DANIEL 11:21 - KITAB NU TUMPU ALLA LELE MA'IMAI'

²¹ Malaekat aijo' notatae mule', “Tomundo' anu saidi' mae mompalentah lipu' sasu utara samian na anu madi' ko agamanyo ka' madi' ko hak timbali tomundo'. Panyo katokaannyo mae madi' osangka-sangka ka' mongagoimo pangkat salaku tomundo' mompake kapandean mongakali.

DANIEL 11:21 ပူးပေါင်းရင်းမြစ်များ

MAZMUR 12:8

Mian anu ma'idek na kinyonyoanyo notuhekapmo iyaya mae, palabuatan anu ma'idek pinopodaka'mo nu batu-batu mian. Panyo Belento na monjagai ahi' mae kami, o Tumpu, jagai mae na kami da boli nu poposia nu mian anu ma'idek na kinyonyoanyo haha aijo'.

MAZMUR 15:4

anu monsangka madi'mo ko angga'nyo na mian, de madi'mo nukali-kalinga nu Tumpu, panyo mongadati mian anu mohongo-hongo Tumpu; anu madi' toho' mombaleko'i apaa na anu jinanji'mo, maumo ahi' lugi'

MAZMUR 55:21

Anu u'utu mae toho'binau sangalungku nolambanimo mae to sanga-sangalunyo, ia madi'mo nontoongi anu jinanji'nyomo.

YESAYA 32:5

Mian anu ponga' madi'mo daagi' o, anggap mian anu oholomati, ka' mian anu saja' mongakali madi'mo daagi osanggohi mian anu hodi' na kinyonyoanyo.

DANIEL 11:20

Ia obalosakonmo nu samian na tomundo' anu mompalentah pagawenyo buhi-buhingison hondo da mambamo montage hasin opakisa da bau pontuangi kakaya'an nu kalaja'annyo. I uno nu tempo' anu madi' talalo pin tomundo' aijo' opateimo tiba jalan opohowini ka' misa' mule' ahi' kalana mahampate.”

DANIEL 11:32

Sahingga tiba akan anu ma'idek tomundo' aijo' pagalamo monsale'i aha to mia-mian anu nompala'imo agama nu aha da mongka'oho' montulungi ia. Panyo to mia-mian anu tulu-tulutan hi Tumpu baani na mongewa ia.

DANIEL 11:34

Hau-haunyo lewa' mompatei, mian anu palesayamo hi Tumpu mohumpakmo bantuan sangkiding panyo manjoo' na mian manintuangmo hi aha pada han ola kalana molio kapentingan nu aha.

DANIEL 11:7

Lapas na aijo' madi' pin samian anu daagi' poto utusannyo mae nu boune aijo' timbalimo tomundo'. Ia montumbuhimo suludadu nu tomundo' sasu utara, montumbuhimo bentengnyo ka' mule' mompatundu'mo.

DANIEL 4:17

Sumo aijo' na kaputusan nu kami to mala-malaekat anu binalajaga-jagamo ka' siniapmo. Pongka oho' mami da to mia-mian maumo pa' iyamae mongakui saba' Tumpu Anu Matangkas na Kuasanyo mongkuasaimo kalaja'an nu manusia ka' kalaja'an aijo' Nu bee' hihe na anu pinile'an-Nyomo ka' mule' hi mian anu madi' ko alati'nyo apa-apaa!’

DANIEL 7:8

Hau-haunyo aku mompalahatikan tanduk haha aijo' monti-montiik sa'angu' na tanduk sangga'at tinumuu'mo i olotnyo. Tanduk aijo' ise'panyo timbali monggegenso ka' mombubut totolu' na tanduk haha aijo' anu memang polo-polo'mo. Tanduk ise'ai-aijo' ko matanyo sumo mata nu manusia, ko nganga'nyo ka' saja' montaeakon potatae anu taka-takabun.

DANIEL 8:23

De palabuatan anu ma'idek taha-tahahumo basida saba' aijo'mo na tandanyo kalaja'an haha aijo' malia'mo mingkot, sahingga samian na tomundo' anu bahangihi' ka' mule' pande na mongakali tokamo mae.

DANIEL 8:25

Kalana ia pande hondo na lewa' mongakali sahingga saja' jadi na anu nu kahanda'i. Ia montakabunakonmo butongnyo ka' madi' pilenje mompoto'i pe'e nu hopu'imo na mian manjoo' hondo. Ka' mule' ia baani hondo na mongewa Tomundo' Anu Daka' na Kuasanyo. Panyo ia saidi' mae ohansunimo mau madi' pilenje ko kahosonan nu mian.

DANIEL 8:9

I sala' sa'angu' na tanduk aijo' tinumuu'mo mule' sa'angu' na tanduk ise' anu tinimbalimo dinaka hondo ka'kakuasa'annyo ingewamo no insu'sasu salatan ka' mule' sasu kinsoban ka' mule' no insu' sasu tano' anu ma'ima'an hondo.

NAHUM 1:14

Sumo uuka na putusan nu Tumpu mongkona bansa Asyur, “Aha madi'mo daagi ko tulunan anu mombolosakon bansanyo. To pato-patong nu pilogot anu daagi kiijo' i laigan ponsomban, Ku hansunimo. Polamunan bansa Asyur Ku toukaimo kalana aha madi'mo pantas na tumuu'!”

1 SAMUEL 3:13

Pinoto'ing-Kumo hi aha tukoong-Ku aha salaigan saidi' mae Ku hukumje sampe toka sidu-sidutu' kalana to ana-anaknyo nongambangimo Aku. I Eli nonsumbu'mo dosa' nu aha haha aijo' panyo ia madi' montambuha'i aha.