DANIEL 11:40 - KITAB NU TUMPU ALLA LELE MA'IMAI'

⁴⁰ De kakuasa'annyo nu tomundo' nu lipu' sasu utara ohanimo mingkot, saba' tomundo' nu lipu' sasu salatan montumbuhimo mae ia. Lantas tomundo' nu lipu' sasu utara mombalosimo aha anu nontumbuhimo mae aijo' ka' memang nu ideimo totu-totu'u. Manjoo' hondo na kareta anu bau pahampate; ajahan, tiba kapan, Nu tumbuhimo totu-totu'u susumo uee anu ingiaba'mo ka' mongkuasaimo manjoo' hondo na lipu'.

DANIEL 11:40 ပူးပေါင်းရင်းမြစ်များ

YESAYA 21:1

Sumo uuka na potuunon mongkona Babel: Sumo tombusisi' na pinolintup nontulu mae tampat padang anu mateges, sumo aijo'mo na balaa' toka mae lengkat ilipu' anu okabuhuk.

YESAYA 5:28

Hihis nu pana'nyo matajom ka' anu pompeletakonnyo me kokogia' opeletakon. Konuku nu ajahannyo mokuut susumo behese' ka' mule' loda nu karetanyo jokot na tumoyo sumomo ahi tombusisi'.

YESAYA 66:15

Memang, Tumpu tokamo mae tiba apu; Ia monsake'imo mae kareta-Nyo susumo antong anu daka' hondo, da mompotudunmo tambuha'-Nyo, ka' monsegaimo hoso-hoson.

YEREMIA 4:13

Soba toa sampobali tinokamo mae sumomo ahi' kundom. Kareta nu aha anu bau pahampate sumomo ahi' tombusisi', ajahan nu aha lebe malia' nulingkudui na bonyia nu mahap. Ado silakamo na kita! Kita mohopu'mo!

YEHEZKIEL 38:4

Ku hela'mo na ia nu kakait anu opokonamo ibagangnyo ka' monsabatakonmo mae ia tiba iwi-iwi' na suludadunyo. Manjoo' hondo na suludadunyo anu monsake'i ajahan ka' nompusokmo baju anu pokakana na buhitnyo. Toto samian na suludadunyo nomboa kanta tiba bajak.

YEHEZKIEL 38:9

Ia tiba suludadunyo ka' mule' manjoo' na bansang anu nonsangaluimo ia tokamo mae montumbuhi aha susumo antong anu daka' hondo ka' montutupimo songko-songko na lipu' susumo kundom.”

DANIEL 11:10

Lantas anak to momo'ane nu tomundo' sasu utara mogogau'mo da mahampatemo ka' momposa'angu'mo to sulu-suludadu manjo-manjoo'. Sala'samian anu aijo' hi aha nambamo nontumbuhi sumomo ahi' iaba'. Nontumbuhi ko pinduannyo ia nontumbuhimo benteng nu sampobali'nyo.

DANIEL 11:11

Sahingga pusamo na tomundo' nu lipu' sasu sabatan ka' mambamo itampat pahampatean mongewa tomundo' nu lipu' sasu utara. Ia mompatundu'mo suludadu anu manjoo' hondo aijo' anu i uno nu pamalentahan i tomundo' nu lipu' sasu utara.

DANIEL 11:13

Kopinduannyo na tomundo' nu lipu' sasu utara momposa'angu' mule' suludadu anu manjoo' hondo ka' aijo'mo na lebe manjoo' nu lingkudui na anu u'utu mae momona. De tokamo itempo'nyo ia mambamo montumbuhi tiba suludadunyo anu manjoo' hondo aijo' tiba posadiaon anu sukup hondo.

DANIEL 11:22

Iwi-iwi' na suludadu anu mongewa ia ka' mule' Imam Daka' suele nu pateimo.

