AYUB 9:5 - KITAB NU TUMPU ALLA LELE MA'IMAI'

⁵ Tumpu Allah molalin bungkutnyo madi' nusumbu-sumbu' nu mian, latnas nubali-balikakonmo kalana ia motambuha'mo ka' talalomo hondo pusa.

AYUB 9:5 ပူးပေါင်းရင်းမြစ်များ

AYUB 26:6

I ahop nu Tumpu Allah, dunia nu mian anu sinilakamo tuhe-tuhea' hi Tumpu Allah, madi' tinumban sahingga kantoan hi Ia.

AYUB 28:9

Maumo mosia na ko kuutnyo na batu nukeke nu mian, okekei ka' obali-balikakon na unonnyo nu bungkutnyo toka-toka mokaiyong i lananyo.

AYUB 34:25

Kalana Nusumbu' apaa na anu binaumo nu aha; sahingga pinaha patundu'-Nyomo na aha ka' pinatean-Nyomo tonga-tonga' pahu.

AYUB 40:11

Jonohi na aha anu saja' mohangka-hangkat butongnyo; lubatakonmo mae na pusa nu beleyum ka' poki pomohokotmo na aha.

AYUB 41:11

Ihe na moko ala montumbuhi ia ka' madi' konaon? I dunia aiya madi' ko anu moko ala mombau sumo aijo'.

MAZMUR 114:6

Nosiamo na belemiu iwi-iwi na bungkutnyo ka' naha lumpatanmo ka' belemiu iwi-iwi' na puge'nyo naha lumpatanmo?

MAZMUR 46:2

Tumpu aijo'mo na pinsondo'an ka' timbali kahosonanto; Ia saja' sasadia ka' moko ala ahi' montulungi i uno nu kasusa'an.

MAZMUR 68:8

O, Tumpu tempo'nyo Belento nolaya' mian anu palesayamo hi Belento i lumajang notulu i tampat anu madi' ko ueenyo,

YESAYA 40:12

Ihe na moko ala montakan ndalangon nu pala nu limanyo, kabai mongukun aita' langa ola ojingkan nu lima? Ihe na moko ala montakan tano' nu dunia aiya nu pontakan, kabai montimbang bungkutnyo tiba puge'nyo nu timbangan?

NAHUM 1:5

Bungkutnyo iwi-iwi' ilakatnyo i ahop-Nyo, ka' puge'nyo suele na enamo iwi-iwi'. De Tumpu tokamo mae dunia langkakatanmo ka' iwi-iwi' na anu monjojoongi suele nu lakatmo.

NAHUM 1:6

Ihe na moko ala montahan de Tumpu pusamo? Madi' ko anu madi' nu kona de Ia motambuha'mo? Ia mompotudunmo kapusan-Nyo anu inoakmo susumo apu, batu hansunmo ka' timbalimo abu' i ahop-Nyo.

HABAKUK 3:10

To bungku-bungkutnyo montoa Belento, gayu'anmo lengkat mae ilangit tinudunmo na ujan susumo anu obubusakon. Uee iuno nu tano' buhokanmo na onyi'nyo, bokonnyo mingkalulunmo ka' mintelepuakmo.

HABAKUK 3:6

De Belento madi'mo lumajang dunia gayu'anmo, de Belento montonto'imo to bansa-bansa tasigalamo. Iwi-iwi na bungkutnyo anu salatanmo pe'e dunia aiya mobiha-biha'mo; to puge-puge' anu memang tinatapmo i tampatnyo hede'mo, i puge'nyomo haha aijo'; na kinalajangan nu Belento daagi pe'e naipuan mae.

ZAKHARIA 4:7

Maumo ko anu molewot anu ko daka'nyo sumo bungkutnyo timbali molinggin da madi'mo ko anu atina i ahop nu beleyum. Beleyum po ule'mo mombau Laigan-Ku, ka' de beleyum mompotimpasmo batu pundasi i tampatnyo to mia-mian motataemo, ‘Ebeh na kino ima'nyo!’ ”

MATIUS 21:21

“Totu'u” tinaaman i Yesus, “De komiu palesaya ka' madi' bata-bata, komiu timbali mombau apaa na anu Binaungkumo i kau' ara aiya. Ka' misa' ola aijo', aitu pe'e komiu timbali motatae i bungkutnyo aiya, ‘Talahangkat ka' tongalin mokaiyong i uno nu ambai’; saba' han aijo' tionyo timbali.

MATIUS 27:51

Lalanse' anu pinosegot i uno nu Laigan nu Tumpu, nobeak tinimbali ohua', lengkat i buannyo tinoka i aluknyo. Dunia ginayu'an, ka' to bungku-bungkutnyo nu batu nobiha-biha'.

LUKAS 21:11

Iyayamae toka na luulu' anu daka', balaa' nu kapo'ohopan tiba panyakit anu molele. Saidi' mae toka na hahan anu okabuhuk ka' opalias hondo i langit.

1 KORINTUS 13:2

Mau mule' aku pande na mompotokakon lele lengkat mae hi Tumpu, ka' monsumbu' iwi-iwi' ilimu', ka' monsumbu' iwi-iwi na apaa, ka' mule' talalo palesaya hi Tumpu sahingga timbali moko ala molalin bungkutnyo, panyo aku madi' mongkalibosi to mia-mian sangga'at, saba' aku madi' ko alati'nyo apa-apaa!

ANU PINOTO'I HI YOHANES 11:13

Sahingga tempo'nyo aijo' jinadimo na luulu' daka' hondo. O bagi sampulu' sambahagian na kota aijo' i hansun, ka' popitu' na madala na mian i natemo nu luulu' aijo'. To mia-mian sangga'atannyo aijo' nabuhukmo hondo, lantas aha nompuji'mo katalasanggoan nu Tumpu i suluga'.

ANU PINOTO'I HI YOHANES 6:14

Langit madi'mo tinoa sumomo kalatas anu i lulunmo, ka' iwi-iwi' na bungkutnyo ka' togong ilalinmo nompala'imo tampatnyo.