DANIEL 11:17 - KITAB NU TUMPU ALLA LELE MA'IMAI'

¹⁷ Lapas aijo' tomundo' nu lipu' sasu utara momposadiamo iwi-iwi' na suludadunyo da montumbuhimo lipu' sasu salatan. Lantas ko kahanda'mo da mongkuasaimo songko-songko na kalaja'an nu sampobali'nyo, ia mombaumo kasangaja'an tiba ia da mompo osoakonmo anaknyo boune tiba tomundo' nu Mesir aijo', panyo tanga'annyo aijo' madi' ko gunanyo.

DANIEL 11:17 ပူးပေါင်းရင်းမြစ်များ

2 TOMU-TOMUNDO' 12:17

Tempo'nyo aitu i Hazael tomundo' nu Siria nontumbuhimo ka' nonjojoongimo kota' Gad. Lantas ia binatanga' mule' montumbuhi Yerusalem.

2 TAWARIKH 20:3

I Yosafat nabuhukmo lantas ia binalado'amo nompoita pokinde' hi Tumpu. Lapas aijo' pinalentahkonnyomo da iwi-iwi' na mian da'isan bapuasa'.

MAZMUR 56:9

Belento nombilangmo iwi-iwi' na sinaa anu pinakengkumo lewa' namba noyaya, ka' nonsumbu'mo konjoo'nyo nu lolu'ku; pa' madi'o nu posoop i uno nu lekengan nu Belento na kasansala'anku aiya?

AMSAL 19:21

Manusia talalo hondo manjoo' na tanga'an, panyo ola ahi' kaputusan nu Tumpu na jadi obau.

YEHEZKIEL 17:17

Pakalaus aha suludadu nu Mesir anu toto babaani aijo' madi' ahi' moko ala montulungi ia da timbali mongewa mian nu Babel anu sola'mo nontambun tano' ka' sola'mo nongkeke got bau pompateian mian njojoo'.

YEHEZKIEL 25:2

“O, manusia anu madi' tumuu' batu, kutukimo na lipu' nu aha Amon.

YEHEZKIEL 4:3

Soba ala na kuhon besak; ka' pokoko na kuhon besak aijo' i olot nu beleyum tiba kota' Yerusalem, o'anggap au' aitu kuhon besak aijo' sa'angu' na pimpi' besak. Lapas aijo' ahopimo na kota' aijo' au'aitu beleyumo ahi' na montumbuhi. Aijo'mo na timbali sa'angu' na ibalat kona hi aha bansa Israel.

YEHEZKIEL 4:7

Tonto'i pa' mosia na montumbuhi Yerusalem. Tangkakon sasu mokiijo' ikota' aijo' na pajagun nu beleyum, ka' poto'imo na potuunon-Ku aijo'mo hukuman anu opokonamo hi aha.

DANIEL 11:19

Tomundo' nu lipu' sasu utara aijo' minsusule'mo i benteng-benteng nu lipu'nyo. Panyo ia ahi' opatundu'mo ka' madi'mo ko lelenyo pa' mosia na ia.

DANIEL 9:26

De lapasmo na aijo' polaya' anu pinile'anmo nu Tumpu opateimo, padahan ia madi' ko kasala'an. Sahingga tokamo mae na suludadu nu tomundo', samian na anu baani hondo lantas mohansunimo kota' Yerusalem tiba Laigan nu Tumpu. Kakiamatan tokamo mae susumo iaba' anu momboamo mae pahampahampatean tiba kahansunan susumo anu tinantukanmo nu Tumpu.

HABAKUK 1:9

Suludadu nu aha montumbuhimo da mombaumo palabuatan anu ma'idek. Iwi-iwi' na mian nu lakatmo na montoa aha aijo' tinokamo mae. Anu ihakopmo nu aha madi'mo opokolekeng na ko daisannyo.

MATIUS 12:30

Mian anu madi' matihapa' hi beleng-Ku, totu-totu'unyo mombahakon Aku. Ka' mian anu madi' montulungi Aku, totu-totu'unyo mongidei pakalaja'an-Ku!

LUKAS 11:23

Mian anu madi' mosambiha' hi beleng-Ku, totu-totu'u mongewa Aku, ka' mian anu madi' montulungi Aku, totu-totu'u mongidei kalajang-Ku!”

LUKAS 9:51

Salatan ingohanimo na tempo'nyo i Yesus o hangkatmo mokiita' i suluga', Ia nongalamo katantuan da mamba i Yerusalem.

ROMA 8:31

Apaa na anu opoko taloakon uuka aiya mongkona iwi-iwi' aijo'? De Tumpu mosambiha' hi kita, ihena moko ewa kita?