DANIEL 11:36 - KITAB NU TUMPU ALLA LELE MA'IMAI'

³⁶ Tomundo' nu lipu' sasu utara mombaumo yayamo na anu nu kahanda'i nu kinyonyoanyo. Ia takabunmo sahingga nu taloakonmo tukoonyo ia na lebe daka' na kakuasa'an nulingkudui na pilogot maumo pa' iyaya mae, ka' mule' lebe daka' na kakuasa'annyo nulingkudui na Tumpu Anu Matangkas na kuasanyo. Ia timbali mombau sumo aijo' sampeje ahi Tumpu madi'mo motambuha'. Kalana apaa na anu tinantukanmo nu Tumpu tionyo pe'e ahi' jadi.

DANIEL 11:36 ပူးပေါင်းရင်းမြစ်များ

MAZMUR 136:2

Pontalima kaseh hi Tumpu Anu Matangkas na Kuasanyo; kalibosan-Nyo sampe toka sidu-sidutu'.

MAZMUR 33:10

Tumpu madi'mo nompojadi tanga'an nu to bansa-bansa, Ia madi'mo nompobee' niat nu aha.

AMSAL 19:21

Manusia talalo hondo manjoo' na tanga'an, panyo ola ahi' kaputusan nu Tumpu na jadi obau.

YESAYA 10:23

Memang konanyomo na lipu' aijo' songko-songko nu hansunimo nu Tumpu Anu Daka na Kuasanyo; aijo'mo na kaputusan nu Tumpu, ka' madi'mo daagi' obabali'i.

YESAYA 10:25

Madi'mo daagi' pin pusa-Ku hi belemiu madi'anmo, lantas aha Ku pateimo.

YESAYA 10:5

Tumpu notataemo, “Silakamo na Asyur! Asyur Ku pakemo salaku pondoke ka' salaku amangkun bau pompan aha to mia-mian anu nukonamo nu tambuha'-Ku.

YESAYA 14:13

Beleyum binalaniatmo da moliba'mo mokiita' ilangit, ka' mompokokomo kasuhangan nu beleyum aita' imandala' mata-matangkas hondo! Nu sangka nu beleyum timbali sumuhang salaku tomundo' aita' ibungkutnyo sasu utara, tampat nu to pilo-pilogot sihuk.

YESAYA 14:14

Beleyum notataemo, tukooyum beleyum moliba'mo itampat anu matangkas hondo aita' mae ikundom ka' timbalimo susumo Tumpu Anu Daka' na Kuasanyo.

YESAYA 26:20

Pinsoopmo i uno nu laigan nu beleyum, o, belemiu bansangku, lantas tumbanmo mae na sabatan. Paninsulukmo mau ola sasaingoni' sampe Tumpu madi'mo motambuha'.

YESAYA 30:33

Nai puan pe'e mae na nomposadia tampat pompapuian i tomundo' Asyur. Tampat aijo' maleeng ka' mule' bola ingisianmo kau' bau pomposuli anu pinaha potambunmo manjoo' hondo. Tumpu na saidi mae momposuli apunyo, sawo-nyo na mompuhi, pokakanamo ahi' susumo kaunyo nu belerang na kobohosnyo.

YESAYA 46:10

Salatamo pe'e momonanyo mae pinoto'ing-Kumo na hahan anu imihinyo mae jadi, naipuan pe'e mae kinila-kilang-Kumo apaa na anu jadi aiya mae i ahop. Aku notataemo: Anu tinantukan-Kumo tinyo ahi' jadimo, anu kinahanda'an-Kumo tionyo ahi' Ku baumo!

YESAYA 57:9

Belemiu mompakemo minya-minya' anu manohongo, lantas mambamo monsombah pilogot Molokh. Belemiu nonsaimo to posa-posaihon i lipu' anu toto jo'o-jo'on, ka' mule' i dunia nu mian anu silakamo.

YEHEZKIEL 28:2

“O manusia anu madi' tumuu' batu, poto'i hi tomundo' Tirus apaa na anu pinoto'ing-Ku nu Aku Tumpu Anu Matangkas na Kuasanyo notataemo hi ia. ‘Kinobubuunmo na beleyum monsangka butong nu beleyum te pilogot anu jojoong i totonga' nu ambai. Timbali na beleyum mimbalu-balu susumo pilogot panyo jaga beleyum ola ahi' manusia biasa.

YEHEZKIEL 35:13

O bansa Edom, belemiu manjoo' na potatae, ka' motatae buulon hi beleng-Ku. Iwi-iwi' aijo' ihongong-Kumo.

DANIEL 11:16

Tomundo' nu lipu' sasu utara aijo' monsuka-sukaimo ka' madi'mo daagi' ko anu mongewa mau pe'e pa' mosiamo. Ia mule' monjojoongimo ahi' tano' anu ma'ima' ka' mongkuasaimo songko-songko.

