DANIEL 11:32 - KITAB NU TUMPU ALLA LELE MA'IMAI'

³² Sahingga tiba akan anu ma'idek tomundo' aijo' pagalamo monsale'i aha to mia-mian anu nompala'imo agama nu aha da mongka'oho' montulungi ia. Panyo to mia-mian anu tulu-tulutan hi Tumpu baani na mongewa ia.

DANIEL 11:32 ပူးပေါင်းရင်းမြစ်များ

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

NEHEMIA 4:14

Salatan tinoangku taalu' mian da'isan nabuhukmo ahi', pinoto'ingkumo hi aha ka' hi to tu'a-tu'anyo ka' hi to pola-polaya', “Boli mabuhuk hi sampobali'! Boli okolilimi na Tumpu anu mahoson ka' baani ka' pahampatemo, tinjohakon na to utu-utus nu belemiu, to ana-anak nu belemiu, bengkele' ka' laigan nu belemiu!”

MAZMUR 9:10

Tumpu aijo' tampat pinsendo'an nu mian anu sinakisamo, tampat pingkongan de kasusa'anmo.

AMSAL 19:5

Mian anu baleko' kiijo' i pomputusian palakala, madi' ko madi'nyo tionyo ahi' o hukumo.

AMSAL 26:28

Mombaleko'i mian sumomo mongka'ideki ia. Potatae anu matami' monsaduakon kasilaka'an.

YEREMIA 31:34

Madi'mo daagi' palalu maunyomo ola samian na bubu' aha mongajan sangalunyo da monsumbu' Tumpu. Kalana aha iwi-iwi' anu tu'amo kabai anu daagi' anak saidi' mae monsumbu'mo Aku. Kasala'an-kasala'an nu aha madi'mo lewa' Ku inau', to dosa-dosa' nu aha Ku ampunimo. Aku, Tumpu notataemo.”

DANIEL 11:21

Malaekat aijo' notatae mule', “Tomundo' anu saidi' mae mompalentah lipu' sasu utara samian na anu madi' ko agamanyo ka' madi' ko hak timbali tomundo'. Panyo katokaannyo mae madi' osangka-sangka ka' mongagoimo pangkat salaku tomundo' mompake kapandean mongakali.

DANIEL 11:34

Hau-haunyo lewa' mompatei, mian anu palesayamo hi Tumpu mohumpakmo bantuan sangkiding panyo manjoo' na mian manintuangmo hi aha pada han ola kalana molio kapentingan nu aha.

ZAKHARIA 10:12

Aku mompohosonmo mian anu palesayamo hi beleng-Ku, aha tulu-tulutanmo ka' monsombahmo Aku. Akumo, na Tumpuu anu notataemo.”

MALEAKHI 4:2

Panyo kona hi belemiu anu tulu-tulutan hi beleng-Ku, kuasang-Ku na momposalamat anu bete'mo mae susumo batu nu sinaa ka' jingkanyo momboa mae kahosonan nu mian anu masakit. Belemiu bebasmo ka' mule' lame'mo susumo anak nu sapi' anu salaje' mosabat mae i pangkunnyo.

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.

ANU PINOTO'I HI YOHANES 6:11

Aha toto samian binee'anmo sa'angu' na juba' anu mopute'. Lantas aha pinokaumo milawe sasaingoni', sampe sukupmo na konjoo'nyo nu to sanga-sangalunyo anu tinimbalimo posaihon ka' to Utu-utus nu aha anu saidi' mae opateimo susumo aha.