DANIEL 10:14 - KITAB NU TUMPU ALLA LELE MA'IMAI'

¹⁴ Aku tinoka mae da mompopangalati' beleyum da osumbu' pa' apaa na anu jadi saidi' mae hi bansa nu belemiu. Anu tinoa aijo' mongkona sinaa anu aiya mae i ahop.”

DANIEL 10:14 ပူးပေါင်းရင်းမြစ်များ

KAJADIAN 49:1

Lapas aijo' i Yakub nolagamo to ana-anaknyo ka' notatae, “Imbo' sihuk mae i aiya, koko aku. Da ku poto'i hi belemiu apaa na anu o'oa'ije nu belemiu, sinaa aiya mae i mihi:

YESAYA 2:2

Isinaa anu aiya mae ihop puge'nyo tampat Laigan nu Tumpu matangkasmo ka' tuminjo'mo hodi-hodi' aita ito bungku-bungkutnyo ka' mule' to puge-puge'nyo. Iwi-iwi' na bansa moduyu-duyutmo mamba mokiijo',

YEHEZKIEL 12:27

“O, manusia anu madi' tumuu' batu, aha to mia-mian nu Israel nontaloakonmo, tukoonyo nu aha apaa na anu pinotoamo nu Tumpu ka' anu pinoto'imo nu beleyum aijo' daagi' pin hondo jadije isinaa anu uutuje mae.

YEHEZKIEL 38:16

Lantas nu tumbuhimo na mian Israel anu palesayamo hi beleng-Ku susumo antong anu daka' hondo montintipmo tano'. De tokamo na tempo'nyo, beleyum Ku saimo mae da monjojoongimo tano'-Ku. Tiba jalan sumo aiya Aku nonggunakonmo beleyum o, Gog, nusumbu'je nu to bansang-bansang ihe sabenannyo na Aku, aijo'mo Tumpu Allah anu susi'.

DANIEL 10:1

I taun kinototolu'nyomo na i Tomundo' Koresy nompalentah Persia, sa'angu' na potuunon anu pinoto'i hi Daniel anu osa-osanggohi i Beltsazar. Potuunon aijo' totu'u hondo panyo talalo susa' na mongalati'i. Salatan ia nompagalamo binala usaha da osumbu', i Daniel nohumpakmo katalangan apaa na alati'nyo nu potuunon aijo' i uno nu sa'angu' na han anu pinotoa aijo'.

DANIEL 12:4

Lantas malaekat aijo' notatae mule' hi belengku, “Daniel, tutupmo na kitab atina' uuka aiya ka' pokonaimo segen da tataap tatutup sampe tokamo na tempo'nyo nu kakiamatan. Manjoo' na mian anu kahanda' monsoba monselidiki apaa na anu jinadimo uuka aiya. Panyo usaha nu aha madi' kino gunanyo.”

DANIEL 12:9

Ia nontaami, “Lako'mo uuka aiya, Daniel, kalana potatae aiya tionyo ahi' opohowini ka' olahasiakon sampe toka i tempo'nyo nu kakiamatan.

DANIEL 2:28

Panyo kiita' i suluga daagi' ko Tumpu na anu monsumbu' mompoto'i lahasia iwi-iwi' ka' noko poto'i-Nyomo hi Belento Tuanku apaa na anu jadi saidi' mae imihi. Uuka aiya pobee'mae na aku de timbali da montalangkan ipion ka' apaa na anu tinoamo nu belento Tuanku titinoamo tempo'nyo hoyo-hoyot aijo'.

DANIEL 8:16

I hongongku na potatae anu nontaloakon daka-daka' aijo' mae i santoa nu Kaunyo Ulai, notatae mae, “Gabriel, talangkanmo hi ia na anu tinoa aijo'.”

DANIEL 8:26

Anu tinoa mongkona koloban o, osombahkon malom ka' daagi' subu titinalangkonmo hi beleyum atina' totu-totu'u tio nu a ahi' jadi. Panyo iwi-iwi' aijo' jadije aiya mae i ahop ka' daagi' ahi' pin; jadi boli ko anu bau ponsisikan maumo pa' hihe.”

DANIEL 9:22

Lantas tinalangkanmo i Gabriel sumo uuka, “O, Daniel, aku toka mae da montulungi beleyum da monsumbu' anu lewa' okila-kila aijo',

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

MIKHA 4:1

I sinaa anu aiya mae o ahopi puge'nyo pipinombauan Laigan nu Tumpu tuminjomo hodi-hodi' ka' matangkas hondo lebemo moliu-liu to bungku-bungkutnyo ka' to puge-puge'nyo. Iwi-iwi' na bansa mododuyutanmo mambamo mompanjolongi

HABAKUK 2:3

Tulis na aijo' kalana uuka aiya misa' pe'e tempo'nyo. Panyo tempo'nyo aijo' malia'mo mae toka ka' apaa na anu pinoto'ing-Kumo hi beleyum aijo' totu-totu'u tionyo jadi. Maumo aijo' o oa'i daagi pin, panyo tanda'imo! Tempo'nyo aijo' memang ahi' tokamo ka' madi'mo daagi opo edok.

NOMBILANGMO 24:14

Notatae na i Bileam hi Balak, “Uuka aiya aku minsusule'mo i bansangku. Panyo ma'isa pe'e aku mamba ku poto'imo hi belento Tuanku apaa na anu saidi' mae nubau nu bansa Israel hi bansa nu belento Tuanku i sinaa anu aiya mae o ahopi.”

PO'ULE' INGULIT 31:21

ka' manjoo'mo na balaa' anu okabuhuk montokaimo aha. Panyo nyanyian aiya saja' onyanyiakon ka' opake salaku bau pomponyata' hi aha. Ka' mule' uuka aiya ma'isa pe'e binoang-Ku namba i lipu' anu jinanji'-Kumo, pikilan nu aha sinumbu'-Kumo.”

PO'ULE' INGULIT 31:29

Ku sumbu' saba' de aku silakamo mian haha aijo' timbalimo ma'idek ka' madi'mo mongala apaa na anu pinotingankumo hi aha. Ka' aha saidi' mae nutokaimo nu balaa' kalana nonsaduakonmo da Tumpu notambuha' kalana nombaumo apaa na anu tinewa'-Nyomo.”

PO'ULE' INGULIT 4:30

De belemiu nutokai nu balaa' aijo' iwi-iwi' ka' belemiu i uno nu kasusa'an, saba' belemiu minsusule'mo hi Tumpu Allah nu belemiu ka' tulu-tulutanmo hi Ia.

2 TIMOTIUS 3:1

O inau' na aiya: I sinaa anu imihinyo mae manjoo'mo hondo na kasusa'annyo.

IBRANI 2:3

Pakalaus mule' de kasalamatan anu lebe daka' na angga'nyo ka' anu molingkuduimo potuunon haha aijo'! De kita madi' saja' monginau' kasalamatan aijo', tantu kita madi' molapas i hukuman. Kalana Tumpu na momonanyomo nompoto'i kasalamatan aijo', ka' to mia-mian anu momonanyo nohongo nomponyata'mo anu totu'unyo hi kita.