DANIEL 1:17 - KITAB NU TUMPU ALLA LELE MA'IMAI'

¹⁷ Tumpu nombee'imo hi aha opa-opat na olitau aijo' kapandean bapikin ka' pande mule' na mombau pakalaja'an i uno nu sa'angu' na pakalaja'an. Ka' mule' i Daniel binee'an-Nyo kapandean da timbali montalangkan anu nu potoa nu Tumpu tiba anu opo'ipiakon.

DANIEL 1:17 ပူးပေါင်းရင်းမြစ်များ

1 TOMU-TOMUNDO' 3:12

jadi apaa na anu pinoita nu beleyum aijo' Ku ganapimo. Ku potimbalije na beleyum da lebe pande ka' lebe monsumbu' apaa-apaa molingkudui mian iwi-iwi', mau tempo' anu i hikuhakonmo, kabai tempo' anu aiya mae anu o ahopi.

1 TOMU-TOMUNDO' 3:28

Salatan bansa Israel nohongomo i Salomo nomputusi palakala aijo', aha nompuji'mo ka' nompopodaka'mo ia kalana inyata'mo taalu' Tumpu Allah nombee'imo kapandean hi ia ka' saja' adin na momputusi.

2 TAWARIKH 1:10

Kalana aijo' bee'i mae na aku kapandean ka' ilimu' anu ku pake mompalentah aha. De madi' sumo aijo', mosia na aku timbali mompalentah mian anu pinalesayamo hi belento anu sumo aiya na konjoo'nyo.”

2 TAWARIKH 1:12

Kalana aijo' kapandean ka' ilimu' Ku bee'mo hi beleyum. Ka' mule' Ku potimbalimo na beleyum da mompaka bilahi mule' ka' mompaka kaya mule', ka' mompaka talasanggo mule' molingkudui to tomu-tomundo maumo pa' iyaya mae, maumo anu i hikuhakonmo, kabai anu tokaje aiya mae i ahop.”

2 TAWARIKH 26:5

I Zakharia na saja' mompokinde'i de mongkona hahan agama. Tempo'nyo i Zakharia daagi' tutuu'. I Uzia daagi' saja' tulu-tulutan monsombah Tumpu, sahingga daagi' saja' nubalakati nu Tumpu.

AYUB 32:8

Panyo anu mombee'i kapandean bapikin hi manusia, ola Roh nu Tumpu Allah Anu Daka' hondo na kuasanyo.

AMSAL 2:6

Tumpu Allah na mombee'i kapandean bapikin; lengkat mae hi Ia na pohumpakan nu manusia ilimu' ka' timbali moko ala mangalati'.

ANU MOMPOLELE POTATAE NU TUMPU 2:26

Tumpu na mombee'i kapandean bapikin, tiba pangatahuan, ka' mule' kabilahian hi mian anu momposanang kinyonyoa-Nyo. Panyo mian anu baladosa' pinalentah-Nyo mokalaja molio lezeki ka' mule' montambun hasinnyo da obee' hi mian anu momposanang kinyonyoa nu Tumpu. Jadi iwi-iwi' aijo' madi' ko gunanyo ola ahi' susumo mompagala mololoi' mombun.

YESAYA 28:26

Nu sumbu' mosia na mokalaja kalana ingajanmo nu Tumpunyo.

YEHEZKIEL 28:3

Beleyum monsangka au'aitu beleyum lebe pande molingkudui i Daniel sahingga madi'mo ko lahasia anu bisa opohowini hi beleyum.

DANIEL 1:18

Salatan ilapasmo tinotolu' na taun na nosikolah susumo anu tinantukanmo nu tomundo' aijo', i Aspenas nomboamo iwi-iwi' na olitau haha aijo' nangadap hi tomundo' Nebukadnezar.

DANIEL 1:20

De i tomundo' mompoto'imo hahan anu palalu katalangan tiba anu opopikilakon nu toa saba' pokinde' tiba pikilan nu aha opa-opat na olitau haha aijo', pinsampulu' lipat na polingkuduinyo pokinde' tiba pikilan nu aha iwi-iwi' anu lewa' montahi'i ka' mule' anu kopangatahuan i uno nu songko-songko na kalaja'annyo.

DANIEL 1:4

Aha tionyo ahi' to oli-olitau anu madi' ko nodanyo. Aha tionyo ahi' anu tingkai'on ka' anu ko sikolahnyo matangkas, ka' monsumbu' apa-apaa na anu jadi ka' mule' anu pantas ahi' na mokalaja i laigan nu tomundo'. I Aspenas tionyo ahi' mongajan aha mombasa ka' mule' montulis basa' nu aha Babel.

DANIEL 10:1

I taun kinototolu'nyomo na i Tomundo' Koresy nompalentah Persia, sa'angu' na potuunon anu pinoto'i hi Daniel anu osa-osanggohi i Beltsazar. Potuunon aijo' totu'u hondo panyo talalo susa' na mongalati'i. Salatan ia nompagalamo binala usaha da osumbu', i Daniel nohumpakmo katalangan apaa na alati'nyo nu potuunon aijo' i uno nu sa'angu' na han anu pinotoa aijo'.

