DANIEL 11:11 - KITAB NU TUMPU ALLA LELE MA'IMAI'

¹¹ Sahingga pusamo na tomundo' nu lipu' sasu sabatan ka' mambamo itampat pahampatean mongewa tomundo' nu lipu' sasu utara. Ia mompatundu'mo suludadu anu manjoo' hondo aijo' anu i uno nu pamalentahan i tomundo' nu lipu' sasu utara.

DANIEL 11:11 ပူးပေါင်းရင်းမြစ်များ

1 TOMU-TOMUNDO' 20:13

Tempo'nyo aitu nambamo na nabi samian hi Tomundo' Ahab ka' pinoto'inyomo, “Koonyo nu Tumpu: 'Tinoamo nu belento na konjoo'nyo nu suludadu haha aijo'? Ku bee'imo kauntungan na Belento mahampate mongewa aha sinaa aiya. Atina'je ka' nu nusumbu' taalu' Akumo aiya na Tumpu.’ ”

1 TOMU-TOMUNDO' 20:28

Lantas tinokamo na nabi samian hi Tomundo' Ahab ka' nompoto'i, “Sumo uuka na pinoto'i mae nu Tumpu: 'Kalana mian nu Siria haha aijo' monsangka tukoonyo Aku ola mongkuasai bungkutnyo panyo' hatanyo madi', jadi Ku po'untungmo na belemiu mahampate mongewa suludadu nu aha anu talalo hondo manjoo'. Beleyum ka' mian anu nu palentah monsumbu'je taalu' Akumo na Tumpu.’ ”

MAZMUR 76:10

Salatan Belento nobungkutmo, kahanda'mo momputusi da oposalamatmo na mian anu sinakisamo i dunia aiya.

YEREMIA 27:6

Akumo na anu nombee'mo iwi-iwi' na bansa aiya i uno nu kakuasa'an nu posaihon-Ku, i Nebukadnezar tomundo' nu aha Babel. Ka' mule' binatang suele ahi' binee'-Kumo hi ia da nu kuasaimo.

DANIEL 11:12

Lapas aijo' ia sanangmo kalana inguntungmo na nahampate ka' kalana nonsilakaimo manjoo' hondo na sampobali' panyo ia madi' ahi' saja'mo balakuasa.

DANIEL 11:40

De kakuasa'annyo nu tomundo' nu lipu' sasu utara ohanimo mingkot, saba' tomundo' nu lipu' sasu salatan montumbuhimo mae ia. Lantas tomundo' nu lipu' sasu utara mombalosimo aha anu nontumbuhimo mae aijo' ka' memang nu ideimo totu-totu'u. Manjoo' hondo na kareta anu bau pahampate; ajahan, tiba kapan, Nu tumbuhimo totu-totu'u susumo uee anu ingiaba'mo ka' mongkuasaimo manjoo' hondo na lipu'.

DANIEL 11:44

Lantas lele anu lengkat mae sasu kabete'an ka' mule' sasu utara mompotolokengkengmo sahingga nu ideimo totu-totu'u na mahampate ka' mompateimo manjoo' hondo na mian.

DANIEL 11:5

Tomundo' nu lipu' sasu salatan timbalimo mahoson panyo sala'samian na to kapa-kapala nu suludadunyo timbalimo lebe mahoson nu lingkuduimo na ia ka' mule' ia mompalentahmo kalaja'an anu mule' daka'.

DANIEL 2:38

Belento Tuanku pinojadinyomo anu mongkuasai bagian nu dunia anu ko miannyo ka' mongkuasai to tomo-tomonsi' tiba binatang sangga'at. Belentomo Tuanku na ubak mosoni' i patong aijo'.

DANIEL 8:7

Pinalahatikankumo na ia nondadupa'i domba lakinyo aijo'. Ia talalomo hondo sininggi sahingga dinupa'nyomo na domba lakinyo aijo' ka' nompato'imo ohu-ohua' na tanduknyo. Domba lakinyo aijo' madi'mo noko ala nongewa. Ia tinombasungonmo nokiijo' i tano' ka' pinahampeja'akonnyomo, ka' madi' kino samian pe'e na anu nontulungi ia.