DANIEL 10:1 - KITAB NU TUMPU ALLA LELE MA'IMAI'

¹ I taun kinototolu'nyomo na i Tomundo' Koresy nompalentah Persia, sa'angu' na potuunon anu pinoto'i hi Daniel anu osa-osanggohi i Beltsazar. Potuunon aijo' totu'u hondo panyo talalo susa' na mongalati'i. Salatan ia nompagalamo binala usaha da osumbu', i Daniel nohumpakmo katalangan apaa na alati'nyo nu potuunon aijo' i uno nu sa'angu' na han anu pinotoa aijo'.

DANIEL 10:1 ပူးပေါင်းရင်းမြစ်များ

KAJADIAN 41:32

Ipion nu belento Tuanku pininduan, aijo' alati'nyo saba' han aijo' pinotantumo nu Tumpu Allah ka' Tumpu Allah mombaumo lia-lia'.

2 TAWARIKH 36:22

Taun anu momonanyo salatan i Kores nompalentahmo, tomundo nu Persia, Tumpu nombaumo apaa na anu pinoto'inyomo hi Nabi Yeremia. Tumpu nompotuka'mo hi kinyonyoa i Kores da ia mombebakonmo palentah anu obasa'akon toka hi songko-songko na kalaja'annyo. Onyi'nyo sumo uuka:

EZRA 3:7

Mian da'isan nombee'mo doi da bau pontamboi tukang anu mompa'at batu ka' tukang nu kau'. Aha suele nompakatumo anu okaan, anu o'inum, ka' lanya' nu zaitun binoa i kota' Tirus ka' kota' Sidon da pontolosi kau' lontio' Libanon i kota' haha aijo'. Kau' haha aijo' ingatomo binoa i Yafo montulu ambai. Iwi-iwi' aijo' kinalajamo nu mian da'isan, panyo i Kores ahi tomundo nu Persia na nompoloas.

EZRA 4:3

Panyo i Zerubabel, i Yosua tiba to pola-polaya' nu aha toto sa'anakan haha aijo' nontaami, “Kami madi' pilenje otulungi nu belemiu na mombau Laigan nu Tumpu Allah mami. Posi kamimo na mombau susumo anu pinalentahkonmo i Kores, tomundo nu Persia, hi kami.”

EZRA 4:5

Aha nonsale'imo obee'ije doi na to mia-mian anu bapangkat hi pamalentah Persia da bolimo opotimbali nu mian Yehudi haha aijo' na mombau Laigan nu Tumpu. Usaha da bolimo opotimbali salatanmo pe'e i Tomundo Kores na nompalentah tinoka-toka hi Tomundo'mo Darius na nompalentah.

EZRA 6:14

Ka' mule' sinampusan nu to nabi-nabi aijo'mo i Hagai ka' i Zakharia, to pola-polaya' nu Yahudi nontusakonmo kalaja mombau Laigan nu Tumpu aijo'. Nalia' hondo na aha nombau Laigan aijo' susumo koonyo nu palentah nu Tumpu Allah Israel ka' palentah i Kores, i Darius, ka' i Artahsasta, to tomu-tomundo nu Persia haha aijo'.

EZRA 6:3

“I taun momona salatan i Tomundo Kores nompalentahmo, pinalentahkonnyomo da Laigan nu Tumpu kiijo' i Yerusalem po'ule'mo obau salaku tampat pomboan nu mian anu osombahkon ka' pompapuan koloban. Kotangkasnyo nu laigan aijo' tionyo ahi' 27 na meten ka' ko bolanyo suele 27 na meten.

YESAYA 44:28

Akumo na notatae hi Kores, ‘Belentomo na saidi' mae mompalentah mian da toka mae hi beleng-Ku, ka' mombau iwi-iwi' na anu Ku kahanda'i. Palentahmo da Yerusalem po ule'mo obau, ka' Laigan nu Tumpu suele obaumo na paningkokoannyo'.’ ”

DANIEL 1:17

Tumpu nombee'imo hi aha opa-opat na olitau aijo' kapandean bapikin ka' pande mule' na mombau pakalaja'an i uno nu sa'angu' na pakalaja'an. Ka' mule' i Daniel binee'an-Nyo kapandean da timbali montalangkan anu nu potoa nu Tumpu tiba anu opo'ipiakon.

DANIEL 1:21

I Daniel tataap mokalaja i laigan nu tomundo' sampe tinoka hi Tomundo' Koresy anu lengkat mae i Persia nonompatundu'mo Babel.