DANIEL 11:3

Lapas aijo' tokamo mae na samian na tomundo' anu baani hondo. Ia mompalentahmo kalaja'an anu daka' hondo aijo' ka' nu suka-sukaimo.

DANIEL 11:37

Tomundo' aijo' saidi' mae madi' montapali pilogot maumo pa' iyaya mae anu nu sombah nu mompolee'nyo tiba suele pilogot boune anu nu sombah nu to bou-boune. Madi' nu tapali na pilogot haha aijo' kalana nu anggap na butongnyo lebe daka' na kakuasa'annyo nulingkudui na aha.

DANIEL 12:7

Mian sangga'at aijo' nohangkatmo limanyo ohu-ohua' no kiita' ilangit. Ihongongkumo na ia binasumpa' i uno nu sanggo nu Tumpu anu tataap sampe toka sidu-sidutu' ka' notatae, “Kajadian-kajadian haha aiya saja' sabole-bole daagi' totolu' ka' mintonga' na taun. Salatan ponsakisan mian anu palesayamo hi Tumpu lapasmo, saba' suele lapasmo ahi' na kajadian-kajadian anu okabangangi haha aijo!”

DANIEL 2:47

I Tomundo' notatae, “Totu'u, Daniel, Tumpu nu beleyum aijo' talalo hondo daka' na kuasanyo maumo ahi' pa' Tumpu iyamae. Ia na anu mongkuasai iwi-iwi na tomundo' ka' anu moko ala mompotalang iwi-iwi' na lahasia. Kusumbu' na han aijo' kalana beleyum noko alamo nontalangkan lahasia aiya.”

DANIEL 4:35

Iwi-iwi' na bansa i dunia aiya madi' ko alati'nyo. Tumpu na mongkuasai malaekat kiita' i suluga' ka' mule' mian anu jojoong i dunia aiya. Madi' ko samian pe'e na anu moko ala monggagakon tanga'an-Nyo, madi' ko anu baani mompokilawa apaa na anu binau-Nyomo.”

DANIEL 5:19

Talalo hondo' daka' na kakuasa'annyo sahingga to mia-mian anu lengkat mae i iwi-iwi na bansa ka' mule' tulunan nu bansa ka' basa' ilakatnyomo ka' mule' nongkabuhukmo ia. De ia kahanda'mo mompatei mian nu pateimo na mian aijo'. De ia kahanda'mo momposalamat mian nu posalamatmo na mian aijo'. Ia mohangkat kabai montau'akon maumo pa' ihe asanje pongka'oho'nyo.

DANIEL 5:20

Panyo salatan ia tinakabunmo ka' madi'mo nohongo pikilan nu mian sangga'at ka' talalomo binuhingison ia pinobelentimo i kalaja'annyo sahingga ia madi'mo tinala sanggo.

DANIEL 7:8

Hau-haunyo aku mompalahatikan tanduk haha aijo' monti-montiik sa'angu' na tanduk sangga'at tinumuu'mo i olotnyo. Tanduk aijo' ise'panyo timbali monggegenso ka' mombubut totolu' na tanduk haha aijo' anu memang polo-polo'mo. Tanduk ise'ai-aijo' ko matanyo sumo mata nu manusia, ko nganga'nyo ka' saja' montaeakon potatae anu taka-takabun.

DANIEL 8:19

“Kupoto'ije hi beleyum apaa na anu jadi saidi' mae salaku akibatnyo kalana Tumpu pusamo. Kalana anu tinoa nu beleyum atina' bau salaku pompoto'i kakiamatan.

DANIEL 8:4

Tinoangku na domba lakinyo aijo' montandukmo sasu mokiijo' i kinsoban, utara, ka' salatan. Madi' ko sa'angu' pe'e na binatang na moko ala mongewa ia kabai na madi' kinuasannyo. Maumo pa' apaa na anu nu kahanda'i nu kinyonyoanyo nu baumo ka' mule' ia tinakabunmo.

ZAKHARIA 11:16

Kalana Aku mompokalajamo samian na polaya' nu potuu'on da monjagai dombang-Ku, panyo ia madi' mongkali-kalinga domba anu nokangkanmo; ia madi' molio domba anu tinalasmo, madi' mule' ahi' mompakuli'i domba anu binelaonmo ka' mule' madi' mombee'i pakan te domba anu daagi' tutuu'. Pakalaus ola nu kaan na antok nu domba anu molompo' hondo ka' nu paha gauti konukunyo nu binatang haha aijo'.

YOHANES 5:30

“Aku madi' moko ala mombau apa-apaa de ola posi pongka'oho'-Ku. Aku ola momputusi hukuman sumo anu pinalentahkonmo nu Tumpu. Ka' kaputusan-Ku adin, kalana Aku madi' mombatuki posi pongka'oho'-Ku, panyo o ala i pongka'oho' nu Tuuma anu nonsai mae Aku.