DANIEL 2:19

Pihi-pihi aijo' suele Tumpu nompoto'imo lahasia aijo' hi Daniel i sa'angu' na han anu tinoa. Sahingga i Daniel nompuji'mo Tumpu kiita i suluga,

DANIEL 2:21

Iamo na anu nompotataap loonu ka' wakitu, Ia na mompobelenti ka' mompojadi anu balakuasa. Lamo ia suele na anu mombee'i kapandean, tiba mule' mombee'i da mangalati'.

DANIEL 2:23

O, Tumpu anu saja' nu sombah nu mompolee'ku, Belento ku puji' ka' ku popodaka'. Kalana Belento nombee'imo mae aku kapandean bapikin tiba kahosonan. Poitaon mami tinalimamo nu Belento. Ka' mule' bau pontaami tomundo' pinotiju'mo nu Belento.”

DANIEL 2:30

Lahasia aiya pinoto'imomae hi belengku, misa' kalana aku na lebe pande molingkudui maumo pa' ihe panyo da belento Tuanku timbali monsumbu' alati'nyo nu ipion nu belento Tuanku aijo' ka' mompangalati'i mule' isi nu kinyonyoa nu belento Tuanku.

DANIEL 4:6

Lantas ilagangkumo na anu toto pande-pande kiijo' i Babel da montalangkan mae hi belengku alati'nyo nu ipion aijo'.

DANIEL 5:14

I hongongkumo na beleyum kinuasanmo nu roh nu to pilo-pilogot anu suci' ka' mule' beleyum ko kapandean, ka' mangalati' ka' mule' ko kapandean bapikin anu talalo hondo okahebati.

DANIEL 7:1

Daagi' kinosampahuan i taun momonanyo i Belsyazar tinimbali tomundo' i Babel, aku i Daniel nongipimo ka' nontoamo. Ipion aijo' tinuliskumo ka'pinoto'ingkumo na anu tinoangkumo aijo' sumo uuka: Mombun anu mabohos hondo lengkatmo mae iyaya sahingga binokolonmo na ndalangon.

DANIEL 8:1

I taun kinototolu'nyomo na i tomundo' Belsyazar nompalentah aku nontoa mule' kinopinduannyo.

NOMBILANGMO 12:6

lantas Tumpu notataemo, “Potombihing mae na potataeng-Ku aiya! De daagi' ko anu aiya hi belemiu samian na nabi, Ku potoamo na butong-Ku hi ia da saja' otoa, ka' basisik tiba ia i uno nu ipion.

LUKAS 21:15

Akuje na mombee' hi beleyum potatae tiba kapandean aijo', sahingga madi' ko samian pe'e hi anu sampo bali' miu moko ewa kabai motunde apaa na anu otaloakon miu.

SISIKON NU TO RASUL-RASUL 6:10

Panyo aha madi' noko ala nombahakon apaa na anu tinaloakon i Stefanus, kalana Roh nu Tumpu nombee'i ia kapandean motatae.

SISIKON NU TO RASUL-RASUL 7:10

ka' nolapasakonmo ia i iwi-iwi' na kasusa'annyo. Tumpu nombee'imo ia kapandean tempo'nyo ia nangadap hi Firaun tomundo nu Mesir, sahingga i Firaun nompotimbali ia Gubernur i lipu' Mesir ka' nongkuasaimo Laigan Daka' i Firaun.

SISIKON NU TO RASUL-RASUL 7:22

Iwi-iwi' na ilimu' nu bansa Mesir ingajanakonmo hi ia, ka' ia tinimbalimo mian anu talalo kokuasa i uno nu kotae-tae ka' i palabuatannyo.

KOLOSE 1:9

Mokonyo aijo' kami saja' mondo'akon komiu salatanmo pe'e kami nohongo komiu. Pinoita mami hi Tumpu, da Roh nu Tumpu Allah mombee'i kapandean ka' da mangalati', sahingga komiu monsumbu' totu-totu'u kahanda' nu Tumpu.

YAKOBUS 1:17

Batu-batu taju anu ma'ima' ka' palasen anu ma'ima' pinolengkatannyo mae i suluga', tinau'akon nu Tumpu, anu Nompotimbali iwi-iwi na anu ma jingka i langit. Iamo na Tumpu anu madi' mongabali' ka' madi' mule' monsaduakon kapintungan mau mule' pa' mosiamo.

YAKOBUS 1:5

De daagi' ko samian itina' hi komiu anu madi' talalo pande, tionyo ahi' ia mongkakase hi Tumpu, sahingga Tumpu mombee'i kapandean hi ia; kalana toto samian sanang na Tumpu Allah mombee'i kalana kanonongannyo ka' kalana kalibosannyo.