AYUB 9:7 - KITAB NU TUMPU ALLA LELE MA'IMAI'

⁷ Tumpu Allah timbali montewa' batu nu sinaa bete' daagi' subu, ka' madi' mompobee' to manda-mandala' majingka pihi.

AYUB 9:7 ပူးပေါင်းရင်းမြစ်များ

AYUB 37:7

Kalaja nu manusia tinewa'nyomo da nusumbu' nu aha taalu' Ia hau-haunyomo mokalaja.

YESAYA 13:10

Toto saangu' na mandala ka' gombuan nu mandala' madi'mo daagi' kojingkanyo; batu nu sinaa pikatmo de ia bete'mo mae, ka' mule' bitu'on madi'mo daagi' majingka mae.

DANIEL 4:35

Iwi-iwi' na bansa i dunia aiya madi' ko alati'nyo. Tumpu na mongkuasai malaekat kiita' i suluga' ka' mule' mian anu jojoong i dunia aiya. Madi' ko samian pe'e na anu moko ala monggagakon tanga'an-Nyo, madi' ko anu baani mompokilawa apaa na anu binau-Nyomo.”

AMOS 4:13

Bungkutnyo ka' mombun, Tumpu na nompotimbali; tanga'an-Nyo pinotoa-Nyomo hi manusia. Binau-Nyomo na sinaa tiba pihi; i buannyo nu dunia, na Ia i lumajangmo. Tumpu Anu Daka' Na Kuasanyo aijo'mo na sanggo-Nyo.

AMOS 8:9

De tokamo na tempo'nyo. Ku bauje na batu nu sinaa sonsu-sonsu'un ia makakinsapmo ka' dunia timbalimo pikat padahan sonsu'un na sinaa. Aku na Tumpu Anu Matangkas na Kuasanyo anu notataemo.

MATIUS 24:29

“Madi' pin salatan kasusa'an aijo' lapasmo, batu nu sinaa pinikatmo, ka' bitu'on madi'mo ko sahayanyo. To manda-mandala' nanabu'mo lengkat mae i langit, ka' anu mongkuasai langa kalangkabutmo.

YOSUA 10:12

I sinaa aijo' salatan Tumpu nombee'imo ka'untungan nahampate hi aha mian nu Israel nongewa aha mian nu Amori, i Yosua notataemo hi Tumpu. Ka' i ahop nu aha mian nu Israel, i Yosua notataemo, “O batu nu sinaa! Sainjoongmo aita' i buan nu Gibeon. Ka' beleyum bituon! Bolimo molalin mompala'i Bangka'nyo nu Ayalon.”

YOSUA 10:13

Sahingga batu nu sinaa madi'mo nodensu' ka' bitu'on madi'mo nolalin sampe aha mian nu Israel lapasmo na nompatundu' sampobali'nyo iwi-iwi'. Anu jinadimo aiya tinulis i Kitab Yasir. Sinansinaa hondo-hondo na batu nu sinaa madi' nodensu' itotonga' nu Langit ka' pinin hondo nakakinsapje.