DANIEL 1:19 - KITAB NU TUMPU ALLA LELE MA'IMAI'

¹⁹ Salatan pinoki-pokilawamo i tomundo' hi aha iwi-iwi' sinumbu'mo i tomundo' talu' i Daniel, i Hananya, i Misael, tiba i Azarya molingkudui sangga'at mongkona iwi-iwi na han. Jadi nontampu'unimo na aha nokalaja i laigan nu tomundo'.

DANIEL 1:19 ပူးပေါင်းရင်းမြစ်များ

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

AMSAL 22:29

Toho'mo beleyum nontoa mian anu pande na mombau pakalaja'annyo? Mian aijo' opokalajamo i jojoongan nu to tomu-tomundo, misa'mo ola i laigan nu mian biasa.

YEREMIA 15:19

Tinaaman mae nu Tumpu, “De beleyum po ule'mo mae minsusule', Ku talimamo na beleyum. Beleyum po ule'mo timbali posaihon-Ku. De beleyum mombebakonmo hahan anu mingkaliangan ka' misa' ahi' ola anu madi' totu'u saba' beleyum timbali poule' jadi nabing-Ku. Aha to mian-mian toka mule' mae hi beleyum, ka' madi'mo palaluu' beleyum mamba hi aha.

DANIEL 1:18

Salatan ilapasmo tinotolu' na taun na nosikolah susumo anu tinantukanmo nu tomundo' aijo', i Aspenas nomboamo iwi-iwi' na olitau haha aijo' nangadap hi tomundo' Nebukadnezar.

DANIEL 1:4

Aha tionyo ahi' to oli-olitau anu madi' ko nodanyo. Aha tionyo ahi' anu tingkai'on ka' anu ko sikolahnyo matangkas, ka' monsumbu' apa-apaa na anu jadi ka' mule' anu pantas ahi' na mokalaja i laigan nu tomundo'. I Aspenas tionyo ahi' mongajan aha mombasa ka' mule' montulis basa' nu aha Babel.

DANIEL 1:5

I Tomundo' nontantukanmo anu okaan tiba anu o inum nu aha tionyo ahi' pokakana tiba anu oposadiakon hi aha auwan i tomundo'. Salatan o ajanmo kopinnyo totolu' na taun aha tionyo ahi' opopangadapmo hi tomundo' da mokalajamo i laigan nu tomundo'.

DANIEL 1:6

Hi aha olitau haha aijo' kiijo'mo ahi' suele na i Daniel, i Hananya, i Misael tiba i Azarya, iwi-iwi aijo' lengkat mae hi lee' nu bansa Yehuda.

DANIEL 1:7

Kapala nu auwan i laigan nu tomundo' nombali'imo sanggo nu aha tinimbalimo: i Beltsazar, i Sadrakh, i Mesakh, tiba i Abednego.

DANIEL 2:13

Lantas palentah aijo' binebakonmo ka' iwi-iwi' na anu toto pande-pande tibamo i Daniel ka' to sanga-sangalunyo i Liomo da opateimo.

DANIEL 3:29

Kalana aijo' ku palentah da batu-batu mian i sa'angu' na bansa, tulunan nu bansa kabai basa' iyayamae anu mongalu Tumpu anu nu sombah i Sadrakh, i Mesakh, tiba i Abednego, opado-padot ka' mule' laigannyo ohobo'akon ka' opojadimo tambulan nu anu nopapumo na laigannyo aijo'. Kalana madi' ko pilogot anu moko ala mombau apaa na anu binaumo nu Tumpu aijo'.”