DANIEL 10:19 - KITAB NU TUMPU ALLA LELE MA'IMAI'

¹⁹ Ia notatae, “Tumpu mongkalibosi beleyum kalana aijo' boli bata-bata kabai mabuhuk, donganmo pahoson!” Hau-haunyo ia nontaloakon han aijo' ingoa'anku nompaka pahosonmo mule' ka' notataemo, “Soba potataemo mae o, Tumpu, belento Tuan nompaka tuangimo mae kahosonanku.”

DANIEL 10:19 ပူးပေါင်းရင်းမြစ်များ

MAZMUR 138:3

Salatan aku nongkakasemo hi Belento, Belento nontaamimo mae, pinohosonmo nu Belento na kinyonyoangku sahingga aku binaanimo.

YESAYA 35:4

Poto'imo hi mian anu mongoa'i madi' ko angga'nyo, “Pohoson na kinyonyoa nu belemiu, boli mabuhuk, Tumpu nu belemiu tokamo mae kalana mohukumo sampobali', Ia tokamo mae momposalamat belemiu.”

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 41:14

Tumpu notatae, “Boli mabuhuk, Israel, maumo ahi' beleyum ise' ka' madi' mahoson. Aku Tumpu na montulungimo beleyum, Anu Susi' hondo, Tumpu nu Israel aijo'mo na Momposalamat beleyum.

DANIEL 10:18

Sahingga daagi' minsan na ia nongkanyang mae aku lantas ingoa'anku hosonku nintuangmo.

DANIEL 9:23

Salatan beleyum notampu'unimo nongkakase hi Tumpu, Ia nontaamimo. Aku toka mae da mompotokakon kalana Ia mongkalibosi beleyum. Jadi potombihing mae ima-ima' hau-haunyo aku montalangkan alati'nyo nu anu tinoa aijo'.

HAGAI 2:4

Maumo sumo aijo' boli ahi' hente na kinyonyoa nu belemiu iwi-iwi'! Lausakonmo na kalaja aijo' kalana Aku tataap montulungi belemiu.

ZAKHARIA 8:13

O, mian anu jojoong i Yehuda ka' i Yerusalem! Naipuan mae de to mia-mian anu i salipu'an mae mompaha toto totobi'akonmo, aha motatae, ‘O'amalakon da balaa' anu nontuda'imo Yehuda tiba Israel suele ahi' montuda'i belemiu!’ Panyo Ku posalamatje na belemiu sahingga to mia-mian anu isalipu'an mae aijo' motataemo hi bubuu' aha, ‘O'amalakon da balakat anu toka hi aha Yehuda tiba hi aha Israel, suele toka ahi' hi butong nu belemiu!’ Kalana aijo' pohoson na kinyonyoa nu belemiu ka' boli ahi' mabuhuk!”

ZAKHARIA 8:9

Tumpu notataemo hi mian anu palesayamo hi Ia, “Pohoson na kinyonyoa nu belemiu! Uuka aiya belemiu mohongomo potatae anu toho'mo tinaloakon nu to nabi-nabi tempo'nyo pundasi binaumo da bau pompotinjoan Laigan-Ku.

YOHANES 11:3

Ua-ua'aha na utusnyo nompolelemo hi Yesus, “Tumpu, utus kami anu oka-okalibosi nu kita Tumpu aijo' nasakitmo.”

YOHANES 11:36

Sahingga to mia-mian nu Yahudi aijo' notatae, “Toa, paya'ii' na liibos-Nyo hi Lazarus!”

YOHANES 11:5

I Yesus mongkalibosi i Marta, i Maria ka' i Lazarus.

YOHANES 14:27

Kabilahian Kupo'una' hi komiu. Posi Kabilahian-Ku na Kubee' hi komiu. Anu kubee' aijo' misa' sumo anu binee' nu dunia hi komiu. Boli susa', boli mabuhuk.

YOHANES 16:33

Iwi-iwi' aiya Ku taloakon da komiu mohumpak ka' ima'an, kalana mosa'angu' tiba Aku. I dunia komiu sansala, panyo potataap na kinyonyoa miu! Ihungku'ankumo na dunia!”

YOHANES 19:26

Salatan i Yesus nontoa tina-Nyo tiba anu saja' mombatuki nu Nu kalibosi tinjo-tinjo i kiijo', Ia notataemo hi tina-Nyo, “Kita Tina, aijo' na anak nu Kita Tina.”

YOHANES 21:20

Salatan i Petrus nosiloi, ia nontoa i hikunyo anu saja' mombatuki nunu kalibosi Yesus. (Iamo na anu sinumuhang oha-ohani Yesus tempo'nyo nongkaan, ka' anu nompokilawa hi Ia, “Ihe na saidi' mae monguwesani Tumpu?”)

1 KORINTUS 16:13

O jaga mae ahi' na komiu ka' opohoson na kapalesaya'an i uno nu kantumuu'an salaku mian Kristen. Obau babaani ka' boli mabuhuk na palesaya.

2 KORINTUS 12:9

Panyo Tumpu nontaami, “Aku mongkalibosi beleyum ka' aijo' sukupmo hi beleyum; kalana kuasang-Ku na anu talalo mahoson de beleyum mongoa'imo madi' mahoson.” Mokonyo aijo' aku lebe sanang na mombuulakon anu madi' ku poko ala, kalana de aku madi'mo mahoson, saba' tempo'je ahi' aitu na aku mongoa'i i Kristus monjagai aku nu kahosonan-Nyo.

EFESUS 6:10

Ahennyo, pahoson ahi' na komiu nu kahosonan anu i humpak miu lengkat hi kuasa nu Tumpu, kalana komiu nosa'angu'mo tiba Ia.

2 TIMOTIUS 2:1

O Timotius, anakku! Pahosonmo ahi' na beleyum nu balakat anu binee'mo hi kita, kalana kita nosa'angu'mo tiba i Kristus Yesus.

YOSUA 1:9

O inau', Aku nompalentahmo beleyum da beleyum totu-totu'u na kinyonyoa ka' baani! Boli beleyum mabuhuk kabai hente na kinyonyoa, kalana Aku na Tumpu Allah nu beleyum saja' monsangalui beleyum maumo pa' moya na kalambanan nu beleyum.”

ANU PINOTO'I HI YOHANES 1:17

Salatan tinoangkumo na Ia, aku dinumaladupu i ahop-Nyo sumo mian anu sinilakamo. Panyo Ia nompotiik lima-Nyo koanan hi belengku ka' notatae, “Boli mabuhuk! Akumo na anu i momonanyo ka' anu imihinyo.

TO MIA-MIAN KOPIAN 6:23

Panyo Tumpu notatae hi ia, “Tendamo! Boli mabuhuk. Beleyum madi' silaka.”