YOHANES 6:38

Kalana Aku nintatau' mae lengkat i suluga', misa' mombau anu posi pongka'oho'ku, panyo pongka'oho'-Nyo nu anu nonsai mae Aku.

SISIKON NU TO RASUL-RASUL 4:28

Aha nosa'angu' da mombau apa-apaa, anu tinantukanmo nu Kita momonanyo saba' aijo' tionyo timbali. Ka' Kita montantukanmo aijo' nu kakuasa'an ka' posi Pongka'oho'-To.

PO'ULE' INGULIT 10:17

Tumpu Allah nu belemiu i bawo nu iwi-iwi' na pilogot ka' molingkudui iwi-iwi' na kuasa. Ia Tumpu Allah anu talasanggo ka' daka' na kuasa-Nyo ka' anu tionyo ahi' otuluti. Ia madi' mongka'ima'i momposambiha' ka' madi' mongka'oho' da otamboi asan opo'untung i palakala.

2 TESALONIKA 2:3

Mau mule' mosiamo boli mompojohok mian mongakali komiu. Kalana ma'isa pe'e toka na Sinaa aijo', tionyo timbali na han aiya momonanyo: Da'isan na mian anu molalin i kapalesaya'an sangga'at, mompojalomo i Kristus; ka' Mian anu Ma'idek tinantukanmo minsoop i nalaka tokamo mae mompotoa butongnyo.

2 TESALONIKA 2:4

Kobubuunmo hondo na ia mongewa ka' mompuji' posi butongnyo molingkudui iwi-iwi' anu nu sombah nu mian, kabai iwi-iwi' na pilogot anu nu anggapmo nu mian Tumpumo nu aha. Pakalaus ia sumuhang i uno nu Laigan nu Tumpu, ka' mompoto'i tukoonyo iamo na Tumpu.

2 TESALONIKA 2:8

atina'je ka' kantoan na Mian anu Ma'idek aijo'. Saba' de Tumpu Yesus tokamo Iaje na mompatei Mian anu Ma'idek aijo' nu napas-Nyo anu lengkat mae i nganga'nyo, ka' mompateimo nu kalonyingkabannyo salaku tandanyo Ia tokamo.

YOSUA 22:22

“Anu Daka' na kuasanyo aijo'mo Tumpu! Nu sumbu' kadaka' kami nombaumo sumo aiya, da belemiu suele monsumbu' apaa na anu okahanda'i mami! De kami mombau anu sumo aijo' ko kahanda' madi'mo mohongo-hongo Tumpu, kabai kalana kami madi'mo palesaya hi Ia, bakasmo da kami silakamo uuka aiya!

ANU PINOTO'I HI YOHANES 10:7

Panyo de malaikat ko popitu'nyo mompuuhimo tolompetnyo, Tumpu mombaumo anu tinanga'an-Nyomo, anu pinohowini-Nyomo aijo'. Sumo anu pinoto'i-Nyomo hi to posa-posaihon-Nyo, aijo'mo to nabi-nabi.”

ANU PINOTO'I HI YOHANES 12:14

Panyo boune aijo' binee'anmo ohua' na polipik nu tomonsi' bonyia' anu daka' hondo, da ia lumahap mamba i tampatnyo i padang mateges, da ia opotumuu' sampe totolu' mintonga' na taun da boli nusa'u nu ulo anu talalo hondo daka' aijo'.

ANU PINOTO'I HI YOHANES 13:1

Lapas aitu aku nontoamo sa'angu' na binatang i lubat lengkat mae i uno nu ambai. Ia ko tanduknyo sampulu' ka' popitu' na ubaknyo. Toto sa'angu' na tanduknyo ko makotanyo sa'angu', ka' toto sa'angu' na ubaknyo ko tulisannyo sa'angu' na sanggo anu mompopo'ise' Tumpu.

ANU PINOTO'I HI YOHANES 17:17

Kalana Tumpu na nompotuka'mo i kinyonyoa nu aha da mombaumo tanga'an nu Tumpu. Tumpu nomposa'angu'mo tanga'an nu aha da mombee'mo kakuasa'an nu aha hi binatang aijo', da binatang aijo' mompalentahmo sahingga timbalimo apaa na anu tinaloakonmo nu Tumpu.

ANU PINOTO'I HI YOHANES 17:3

Lantas Roh nu Tumpu nongkuasaimo aku, ka' malaikat nomboamo aku i padang mateges. I kiijo' mae aku nontoa samian na boune suha-suhang aita' i sa'angu' na binatang anu bulunyo momea' hondo, ka' anu kaho tulisan nu to sanggo-sanggo anu mompopo'ise' Tumpu. Binatang aijo' ko ubaknyo popitu' ka' tanduknyo sampulu'.