku ka' to mala-malaikat-Nyo Ku Akuije na aha atina', Akumo na tumpu-Nyo.

ANU PINOTO'I HI YOHANES 7:14

“Aku madi' monsumbu', Tuan. Posi i Tuanmo na monsumbu',” tinaamanku. Sahingga ia notatae hi belengku, “Aiyamo na to mia-mian anu sinalamatmo anu noko lapasmo na nongoa'i kasansala'an anu daka' hondo. Aha nombaso'imo juba' nu aha nu baso' nu Anak nu Domba aijo' da mopute'.