DANIEL 10:8 - KITAB NU TUMPU ALLA LELE MA'IMAI'

⁸ Aku pinalaianmo nu aha ikiijo' me posi sausa'ku ka' lewa'mo nompalahatikan anu tinoangku aijo' nonompotolokengkengmo mae aku. Aku madi' kinohenggo-henggo ohupku inesemo hondo.

DANIEL 10:8 ပူးပေါင်းရင်းမြစ်များ

KAJADIAN 32:31

Salatan sinaa binete'mo, pinala'ianmo i Yakub na Pniel, ka' ia pinengko'mo kalana losuan nu lampeokannyo tinonggoisi'mo.

NOSABATMO 3:3

“Palias hondo”, na tinutugannyo. “Hemput aijo' madi' notoyo'! Soba da lako' ku toa oha-ohani.”

DANIEL 10:16

Lapas aijo' malaekat anu susumo manusia nontajuakonmo mae limanyo ka' nongkanyangmo mae biwingku. Aku notataemo hi ia, “O, Tuan anu tinoangku aiya nonsaduakonmo aku nabuhukmo hondo sahingga aku madi'mo noko ala nongkohenggo.

DANIEL 10:17

Aku sumomo samian na posaihon anu tinjo-tinjo i ahop nu tuannyo. Mosia na jadi na aku motatae hi belento Tuanku? Aku ilundengmo ka' mule kinyonyoangku nahahunsa'ano hondo.”

DANIEL 7:28

Sumo uuka na lapulan aiya. Aku nangada'mo hondo sahingga inesemo, panyo madi' ko samian pe'e na anu pinompoto'ianku apaa na anu jinadimo aijo' iwi-iwi'.

DANIEL 8:27

Lapas aijo' aku i lundengmo lantas nasakitmo pa' sinangkuka na sinaa na kinopinnyo. Lapas aijo' aku nobulamo ka' po'ule'mo nombau pakalaja'anku anu bau kapentingan i tomundo'. Panyo aku madi'mo sinanang na lewa' mompopikilakon anu saja' tinoangku aijo' ka' mule' madi' noko ala nongalati'i.

DANIEL 8:7

Pinalahatikankumo na ia nondadupa'i domba lakinyo aijo'. Ia talalomo hondo sininggi sahingga dinupa'nyomo na domba lakinyo aijo' ka' nompato'imo ohu-ohua' na tanduknyo. Domba lakinyo aijo' madi'mo noko ala nongewa. Ia tinombasungonmo nokiijo' i tano' ka' pinahampeja'akonnyomo, ka' madi' kino samian pe'e na anu nontulungi ia.

HABAKUK 3:16

Nohongo aijo' kinyonyoangku ilakatnyomo, ka' biwingku suele ilangkakatanmo. Aku ilu'usmo madi'mo kinokahosonan, tengkengku tosumpunmo iyaya mae na kalajanganku. Pinotenangkumo na kinyonyoangku montanda'i; hukuman nu Tumpu anu opokona hi aha anu nontumbuhimo mae.

MATIUS 17:6

Salatan anu saja' mombatuki Yesus nohongomo potatae aijo', aha nabuhukmo, sahingga tinolodadupumo i tano'.

MARKUS 9:6

Sabenannyo i Petrus madi' monsumbu' apaa na tionyo nu taeakon, kalana ia tiba ua'aha na sangalunyo daagi' hau-haunyo mabuhuk hondo.

YOHANES 16:32

O'inau'! Tempo'nyo tokaje mae, aitu pe'e tinokamo, komiu oposungkehetmo. Komiu minsusule' i posi laigan ka' mompala'i Aku sausa'. Panyo Aku madi' posi sausa', kalana Tuuma na mosangalu ka' Aku.

2 KORINTUS 12:7

Panyo da boli aku talalo buulon kalana saja' montoa anu madi' ko gampanyo aijo', aku binee'anmo sangahan na panyakit i butongku anu binau sumo sala'sa'angu' jalan nu Ibilis. Panyakit aijo' binee' bau pondoke aku, da aku madi' timbali buulon.

ANU PINOTO'I HI YOHANES 1:17

Salatan tinoangkumo na Ia, aku dinumaladupu i ahop-Nyo sumo mian anu sinilakamo. Panyo Ia nompotiik lima-Nyo koanan hi belengku ka' notatae, “Boli mabuhuk! Akumo na anu i momonanyo ka' anu imihinyo.