DANIEL 1:20 - KITAB NU TUMPU ALLA LELE MA'IMAI'

²⁰ De i tomundo' mompoto'imo hahan anu palalu katalangan tiba anu opopikilakon nu toa saba' pokinde' tiba pikilan nu aha opa-opat na olitau haha aijo', pinsampulu' lipat na polingkuduinyo pokinde' tiba pikilan nu aha iwi-iwi' anu lewa' montahi'i ka' mule' anu kopangatahuan i uno nu songko-songko na kalaja'annyo.

DANIEL 1:20 ပူးပေါင်းရင်းမြစ်များ

KAJADIAN 31:7

Mau mule' sumo aijo' aku ingakalannyomo ka' ingabali'nyomo na tambongku sampe pininsampulu'mo. Panyo Tumpu Allah madi' mompojohok ia mombau anu ma'idek hi belengku.

KAJADIAN 41:8

Subu-subu mae i tomundo madi'mo sinanang na kinyonyoa, kalana aijo' pinalentahnyomo da olaga mae iwi-iwi' na anu pande montili'i ipion ka' mian anu ko ilimu'nyo i Mesir. Lantas sinisiknyomo na ipionnyo hi aha, panyo madi' ko samian pe'e na noko ala nontalangkan poso'nyo.

NEHEMIA 4:12

Panyo mian nu Yahudi anu jojoong mompaha ohani tiba aha saja'mo mae tinoka nompoto'i hi kami tanga'an nu sampobali' haha aijo'.

AYUB 19:3

Saja'mo belemiu mompopo'ambang aku, ka' madi' ma'ambang na belemiu monsakisa aku.

MAZMUR 119:99

Anu ku pangalati'i molingkudui anu nu pangalati'i nu to gulu-gulu'ku, kalana aku saja' montutugi palentah iwi-iwi' nu Belento.

NOSABATMO 7:22

Panyo anu toto panga-pangatahuanon i Mesir nombaumo suele sumo aijo' nu ilimu' nu aha, sahingga i tomundo sabole-bole panggaga. Susumo anu tinaloakonmo nu Tumpu, i tomundo madi' mongka'oho' mohongo-hongo i Musa ka' i Harun.

NOSABATMO 8:19

sahingga anu pa ilimu' haha aijo' notataemo hi tomundo, “Aiya Tumpu Allah na nombau,” panyo tomundo aijo' panggaga, ka' susumo anu tinaloakonmo nu Tumpu, tomundo aijo' madi' mongka'oho' mompajuli potatae i Musa ka' i Harun.

NOSABATMO 8:7

Panyo to mia-mian anu pa ilimu' nompojalanmo ilimu' nu aha, panyo ola ahi' da nompaka panjoo' na bahangkakak haha aijo' i lubat i lipu' aijo'.

YESAYA 19:3

Apaa na anu nu tanga'imo nu aha Mesir, Ku baumo da madi'mo jadi ka' mompohentemo kinyonyoa nu aha da aha madi'mo kosumangat. Aha momoitamo tulung hi pilogot nu aha, momoitamo pokinde' ka' pikilan hi to sando-sando tiba hi to tomi-tominuat pa' apaa na anu timbali obau.

YEHEZKIEL 28:3

Beleyum monsangka au'aitu beleyum lebe pande molingkudui i Daniel sahingga madi'mo ko lahasia anu bisa opohowini hi beleyum.

DANIEL 1:17

Tumpu nombee'imo hi aha opa-opat na olitau aijo' kapandean bapikin ka' pande mule' na mombau pakalaja'an i uno nu sa'angu' na pakalaja'an. Ka' mule' i Daniel binee'an-Nyo kapandean da timbali montalangkan anu nu potoa nu Tumpu tiba anu opo'ipiakon.

DANIEL 2:13

Lantas palentah aijo' binebakonmo ka' iwi-iwi' na anu toto pande-pande tibamo i Daniel ka' to sanga-sangalunyo i Liomo da opateimo.

DANIEL 2:21

Iamo na anu nompotataap loonu ka' wakitu, Ia na mompobelenti ka' mompojadi anu balakuasa. Lamo ia suele na anu mombee'i kapandean, tiba mule' mombee'i da mangalati'.

DANIEL 5:17

I Daniel nontaamimo, “Belento Tuanku madi' palalu mombee'i mae palasen haha itina' hi belengku, sahanyo obee' hi mian anu sangga'at. Ku basa'je na tulisan aijo' da ohongo nu belento Tuanku ka' kupoto'ije na alati'nyo.

NOMBILANGMO 14:22

saba' mian haha aiya madi'mo daagi' ko samian pe'e na anu daagi' tumuu' minsoop i lipu' anu jinanji'-Kumo hi mompolee' nu aha. Kalana aha madi' mongka'oho' tulu-tulutan hi beleng-Ku ka' saja' monsoba-soba Aku. Padahan aha nontoamo jingkang-Ku anu jongkilaban ka' anu okabangangi, anu binaung-Kumo i Mesir ka' i padang bola.