DANIEL 11:7 - KITAB NU TUMPU ALLA LELE MA'IMAI'

⁷ Lapas na aijo' madi' pin samian anu daagi' poto utusannyo mae nu boune aijo' timbalimo tomundo'. Ia montumbuhimo suludadu nu tomundo' sasu utara, montumbuhimo bentengnyo ka' mule' mompatundu'mo.

DANIEL 11:7 ပူးပေါင်းရင်းမြစ်များ

AYUB 14:7

Daagi' ko anu nutaha'imani nu kau' anu tinaa'mo; ia daagi' po'ule' minsumpe, ka' mimpanga'.

MAZMUR 109:8

Bakas da kantumuu'annyo sampamo mingkot, ka' pangkatnyo nu alamo nu mian sangga'at.

MAZMUR 55:23

De bata-batamo na beleyum kalana mabuhukmo asanakonmo hi Tumpu, sahingga Iaje na montulungi beleyum; kalana mian anu hodi' na kinyonyoanyo, madi' ola nu pojohok nu Tumpu na ia opatundu.

YESAYA 11:1

Lee' mae i Tomundo' Daud pokakana susumo kau' anu tinaa'mo. Panyo susumo lapangnyo tu'o daagi' ahi' tumuu' mae na sumpenyo sumo aitumo na lee' mae i Daud daagi' ahi' ko samian na tomundo' na nu lee'akon mae.

YESAYA 9:14

Ubaknyo aijo'mo to tu'a-tu'anyo ka' anu oholomati, ikuno aijo'mo to nabi-nabi anu nombee'i pangajalan anu madi' totu'u.

YEREMIA 12:2

Sinu'anmo nu belento na aha susumo sosu'anon, lantas aha nimbakatmo, tinumuu'mo, ka' nimbua'mo. Aha saja mombisalakon anu toto ima-ima' mongkona butong nu Belento, panyo i uno nu kinyonyoa nu aha, aha sabenannyo ahi' madi' mompajuli Belento.

YEHEZKIEL 17:18

Kalana ia nolanggaimo sumpa' tiba palajanjiannyo, ia madi'mo daagi' moko ala mopalai.

DANIEL 11:40

De kakuasa'annyo nu tomundo' nu lipu' sasu utara ohanimo mingkot, saba' tomundo' nu lipu' sasu salatan montumbuhimo mae ia. Lantas tomundo' nu lipu' sasu utara mombalosimo aha anu nontumbuhimo mae aijo' ka' memang nu ideimo totu-totu'u. Manjoo' hondo na kareta anu bau pahampate; ajahan, tiba kapan, Nu tumbuhimo totu-totu'u susumo uee anu ingiaba'mo ka' mongkuasaimo manjoo' hondo na lipu'.

DANIEL 11:6

Lapas mule' aijo' pa' to pia-piangkuka na taun tomundo' nu lipu' sasu salatan mombaumo kasangaja'an tiba tomundo' nu lipu' sasu utara ka' mompo osoakonmo anaknyo boune tiba tomundo' nu lipu' sasu utara aijo'. Panyo kasangaja'an aijo' madi' notuus ka' mule' boune aijo' saidi' mae opateimo sumo aijo' mule' na langkai'nyo tiba anaknyo ka' mule' to posa-posaihonnyo anu nongantanmo ia.

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

LUKAS 12:20

Panyo Tumpu notatae hi ia, ‘O anu ponga'! Pihi uuka mule' beleyum matemo, lantas ihemo ahi' na mohumpak iwi-iwi' kakaya'an anu ilimu'umo bau kapentingan nu butongum?’