DANIEL 1:7

Kapala nu auwan i laigan nu tomundo' nombali'imo sanggo nu aha tinimbalimo: i Beltsazar, i Sadrakh, i Mesakh, tiba i Abednego.

DANIEL 10:14

Aku tinoka mae da mompopangalati' beleyum da osumbu' pa' apaa na anu jadi saidi' mae hi bansa nu belemiu. Anu tinoa aijo' mongkona sinaa anu aiya mae i ahop.”

DANIEL 11:2

Apaa na anu pinoto'ingkumo aijo' memang totu'u.” Malaekat aijo' nontaloakon, “Totolu' na tomundo' sangga'at mompalentahmo Persia ka' lapas aijo' mule' tomundo' anu ko opatnyo anu saidi' mae lebe kaya hondo nu lingkudui na sangga'at. De kakuasa'annyo talalomo hondo daka' tiba kakaya'annyo suele daka'mo hondo ia mahangewamo tiba kalaja'an nu Yunani.

DANIEL 12:4

Lantas malaekat aijo' notatae mule' hi belengku, “Daniel, tutupmo na kitab atina' uuka aiya ka' pokonaimo segen da tataap tatutup sampe tokamo na tempo'nyo nu kakiamatan. Manjoo' na mian anu kahanda' monsoba monselidiki apaa na anu jinadimo uuka aiya. Panyo usaha nu aha madi' kino gunanyo.”

DANIEL 12:9

Ia nontaami, “Lako'mo uuka aiya, Daniel, kalana potatae aiya tionyo ahi' opohowini ka' olahasiakon sampe toka i tempo'nyo nu kakiamatan.

DANIEL 2:21

Iamo na anu nompotataap loonu ka' wakitu, Ia na mompobelenti ka' mompojadi anu balakuasa. Lamo ia suele na anu mombee'i kapandean, tiba mule' mombee'i da mangalati'.

DANIEL 4:8

Ahennyo tinokamo mae na i Daniel anu osanggohi; Beltsazar susumo sanggo nu pilogot. I Daniel kinuasanmo nu roh nu to pilo-pilogot anu susi'. Sinisikumo na ipionku hi ia, kongku,

DANIEL 5:12

Ia talalo hondo pande, ka' pande mule' na mongatun ka' pande mule' na mongalati'i ipion ka' mule monsumbu' lahasia ka' mule' monsumbu' mompopikilakon hahan anu talalo susa'. Sanggonyo i Daniel, panyo sinanggohanmo i tomundo' na ia i Beltsazar. Laga mae na ia. Ia timbali mompoto'i hi belento Tuanku apaa na alati'nyo nu tulisan aiya.”

DANIEL 5:17

I Daniel nontaamimo, “Belento Tuanku madi' palalu mombee'i mae palasen haha itina' hi belengku, sahanyo obee' hi mian anu sangga'at. Ku basa'je na tulisan aijo' da ohongo nu belento Tuanku ka' kupoto'ije na alati'nyo.

DANIEL 6:28

Ia momposalamat ka' mule' mompobebas, mombau anu ma'isa toho' jinadi ka' mule' anu okabangangi aita' i langit ka' mule' i dunia aiya. I Daniel pinosalamat-Nyomo da madi' sina' nu singa haha aijo'.”

DANIEL 8:16

I hongongku na potatae anu nontaloakon daka-daka' aijo' mae i santoa nu Kaunyo Ulai, notatae mae, “Gabriel, talangkanmo hi ia na anu tinoa aijo'.”

DANIEL 8:26

Anu tinoa mongkona koloban o, osombahkon malom ka' daagi' subu titinalangkonmo hi beleyum atina' totu-totu'u tio nu a ahi' jadi. Panyo iwi-iwi' aijo' jadije aiya mae i ahop ka' daagi' ahi' pin; jadi boli ko anu bau ponsisikan maumo pa' hihe.”

LUKAS 1:20

Apaa na kutaloakon, tionyo tontimbali toka i tempo'nyo. Panyo kalana beleyum madi' palesaya, beleyum madi' moko ala basisik; beleyum tionyo momo' sampe apaa na anu tinaloakonku aijo' tontimbalimo.”

ANU PINOTO'I HI YOHANES 19:9

Lantas malaikat aijo' notataemo hi belengku, “O tulis na aiya: ‘Mohumpak ka'ima'an na anu i lagamo mamba i bau-bauon pinonika'an Anak nu Domba aijo'.’ ” Lapas mule' malaikat aijo' nompaka potatae mule', “Aiyamo na lele anu totu'u lengkat mae hi Tumpu.”