DANIEL 11:8 - KITAB NU TUMPU ALLA LELE MA'IMAI'

⁸ Tempo'nyo aitu ia minsusule'mo i Mesir, nu boamo na patong nu pilogot anu nu sampobali'nyo tiba to paka-pakakas mosoni', ka' salaka anu sinombahkonmo hi pilogot aijo'. To pia-piangkuka na taun na kopinnyo ia madi' mompahampateakon tomundo' nu lipu' sasu utara.

DANIEL 11:8 ပူးပေါင်းရင်းမြစ်များ

KAJADIAN 31:30

Ku sumbu' na beleyum nambamo mae, aijo' kalana mongka'oho'mo minsusule' mae, panyo kadaka' beleyum nontomangmo mae patong anu bau ponjagai kami salaigan?”

2 SAMUEL 5:21

Suludadu nu aha mian Filistin nopalaimo madi'mo noko ala nongala ka' nompopalaihakon patong bapilogotan nu aha haha aijo'. Patong haha aijo' ingalamo i Daud tiba suele suludadunyo nongalamo patong haha aijo'.

NOSABATMO 12:12

Pihi aijo' Aku lumajangmo monsongkohi tano' nu Mesir, ka' mompateimo to ana-anak tumpe mo'ane, mau manusia mau pe'e binatang. Ku hukumo na pilogot iwi-iwi' i Mesir, kalana Akumo na Tumpu.

YESAYA 2:16

Kapan anu toto daka-daka' hondo ka' mule' ma'ima' olomosimo.

YESAYA 37:19

Pilogot-pilogot nu aha suele pinapuanmo nu aha ka' ihansunanmo kalana pilogot haha aijo' madi' hondo-hondo balakuasa. Aha ola patong kau' na binau ka' batu anu binau nu mian.

YEREMIA 46:25

Tumpu Anu Mahakuasa, Tumpu Allah Israel, nompoto'imo, “Aku mohukumo Amon, pilogot lengkat mae i Tebe, tiba iwi-iwi' na Mesir ka' mule' to pilo-pilogot tiba to tomu-tomundo'nyo. Tomundo' nu aha Mesir tiba aha iwi-iwi' na mian anu nontakabunakonmo ia

DANIEL 10:3

Tempo'nyo aitu aku madi'mo nongkaan kaanon anu toto ima-ima' kabai ponoha'; aku madi'mo nonginum anggur ka' madi'mo mule' nonsubat ubak.

DANIEL 11:9

Lapas aijo' tomundo' nu lipu' sasu utara montumbuhimo lipu' sasu salatan, panyo ia pinatundu'mo mae ka' ninsusule'mo i lipu'nyo.

HOSEA 13:15

Naumo Israel sinanangmo na kantumuu'an nu aha susumo hemput anu molumba' panyo Ku pokauje na mombun nu kabete'an anu mapanas hondo lengkat mae i padang anu mateges. Mombun aijo' na montiisi iwi-iwi na mata nu uee tiba to bubu-bubung. Sahingga manggasmo iwi-iwi' na anu mahan na olinyo.

HOSEA 8:6

Sapi' mosoni' anu osombah kiijo' i Samaria aijo', anu bibinau nu to mia-mian anu pakawelan i Israel! Aijo' misa' Tumpu, kalana aijo' tionyo ahi' ohansuni!

NOMBILANGMO 33:4

anu hau-haunyo molamun to ana-anak nu aha anu tumpenyo anu pinateanmo nu Tumpu. Tiba jalan anu sumo aijo' Tumpu nomponyata'mo saba' Ia na lebe mahoson molingkudui to pilo-pilogot nu aha Mesir.

PO'ULE' INGULIT 12:3

Hobo'akon na mezbah nu aha haha aijo' ka' pahantutukakon na ohi' batu haha aijo' anu nusangka nu aha ko balakatnyo. Papui na anu bau pontandai Asyera ka' hansuni na to pato-patong bapilogotan nu aha, sahingga pilogot haha aijo' madi'mo osombah i tampat nu aha haha aijo'.

TO MIA-MIAN KOPIAN 18:24

Tinaaman i Mikha, “Belemiu nompopalaihakonmo mae to pato-patongku tiba imamnyo, sahingga aku madi'mo daagi' ko apa-apaa, lantas belemiu notatae, 'Apaamo uuka!’ ”