DANIEL 10:16 - KITAB NU TUMPU ALLA LELE MA'IMAI'

¹⁶ Lapas aijo' malaekat anu susumo manusia nontajuakonmo mae limanyo ka' nongkanyangmo mae biwingku. Aku notataemo hi ia, “O, Tuan anu tinoangku aiya nonsaduakonmo aku nabuhukmo hondo sahingga aku madi'mo noko ala nongkohenggo.

DANIEL 10:16 ပူးပေါင်းရင်းမြစ်များ

NOSABATMO 4:10

Panyo i Musa notatae, “O, Tumpu, aku misa' mian anu pande na motatae, mau naipuan mae mau uuka aiya, salatan Tumpu nompoto'imo hi belengku. Maboat na jila'ku, manyeeng na motatae ka' motatae madi' lompat.”

NOSABATMO 4:13

Panyo tinaaman i Musa, “Ku poita, boli monsai aku, o Tumpu, saimo mian sangga'at.”

ANU MOMPOLELE POTATAE NU TUMPU 1:18

Saba' mompaka pintuang na kapandean bapikin, sumo aijo' mule' mompaka pintuangmo na bata-bata. Mompaka pintuang na kapandean, mompaka pintuang mule' na kasusa'anto.

YESAYA 6:7

Sinintungnyo na biwingku nu obaa ai-aijo' ka' notatae, “Biwi aiya nonsintungmo biwi nu beleyum. Uuka aiya kasala'an nu beleyum ingalinanmo ka' mule' dosa' nu beleyum ingampunanmo nu Tumpu.”

YEREMIA 1:9

Lapas aijo' tinajuakonmo mae nu Tumpu na lima-Nyo ka' nongkanyangmo mae nganga'ku lantas notataemo, “Potombihing mae ka' bebakon na potatae anu Ku taloakon aiya.

YEHEZKIEL 1:26

Aita' mae i bawo nu anu susumo pinoboloyuk mae, daagi' ko anu pokakana sumo tampat kajojoongan batu nilam na binau ka' aita' suha-suhang daagi' ko anu susumo manusia.

YEHEZKIEL 3:27

Saidi' mae de Aku po ule'mo motatae hi beleyum ka' po ule'mo mombee' kahosonan nu beleyum da timbalimo motatae, beleyum tionyo ahi' mompotokakonmo apaa na anu Ku poto'i, Aku, Tumpu Anu Matangkas na Kuasanyo mompoto'i hi aha. Sambahagian na aha aijo' saidi' mae mompotombihing, panyo sambagian mule' na madi' ahi' kalana aha memang bansa anu saja' motomuhuk.”

YEHEZKIEL 33:22

Pihi-pihi ma'isa pe'e ia tinoka, ingoa'ankumo na kuasa nu Tumpu. Jadi salatan mian aijo' tinokamo mae hi belengku aku noko alamo notatae ka' madi'mo daagi' imomo'.

DANIEL 12:8

Iwi-iwi' na anu tinaloakonnyomo aijo' memang ihongongkumo panyo aku madi' mangalati'. Lantas pinokilawangkumo, “O, Tuan mosiamo ahi' de iwi-iwi' aiya lapasmo?”

DANIEL 4:19

Nohongo aijo' i Daniel anu sisinanggohanmo i Beltsazar tinolokengkengmo ka' binangangmo panyo ola sinasaingoni'. Sahingga aku, i Tomundo' Nebukadnezar notataemo hi ia, “Beltsazar boli beleyum bata-bata kalana nu sabapi nu ipion aijo' ka' alati'nyo aijo'.” I Beltsazar nontaamimo, “O, Tuanku, talalo hondo ma'ima' de bisuanyo kajadian haha aijo' anu nu kila-kila nu ipion aijo' montuda'mo to sampo-sampobali' nu belento Tuanku.

DANIEL 7:15

Anu singkap tinoangku aijo' nompobingongmo hondo aku ka' nangada'mo na kinyonyoangku.

DANIEL 7:28

Sumo uuka na lapulan aiya. Aku nangada'mo hondo sahingga inesemo, panyo madi' ko samian pe'e na anu pinompoto'ianku apaa na anu jinadimo aijo' iwi-iwi'.

