AYUB 9:24 - KITAB NU TUMPU ALLA LELE MA'IMAI'

²⁴ Dunia aiya binee'mo nu Tumpu Allah hi mian anu palaganta, ka' to mia-mian kopian pinopahanyomo iwi-iwi'. Aijo' iwi-iwi' Tumpu Allah na nombau, de misa' Ia, yo ihemo?

AYUB 9:24 ပူးပေါင်းရင်းမြစ်များ

2 SAMUEL 15:30

Lapas aijo' ingukatakonmo i Daud na sapatunyo. Ia tiba iwi-iwi' na sangalunyo nondakomo i Bungkutnyo nu Zaitun ka' i humaangmo ka' ningkukumbungmo salaku tanda nontoongimo adat nu tomate.

2 SAMUEL 19:4

I Tomundo' nongkukubimo ohupnyo ka' lewa'mo nolotando'. “O anaku! Anaku Absalom! Absalom anaku!”

ESTER 6:12

Lapas aijo' i Mordekhai po'ule'mo ninsusule' i sabatan daka' i laigan nu tomundo. Panyo i Haman sampamo ninsusule'. Ia madi'mo mongka'oho' nutoa nu mian, kalana ia na'ambangmo hondo sahingga kinukumbungannyomo na ohupnyo.

ESTER 7:8

Kalana madi'mo nutaha'imani i Haman na butongnyo tumuu' sahingga tinua'akonnyomo na butongnyo i koi kahoyotan i Ester momoita ampun, panyo hau-haunyo aitu suele i tomundo ninsusule'mo mae lengkat mae aijo' i taman i laigan i tomundo. Nontoa i Haman sinumo aijo'mo, i tomundo tinolosegamo, “Beh totu'u ia Daagi' ahi' baani kahanda' mongkamale'i bengkele'ku aiya, i ahopku ka' aiya i laiganku?” Madi' pinin salatan tinaloakonmo i tomundo na potataenyo haha aijo', to mia-mian anu ko pangkatnyo tinokamo mae nonsoku' ubak i Haman nu hude.

AYUB 10:3

Apaa na ka'untunganyo de belento monsansalamo mae sumo aiya, ka' mongalinmo anu binaumo nu belento? Apaa na ka'untungannyo de belento montinjohi pikilan ka' tanga'an nu to mia-mian anu ma'idek na kinyonyoanyo?

AYUB 12:17

Po'ule'mo ingala-Nyo na kapandean bapikin hi to pama-pamalentah anu ko kakuasa-annyo, ka' to pola-polaya' pinotimbali-Nyomo da lewa' okokojoi.

AYUB 16:11

Binee'mo nu Tumpu Allah na aku hi mian anu palaganta; pinokongkomnyomo na aku hi mian anu madi' monsumbu' Tumpu Allah.

AYUB 19:7

Aku lewa'mo tinumatuhun kalana talalomo ahi' na pinonsakisa-Nyo aijo', panyo mau pe'e samian madi' ko anu nontoa mae aku. “Iya na ka'adilan,” koonyo nu loboo'ku, panyo madi' ko anu nohongo mae aku.

AYUB 22:8

Nupake na pangkat ka' kakuasa'an nu beleyum, mongala tano' songko-songko.

AYUB 24:12

I sinin na kota' i hongomo na tano' nu mian anu toto ide-idek na kinyonyoanyo, to mia-mian anu binelaonmo momoita tulung da opakuli'i, panyo Tumpu Allah madi' mohongo do'a nu aha; Ia madi' mompajuli aha.

AYUB 24:25

ihe na madi' mompototu'u han anu jinadimo aijo', kabai monggagakon potataengku anu totu'u?”

AYUB 32:2

Panyo hi aha aijo' daagi' ko samian sanggonyo i Elihu anak i Barakheel, tulunan mae i Bus aha mae sa'anakan i Ram. Madi'mo pinoko intimnyo na idek nu kinyonyoanyo, kalana i Ayub nosi pototu'umo butongnyo, ka' nompisala'imo Tumpu Allah.

MAZMUR 17:14

Boli mae na aku nupoposia nu to mia-mian anu montambun halata' nu aha i dunia aiya. Hukum na aha nu balaa' anu pinotoukamo nu Belento pohukum aha. Ka' to maku-makumpu nu aha suele ahi' o hukum.

ANU MOMPOLELE POTATAE NU TUMPU 4:1

Lapas aitu pinalahatikanku mule' iwi-iwi' na anu jinadimo i dunia aiya madi adin. Batu-batu mian anu kinabisa'an i humang ka' madi' ko anu mongka'oho' montulungi aha. Madi' ko mian anu mongka'oho' montulungi, kalana anu mongkabisa'i aijo' ko kuasa anu daka' hondo.

YEREMIA 14:4

Ujan madi'mo tinudun ka' tano' notiismo ka' nobeka-beka'mo; mian anu mongale' nongkukumbungimo ohup nu aha kalana madi'mo daagi' koanu otaha'imani.

DANIEL 4:17

Sumo aijo' na kaputusan nu kami to mala-malaekat anu binalajaga-jagamo ka' siniapmo. Pongka oho' mami da to mia-mian maumo pa' iyamae mongakui saba' Tumpu Anu Matangkas na Kuasanyo mongkuasaimo kalaja'an nu manusia ka' kalaja'an aijo' Nu bee' hihe na anu pinile'an-Nyomo ka' mule' hi mian anu madi' ko alati'nyo apa-apaa!’

MALEAKHI 2:17

Belemiu nongosaimo Tumpu nu potatae nu belemiu. Panyo pinokilawamo nu belemiu, “Te mosia na kami nongosaimo Tumpu?” Ka' notataemo, “Iwi-iwi' na mian anu nombaumo palabuatan anu ma'idek nu anggap nu Tumpu ma'ima', ka' mule' Ia situju hi aha.” Kabai nompokilawa mule' ahi', “Iya na Tumpu anu o'a-o'anggap adin aijo'?”