DANIEL 11:37 - KITAB NU TUMPU ALLA LELE MA'IMAI'

³⁷ Tomundo' aijo' saidi' mae madi' montapali pilogot maumo pa' iyaya mae anu nu sombah nu mompolee'nyo tiba suele pilogot boune anu nu sombah nu to bou-boune. Madi' nu tapali na pilogot haha aijo' kalana nu anggap na butongnyo lebe daka' na kakuasa'annyo nulingkudui na aha.

DANIEL 11:37 ပူးပေါင်းရင်းမြစ်များ

KAJADIAN 3:16

Lantas Tumpu notataemo hi boune aijo', “Ku paka posakit na beleyum de beleyum poboamo ka' de beleyum mohampeakonmo. Panyo mau mule' sumo aijo', beleyum daagi' saja' ko kinyonyoa moduhus tiba langkai' nu beleyum, ka' mule' beleyum tionyo tulu-tulutan hi ia.”

KAJADIAN 3:5

Tumpu Allah nontaloakon sumo aijo' kalana Nu sumbu' de okaan nu belemiu na bua'nyo aijo', tabuka'mo na pikilan miu; komiu timbalimo susumo Tumpu Allah ka' monsumbu'mo apaa na anu ma'ima' ka' apaa na anu ma'idek.”

NYANYIAN ANU TALASANGGO 7:10

Aku aiya sindua'ankumo na tumpunyo, ia mongka'ima'i aku.

YESAYA 14:13

Beleyum binalaniatmo da moliba'mo mokiita' ilangit, ka' mompokokomo kasuhangan nu beleyum aita' imandala' mata-matangkas hondo! Nu sangka nu beleyum timbali sumuhang salaku tomundo' aita' ibungkutnyo sasu utara, tampat nu to pilo-pilogot sihuk.

YESAYA 14:14

Beleyum notataemo, tukooyum beleyum moliba'mo itampat anu matangkas hondo aita' mae ikundom ka' timbalimo susumo Tumpu Anu Daka' na Kuasanyo.

YEHEZKIEL 24:16

“O, manusia anu madi' tumuu' batu, monti-montiik ahi' Ku alamo na mian anu talalo hondo nu kanonongi. Panyo beleyum madi' timbali montando'i kabai mohangi kabai mompojuju lolu' nu beleyum.

YEHEZKIEL 28:2

“O manusia anu madi' tumuu' batu, poto'i hi tomundo' Tirus apaa na anu pinoto'ing-Ku nu Aku Tumpu Anu Matangkas na Kuasanyo notataemo hi ia. ‘Kinobubuunmo na beleyum monsangka butong nu beleyum te pilogot anu jojoong i totonga' nu ambai. Timbali na beleyum mimbalu-balu susumo pilogot panyo jaga beleyum ola ahi' manusia biasa.

DANIEL 11:36

Tomundo' nu lipu' sasu utara mombaumo yayamo na anu nu kahanda'i nu kinyonyoanyo. Ia takabunmo sahingga nu taloakonmo tukoonyo ia na lebe daka' na kakuasa'an nulingkudui na pilogot maumo pa' iyaya mae, ka' mule' lebe daka' na kakuasa'annyo nulingkudui na Tumpu Anu Matangkas na kuasanyo. Ia timbali mombau sumo aijo' sampeje ahi Tumpu madi'mo motambuha'. Kalana apaa na anu tinantukanmo nu Tumpu tionyo pe'e ahi' jadi.

DANIEL 11:38

Panyo mule' ahi' ia moholomati pilogot anu ma'isa toho' sinombah nu mompolee'nyo aijo'mo pilogot bau ponjagai benteng-benteng. Ia monsombahkon mosoni', salaka, mainan-mainan tiba palasombahan-palasombahan sangga'at anu mahan na olinyo hi pilogot anu ma'isa toho' sinombah nu mompolee'nyo.

DANIEL 8:11

Ka' mule' ia nongewamo kapala nu suludadu nu suluga' ka' mule' nontewa'mo koloban palasombahan anu obau sansina-sinaa osombahkon hi kapala nu suludadu aijo' ka' mule' nohobo'akonmo laigan poponsomban ia.

PO'ULE' INGULIT 21:11

ihe na monsumbu' boune haha aijo' daagi' ko anu handa ka' oka'ima'imo nu belemiu da o osoaimo.

PO'ULE' INGULIT 5:21

Boli mongkamilui anu nu mian sangga'at, laigannyo, tano'nyo, bengkele'nyo, to posa-posaihonnyo, potuu'onnyo, keledainyo kabai maumo pa' apaa na anu daagi' hi ia.’

2 TESALONIKA 2:4

Kobubuunmo hondo na ia mongewa ka' mompuji' posi butongnyo molingkudui iwi-iwi' anu nu sombah nu mian, kabai iwi-iwi' na pilogot anu nu anggapmo nu mian Tumpumo nu aha. Pakalaus ia sumuhang i uno nu Laigan nu Tumpu, ka' mompoto'i tukoonyo iamo na Tumpu.

1 TIMOTIUS 4:3

Aha mongajan mian da boli mo'osoa ka' boli mongkaan kaanon anu tinantukanmo. Padahan kaanon aijo' pinotimbalimo nu Tumpu Allah da okaan ka' montalima kase hi Ia nu to mia-mian anu pinalesayamo hi Kristus, ka' nonsumbu'mo pangajalan anu totu'u lengkat mae hi Tumpu.