DANIEL 8:15

Hau-haunyo aku bala usaha kahanda' da monsumbu' alati'nyo nu anu tinoa aijo', madi' pinin tinuminjomo i ahopku na anu susumo manusia.

DANIEL 8:17

Lantas i Gabriel anu tinuminjo i ahopku aijo' nongohanimo mae aku. Aku na buhukmo hondo sahingga aku notua'mo. Koonyo i Gabriel hi belengku, “O, mian anu madi' tumuu' sampe toka sidu-sidutu' beleyum tionyo ahi' monsumbu' saba' anu tinoa aijo', aijo'mo na sinaa kakiamatan.”

DANIEL 8:18

Hau-haunyo ia notatae mae aijo' aku pinoso'mo. Panyo tinoongannyomo mae na aku ka' nontulungimo mae aku da po ule' tinuminjo. Lantas ia notataemo,

DANIEL 8:27

Lapas aijo' aku i lundengmo lantas nasakitmo pa' sinangkuka na sinaa na kinopinnyo. Lapas aijo' aku nobulamo ka' po'ule'mo nombau pakalaja'anku anu bau kapentingan i tomundo'. Panyo aku madi'mo sinanang na lewa' mompopikilakon anu saja' tinoangku aijo' ka' mule' madi' noko ala nongalati'i.

DANIEL 9:21

Hau-haunyo aku balado'a, i Gabriel anu tinoangku pipinotoa u'utu mae, i lumahapmo mae no uuka hi belengku. Tempo'nyo aitu malomo, mian monsombahkonmo koloban.

LUKAS 1:64

Tempo' aitu mule' i Zakharia moko potataemo, ka' nompuji'mo Tumpu.

LUKAS 21:15

Akuje na mombee' hi beleyum potatae tiba kapandean aijo', sahingga madi' ko samian pe'e hi anu sampo bali' miu moko ewa kabai motunde apaa na anu otaloakon miu.

YOHANES 20:28

I Tomas notatae hi Yesus, “Tumpungku ka' Tumpu Allah-ngku!”

YOSUA 5:14

“Misa sangalu, ka' mule' misa' sampobali',” tinaaman nu mian aijo'. “Aku mo'uuka mae salaku kapala nu suludadu nu Tumpu.” Nohongo aijo' i Yosua nalia-lia' tinolodadupu ka' nonsombah mian aijo'. I Yosua notataemo, “Aku aiya posaihon nu Tumpu. Apaa na anu timbali ku bau hi belento Tumpu?”

ANU PINOTO'I HI YOHANES 1:13

I totonga' nu tengke nu sulu' haha aijo', tinuminjo na samian o toa sumo mian. Ia nompusok juba' anu komantannyo toka i tengke. I saha'annyo, Ia nompake kukup nu saha'an mosoni' na binau.

TO MIA-MIAN KOPIAN 13:8

Nohongo anu sumo aijo', binalado'amo na i Manoah hi Tumpu, sumo uuka, “O Tumpu, po'ule' pe'e mae sanang na belento monsai mae posaihonto aijo' hi kami da mompoto'i apaa na anu tionyo obau mami hi anak aijo' de ia hampemo.”

TO MIA-MIAN KOPIAN 6:13

Tinaaman i Gideon, “Ampun, tuan! De totu'u belento Tumpu monsangaja'imo mae kami kadaka' iwi-iwi' na han aiya nongkonamo mae kami. Iyamo na han anu okabangangi iwi-iwi', anu toho'mo binau nu Tumpu naipuan mae anu sinisikmo nu mompolee' mami mosia na Tumpu nonsabatakonmo aha lengkat mae i Mesir? Uuka aiya Tumpu nompala'imo kami ka' nompojohokmo kami nukuasai nu aha mian Midian.”

TO MIA-MIAN KOPIAN 6:15

Tinaaman i Gideon, “Mosiamo na aku, Tumpu? Iya na jadi ku poko ala molapasakon mian nu Israel da bolimo nukuasai nu aha mian Midian. Hi tulunan nu bansa Manasye kamimo na mian anu madi' baani ka' mahoson. Ka' hi kami sampoto utusan akumo na anu madi' ko kaliangannyo.”