AYUB 9:12 - KITAB NU TUMPU ALLA LELE MA'IMAI'

¹² De ia na mongagoi, ihe na baani montewa' Ia, kabai baani mompokilawa hi Ia, “E, apaa na Nu bau?”

AYUB 9:12 ပူးပေါင်းရင်းမြစ်များ

2 SAMUEL 16:10

Panyo notatae na i tomundo' hi Abisai ka' hi Yoab utusnyo tu'a, “Boli mohongo-hongo. Pojohokmo da nu totobi'akon mae na aku. Saba de Tumpu na mompokau ia, ihe na timbali moko ala mompokilawa, kadaka' ia nombaumo anu sumo aijo'?”

AYUB 1:21

“Aku ihampeakon ola lima sampulu' sumo aitu mule' na aku de silakamo ola butong hondo-hondo. Tumpu na nombee'mo, Tumpu mule' na mongala. Ku puji' na sanggo-Nyo.”

AYUB 10:7

Sabenannyo nusumbu' nu Belento na aku aiya madi' ahi kosala'nyo memang totu-totu'u ahi' madi' sala'. Nusumbu' nu Belento saba' mau pe'e samian madi' moko ala momposalamat aku anu atina' i kakuasa'an nu lima nu Belento.

AYUB 11:10

De Nuhakop na beleyum ka' Nuboa i tampat pomputusian-Nyo palakala, saba' ihemo ahi' na baani montewa' apaa na anu kahanda'mo Nu bau?

AYUB 23:13

Tumpu Allah aijo' madi' mongabali'; madi' ko anu moko ala mongewa Ia. Ia moko ala mombau apaa na anu Nu ka'ima'imo, ka' nu tuka'mo.

AYUB 33:13

Kadaka' beleyum montuukmo Tumpu Allah tukooyum Ia madi' mompajuli apa-apaa na anu nu kasusa'akon nu manusia?

AYUB 34:29

De nutantukanmo nu Tumpu Allah da momohokotmo, madi' ko samian anu moko ala mompisala'i Ia. De nuposuluk na ahup-Nyo, madi' ko samian na anu moko ala mongkabot Ia.

ANU MOMPOLELE POTATAE NU TUMPU 8:4

I tomundo' mompalentah kalana ia balakuasa; madi' ko anu baani na mombanta!

YESAYA 43:13

sampe toka sidu-sidutu' Akumo aiya na tataap Tumpu. Madi' ko anu madi' i uno nu kakuasa'an-Ku, kabai montewa' anu tinanga'an-Kumo.”

YESAYA 45:9

Silakamo na mian anu painggaga tiba anu Nompotimbali ia; ia pokakanamo sumo kuhon tano' anu madi' tulut hi mian anu nombau ia. Pa' toho' mule' tano' ponto nompokilawa hi anu nombaumo kuhon tano', “Apaa na kalaja nu beleyum atina'?” Pa' toho' mule' kuhon tano' motusa'tukoonyo anu nombaumo ia madi' pande?

YEREMIA 18:6

“O mian anu palesayamo hi beleng-Ku. Te Aku madi' moko ala mombau hi belemiu susumo anu binaumo nu mian anu biasa mombau kuhon tano' aijo' itano' ponto aijo'? Susumo tano' ponto ilima nu mian anu biasa mombau kuhon tano', sumo aijo'mo suele na belemiu i uno nu limang-Ku.

DANIEL 4:32

Belento olaa'mo nu aha mian da'isan ka' tumuu'mo tiba to bina-binatang i padang. Kopinnyo popitu' na taun ka' belento mongkaanmo hemput susumo sapi'. Lapas aijo' belento mongakuimo talu' Tumpu Allah Anu Matangkas na Kuasanyo na balakuasa i kalaja'an nu manusia ka' kalaja'an aijo' obee'mo hi hehe na anu pinile'an-Nyomo.”

DANIEL 4:35

Iwi-iwi' na bansa i dunia aiya madi' ko alati'nyo. Tumpu na mongkuasai malaekat kiita' i suluga' ka' mule' mian anu jojoong i dunia aiya. Madi' ko samian pe'e na anu moko ala monggagakon tanga'an-Nyo, madi' ko anu baani mompokilawa apaa na anu binau-Nyomo.”

MATIUS 11:26

Aijo'mo na anu momposanang kinyonyoa nu Tuuma.”

MATIUS 20:15

Apaa aku madi' timbali mombau posi pongka'oho'ku i posi anungku? Kabai beleyum madi' sanang kalana aku manonong?’ ”

ROMA 11:34

I uno nu Kitab nu Tumpu tinulismo sumo uuka, “Ihe na moko sumbu' pikilan nu Tumpu? Ihe na timbali mombee'i pokinde' hi Ia?

EFESUS 1:11

Tumpu nombau iwi-iwi' apaa posi pongka'oho'-Nyo ka' posi kaputusan-Nyo. Salatanmo pe'e imoonanyo Ia nompile'imo kita kalana Ia mongkahanda'i da kita timbali mian anu palesayamo kalana mosa'angu'mo tiba i Kristus.