DANIEL 11:25

Lapas aijo' kalana ia baani pinosihuknyo mule' manjoo' hondo na suludadu da montumbuhimo tomundo' nu lipu' sasu salatan anu nogogaumo suele kahanda' mongewamo ia tiba suludadunyo anu mahoson ka' mule' manjoo' hondo. Panyo tomundo' nu lipu' sasu salatan madi'mo moko ala mongewa kalana ia madi'mo pinajulian nu mian anu nu palentah.

DANIEL 11:35

Sambagian na to pola-polaya' anu toto pande-pande opateimo panyo aijo' salaku bau ponguji' aha mian anu palesayamo sahingga aha totu-totu'u belesi'mo. Han aijo' saja'mo jadi susumo aijo' sampe toka i sinaa kakiamatanmo, aijo'mo na tempo' anu tinantukanmo nu Tumpu.

DANIEL 11:39

Ia saidi' mae mompile'ije to mia-mian anu monsombah pilogot nu mian anu i salipu'an mae da mamba montumbuhi benteng-benteng anu mahoson. Ihe na anu mongakui pilogot aijo' nu bee'i anu bau salaku poholomati ka' mule' pangkat anu matangkas ka' mule' tano' bau salaku tambonyo.

DANIEL 11:7

Lapas na aijo' madi' pin samian anu daagi' poto utusannyo mae nu boune aijo' timbalimo tomundo'. Ia montumbuhimo suludadu nu tomundo' sasu utara, montumbuhimo bentengnyo ka' mule' mompatundu'mo.

DANIEL 12:4

Lantas malaekat aijo' notatae mule' hi belengku, “Daniel, tutupmo na kitab atina' uuka aiya ka' pokonaimo segen da tataap tatutup sampe tokamo na tempo'nyo nu kakiamatan. Manjoo' na mian anu kahanda' monsoba monselidiki apaa na anu jinadimo uuka aiya. Panyo usaha nu aha madi' kino gunanyo.”

DANIEL 12:9

Ia nontaami, “Lako'mo uuka aiya, Daniel, kalana potatae aiya tionyo ahi' opohowini ka' olahasiakon sampe toka i tempo'nyo nu kakiamatan.

DANIEL 8:17

Lantas i Gabriel anu tinuminjo i ahopku aijo' nongohanimo mae aku. Aku na buhukmo hondo sahingga aku notua'mo. Koonyo i Gabriel hi belengku, “O, mian anu madi' tumuu' sampe toka sidu-sidutu' beleyum tionyo ahi' monsumbu' saba' anu tinoa aijo', aijo'mo na sinaa kakiamatan.”

HABAKUK 3:14

Hihis nu pana' nu Belento nolampasmo to pola-polaya' nu suludadu nu sampo bali', tempo'nyo suludadu nu aha tinoka mae anu sumomo tombusisi' na kohosonnyo. Da kami nu ga'a-ga'atakonmo.

ZAKHARIA 9:14

Tumpu mompotoamo butong-Nyo, hi aha mian anu palesayamo hi Ia, sumomo ahi' kilat na hihis nu pana'-Nyo pineletakon-Nyo. Tumpu Anu Matangkas na Kuasanyo saidi' mae mompuhimo tolompet salaku tanda montumbuhimo, lantas mambamo montumbuhi i uno nu tombusisi' anu lengkat mae i sasu salatan.

ANU PINOTO'I HI YOHANES 16:12

Lapas aijo' malaikat ko anomnyo nombubusakonmo isi nu tampat aijo' i Kaunyo nu Efrat anu daka' aijo'. Jadi kaunyo aijo' noti'imo sahingga to tomu-tomundo anu lengkat mae i sasu kabete'an noko alamo i lumajang nontulu i kiijo'.

ANU PINOTO'I HI YOHANES 9:16

Ku poto'iakon saba' konjoo'nyo nu gombu-gombuan anu monsake'i ajahan haha aijo', konjoo'nyo ua'atu na juta.