AYUB 8:22 - KITAB NU TUMPU ALLA LELE MA'IMAI'

²² Anu mongka'ideki beleyum ma'ambangmo, ka' nu oa'i madi'mo ko angga'nyo, ka' laigan nu mian anu uwesan o'ideimo sahingga madi'mo ko buyo'nyo.”

AYUB 8:22 ပူးပေါင်းရင်းမြစ်များ

AYUB 15:34

Mian anu uwesan madi' mohumpak lee'; ola mingkot nukaan nu apu na laigan anu binaunyomo kalana han aijo' ola ka'untungan ia lewa' montinjohi ka' mompototu'u anu ko kasala'an.

AYUB 18:14

Ia ihahimbitakonmu lengkat mae aijo' i kemahnyo, tampat anu nu oa'i sanang ka' madi' ko anu mompoposia, lantas binoamo da mongahopimo kapatean.

AYUB 21:28

Belemiu mompokilawa, “Iya mae na laigan nu anu balakuasa anu mombau kalakuan anu palaganta?”

AYUB 36:6

Mian anu baladosa' madi' Nu pojohok da tumuu' pin, Ia mombee'i ka'adilan hi mian anu mongoa'i kasansala'an.

AYUB 4:21

Sahingga iningkotmo iwi-iwi' na anu daagi' hi ia; ia suele sinilakamo madi' mohumpak kapandean apa-apaa.

AYUB 7:21

Te madi'mo Belento timbali mongampuni dosa'ku? Te madi'mo timbali Beleyum monsapui kasala'anku? Madi'mo pin aku male'mo i uno nu polamunan ka' de aku nulio nu Belento madi'mo daagi' nuhumpak nu Belento.”

AYUB 8:15

Te mahoson na loa'nyo aijo' de bau paninsehaan? Te mahoson na banangnyo aijo', de bau pintoongan?’

AYUB 8:18

Panyo, soba gaut uuka aiya na padang aijo', saba' sumomo ahi' ia madi' tinumuu' i kiijo'.

AYUB 9:1

Panyo tinaaman i Ayub, “Memang, ku sumbu' potatae nu beleyum aijo' madi' sala'. Panyo, te toho' mule' manusia mahampalakala mongewa Tumpu Allah ka' mompokala Ia?

MAZMUR 109:29

Bakas da to mia-mian anu montutuk mae aku mohumpak anu moko ambang, ka' han anu moko ambang aijo' monsaingkukubi aha susumo juba'.

MAZMUR 132:18

Kalaja'annyo saja'mo mohumpak ka'ima'an, panyo iwi-iwi' na mian anu monsapobali' aha opopoambangmo.”

MAZMUR 35:26

Sahanyo mian anu sanang na montoa kasansala'anku timbalimo bingong ka' mohumpakmo ambang. Sahanyo mian kobubuun mae hi belengku o'alu ka' opopo ambang.

AMSAL 14:11

Laigan nu mian anu manonong tataap madodo; panyo laigan nu mian anu ma'idek na kinyonyoanyo mohobo'mo.

YEHEZKIEL 26:16

Montoa uki' nu beleyum anu sinumo atina'mo, sahingga to tomu-tomundo' nu bansa-bansa anu isonibi nu ambai tuminjomo madi'mo sumuhang i tahtanyo ka' nu ukatmo nu aha na baju' pesalin tiba baju' nu aha anu sinujian, lantas sumuhangmo panyo nu lakatmo aijo' itano'. Aha mabuhukmo ahi' hondo sahingga madi'mo tenda na nu oa'i nu aha.

YEHEZKIEL 7:27

Itomundo' tumando'mo na lewa' humang, anak mo'ane nu tomundo' madi'mo ko anu otaha'imani ka' mule aha mian da'isan lengkatanmo bau nu buhuk. Aku mohukumo beleyum sitimbang tiba palabuatan iwi-iwi' nu beleyum ka' momputusimo hukuman nu beleyum susumo belemiu mombee'i hukuman hi mian sangga'at. Sahingga nu sumbu'je nu beleyum taalu' Akumo ahi' na Tumpu.”

ZAKHARIA 5:4

Tumpu Anu Daka' na Kuasanyo notataemo tukoo-Nyo pongkutuki aijo' opokona i laigan nu mian anu lewa' mombuling ka' mule' i laigan nu mian anu basumpa' ihan anu madi' totu'u. Laigan haha aijo' saja'mo nu kona nu kutuk sampe timbalimo tambulan nu anu ihansunmo.”

1 PETRUS 5:5

Sumo aitumo na kita Utus, to oli-olitau ka' to lalangkoyang. Tulu-tulutan hi to mia-mian anu motu'amo. Kita Utus iwi-iwi' boli ko tige-tige ka' mompaha kale-kalesang ahi', boli kobubuun na kinyonyoa. Kalana i uno nu Kitab nu Tumpu tinulismo sumo uuka, “Tumpu mongewa mian anu buulon, panyo mongkalibosi mian anu madi' ko tige-tige.”